2025 жылы Ұлы Отан соғысындағы Жеңістің 80 жылдығына дайындалу және оны мерекелеу жөніндегі "Ұлы Жеңіс: Ерлікке тағзым, ұрпаққа үлгі" атты іс-шаралар жоспарын бекіту туралы

Қазақстан Республикасы Үкіметінің 2024 жылғы 31 желтоқсандағы № 1147 қаулысы

Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған 2025 жылы Ұлы Отан соғысындағы Жеңістің 80 жылдығына дайындалу және оны мерекелеу жөніндегі "Ұлы Жеңіс: Ерлікке тағзым, ұрпаққа үлгі" атты іс-шаралар жоспары (бұдан әрі – Іс-шаралар жоспары) бекітілсін.

2. Орталық және жергілікті атқарушы органдар, Қазақстан Республикасының Президентіне тікелей бағынатын және есеп беретін мемлекеттік органдар (келісу бойынша), сондай-ақ Іс-шаралар жоспарының орындалуына жауапты өзге ұйымдар (келісу бойынша):

1) Іс-шаралар жоспарын іске асыру жөнінде шаралар қабылдасын;

2) жартыжылдық негізде, 2025 жылғы 15 маусымнан және 2025 жылғы 15 желтоқсаннан кешіктірмей, Қазақстан Республикасының Мәдениет және ақпарат министрлігіне Іс-шаралар жоспарының іске асырылу барысы туралы ақпарат берсін.

3. Қазақстан Республикасының Мәдениет және ақпарат министрлігі жартыжылдық негізде, 2025 жылғы 15 шілдеден және 2026 жылғы 15 қаңтардан кешіктірмей, Қазақстан Республикасы Үкіметінің Аппаратына Іс-шаралар жоспарының іске асырылу барысы туралы жиынтық ақпарат берсін.

4. Осы қаулының орындалуын бақылау Қазақстан Республикасының Мәдениет және ақпарат министрлігіне жүктелсін.

5. Осы қаулы қол қойылған күнінен бастап қолданысқа енгізіледі.

Қазақстан Республикасының Премьер-Министрі

О. Бектенов

Қазақстан Республикасы Үкіметінің 2024 жылғы 31 желтоқсандағы № 1147 қаулысымен бекітілген

2025 жылы Ұлы Отан соғысындағы Жеңістің 80 жылдығына дайындалу және оны мерекелеу жөніндегі "Ұлы Жеңіс: Ерлікке тағзым, ұрпаққа үлгі" атты іс-шаралар жоспары

№ р/с	Іс-шаралар атауы	Аяқтау нысаны	Орындауға жауаптылар	Өткізу мерзімі	Болжамды шығыстар, мың теңге	Қаржы-ландыру көзі

