"Мемлекеттік мүлік туралы" Қазақстан Республикасы Заңының 11-бабы 4) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. "Қазимпэкс" республикалық орталығы" акционерлік қоғамы жарғылық капиталында мемлекеттің жүз пайыз қатысу үлесі бар "Қазимпэкс" республикалық орталығы" жауапкершілігі шектеулі серіктестігі (бұдан әрі – серіктестік) етіп қайта құру жолымен қайта ұйымдастырылсын.
2. Серіктестік қызметінің негізгі бағыттары мынадай болып айқындалсын:
1) өзге сымсыз телекоммуникациялық байланысты жүзеге асыру;
2) қорғаныс және ұлттық қауіпсіздік саласындағы зерттеулер мен эксперименттік әзірлемелер;
3) жекеменшік жылжымайтын мүлікті жалдау және басқару;
4) сыйақы үшін немесе шарттық негізде жылжымайтын мүлікті басқару;
5) басқа топтамаларға енгізілмеген тауарлардың жекелеген түрлерінің немесе тауарлар топтарының саудасына маманданған агенттер қызметі;
6) ақпараттық жүйелер мен деректер базасын сүйемелдей отырып, ақпараттық-әдіснамалық қамтамасыз ету.
3. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының Ұлттық қауіпсіздік комитетімен бірлесіп (келісу бойынша), Қазақстан Республикасының заңнамасында белгіленген тәртіппен:
1) серіктестіктің жарғысын бекітуді және оны "Азаматтарға арналған үкімет" мемлекеттік корпорациясында мемлекеттік тіркеуді;
2) Қазақстан Республикасының Ұлттық қауіпсіздік комитетіне серіктестіктің мемлекеттік қатысу үлесіне иелік ету және пайдалану құқығын беруді;
3) осы қаулыдан туындайтын өзге де шараларды қабылдауды қамтамасыз етсін.
4. Қазақстан Республикасы Үкіметінің кейбір шешімдеріне мынадай өзгерістер енгізілсін:
1) "Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы" Қазақстан Республикасы Үкіметінің 1999 жылғы 12 сәуірдегі № 405 қаулысында:
көрсетілген қаулымен бекітілген акцияларының мемлекеттік пакеттері мен қатысу үлестері республикалық меншікте қалатын акционерлік қоғамдар мен шаруашылық серіктестіктерінің тізбесінде:
"Астана қаласы" бөлімінде:
реттік нөмірі 21-19-жол мынадай редакцияда жазылсын:
"21-19. "Қазимпэкс" республикалық орталығы" ЖШС";
2) "Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы" Қазақстан Республикасы Үкіметінің 1999 жылғы 27 мамырдағы № 659 қаулысында:
көрсетілген қаулымен бекітілген иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:
"Қазақстан Республикасының Ұлттық қауіпсіздік комитетіне" бөлімінде:
реттік нөмірі 242-жол мынадай редакцияда жазылсын:
"242. "Қазимпэкс" республикалық орталығы" ЖШС".
5. "Қазимпэкс" республикалық орталығы" акционерлік қоғамының кейбір мәселелері туралы" Қазақстан Республикасы Үкіметінің 2015 жылғы 7 тамыздағы № 619 қаулысының күші жойылсын.
6. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
Ә. Смайылов |