1	2	3	4	5	6	7
І. Ұйымдастыру-дайындық жұмыстары
1.	2025 жылы Ұлы Отан соғысындағы Жеңістің 80 жылдығын мерекелеуге дайындық және оны өткізу жөніндегі "Ұлы Жеңіс: Ерлікке тағзым, ұрпаққа үлгі" атты өңірлік іс-шаралар жоспарларын бекіту Тұжырым: өңірлік жоспарларда Ұлы Отан соғысындағы Жеңістің 80 жылдығын мерекелеу бойынша нақты өңірге байланыстыра отырып, нақты іс-шаралар көзделетін болады. Жоспарлар салтанатты іс-шараларды, ардагерлерді әлеуметтік қолдауды және іс-шараларды кеңінен ақпараттық сүйемелдеуді және мерекенің негізгі идеологияларын ілгерілетуді қамтиды	өңірлік жоспарлар	ЖАО, МАМ	2025 жылғы қаңтар	талап етілмейді	–
2.	"Ұлы Отан соғысындағы Жеңіске 80 жыл" бірыңғай мерейтойлық медалі туралы" Қазақстан Республикасы Президентінің Жарлығын бекіту Тұжырым: Жарлықпен ардагерлердің еңбегін ресми мойындау бекітіледі және олардың ерлігі үшін қоғамның алғысын білдіреді. Мерейтойлық медаль әрбір соғысқа қатысушының қосқан үлесінің маңыздылығын атап өтіп және Отанды қорғау ісінде ұрпақтар сабақтастығының символын жасай отырып, мерекенің маңызды атрибуты болып табылады	Қазақстан Республикасы Президентінің Жарлығы	Қорғанысмині, ҰЭМ, Қаржымині, Еңбекмині	2025 жылғы қаңтар	талап етілмейді	–
3.	"Ұлы Отан соғысындағы Жеңіске 80 жыл" мерейтойлық медалін жасау Тұжырым: ұлттық нақыштағы мерейтойлық медаль ардагерлер мен тыл еңбеккерлерінің Ұлы Жеңіске қосқан үлесі үшін халықтың мақтанышын бейнелей отырып, олардың жасаған ерлігінің естелігі және ризашылықтың символына айналады	мерейтойлық медаль	ПІБ (келісу бойынша), ҰБ (келісу бойынша)	2025 жылғы сәуір	599 571	РБ
4.	"Ұлы Отан соғысындағы Жеңіске 80 жыл" мерейтойлық медалімен марапатталатын адамдардың тізімін жасау Тұжырым: марапатталушылар тізімін сапалы пысықтау барлық соғыс ардагерлерін, тыл еңбеккерлерін және теңестірілген тұлғаларды қамтуға мүмкіндік береді, олар өз кезегінде өскелең ұрпаққа үлгі болады	марапатталатын адамдардың тізімі	Қорғанысмині, Еңбекмині, СІМ, ЖАО	2025 жылғы сәуір	талап етілмейді	–
5.	Ұлы Отан соғысындағы Жеңістің 80 жылдығын мерекелеудің логотипін және брендбугін әзірлеу Тұжырым: логотип және брендбук Жеңістің 80 жылдығын мерекелеу аясында өткізілетін барлық іс-шараларда пайдаланылады және әртүрлі іс-шаралар мен акцияларда визуалды сәйкестендіру элементтерін ортақ пайдалануды қамтамасыз етеді	логотип, брендбук	Қорғанысмині, МАМ	2025 жылғы қаңтар	талап етілмейді	–
6.	"Ұлы Отан соғысындағы Жеңіске 80 жыл" тақырыбына мерейтойлық пошта маркасын әзірлеу Тұжырым: ұлттық нақыштағы пошталық марка (блок) ардагерлер мен тыл еңбеккерлерінің Ұлы Жеңіске қосқан үлесі үшін халықтың мақтанышын бейнелей отырып, олардың жасаған ерлігінің естелігі және ризашылықтың символына айналады	пошта маркасы	ЦДИАӨМ, "Қазпошта" АҚ (келісу бойынша)	2025 жылғы сәуір	бюджеттен тыс қаражат	–
7.	Ұлы Отан соғысы ардагерлерінің есімдерін елді мекендерге, көшелерге, оқу орындарына беру Тұжырым: атаулар беру Ұлы Отан соғысының маңыздылығын қоғамдық санада нығайтуға көмектеседі. Сонымен қатар бұл атаулар тек құрметке ғана емес, сондай-ақ құрбандықпен жеңіп алған бейбітшілік пен бостандықтың құндылығын үнемі еске салады. Өткенді және бүгінгіні байланыстаруға септігін тигізетін тарихи жадыны сақтаудағы және ұлттың бірегейлігін қалыптастырудағы маңызды элемент	есімдер беру	ЖАО, МАМ	жыл ішінде	бөлінген қаражат шегінде	ЖБ
8.	"Саламатты Қазақстан" мамандандырылған пойызын іске қосу аясында ел тұрғындарына профилактикалық-диагностикалық қызмет көрсетуді ұйымдастыру және өткізу Тұжырым: "Медициналық пойыздар" кең ауқымды әлеуметтік жобасы, оның аясында Ұлы Отан соғысының қатысушылары, тыл еңбеккерлері және шалғайдағы станциялардың тұрғындары негізгі медициналық мамандықтардың білікті мамандарынан (терапевт, стоматолог, офтальмолог, лор, хирург, уролог, маммолог, педиатр) тегін зерттеп-тексерілуден және емделуден өтуге мүмкіндігі бар	профилактикалық-диагностикалық қызмет көрсету	"Samruk-Kazyna Trust" АҚ (келісу бойынша), "ҚТЖ" ҰК" АҚ (келісу бойынша), КМ, ДСМ, ЖАО,	2025 жылғы сәуір-мамыр	бөлінген қаражат шегінде	"Samruk-Kazyna Trust" АҚ (келісу бойын ша)
9.	Ұлы Отан соғысына қатысушылардың монументтерін, ескерткіштерін, жерленген жерлерін қалпына келтіру, жөндеу және абаттандыру Тұжырым: тарихи жадыны сақтауға, ескерткіштердің сыртқы келбетін жақсартуға және соғыс батырларын құрметтеуге лайықты жағдайлар жасауға бағытталған іс-шаралар кешенін өткізу	абаттандыру бойынша іс-шаралар	ЖАО, МАМ	2025 жылғы 30 сәуірге дейін	бөлінген қаражат шегінде	ЖБ
10.	Ұлы Отан соғысына қатысушылардың шет елдердегі монументтерін, ескерткіштерін, жерленген жерлерін қалпына келтіру, жөндеу және абаттандыру Тұжырым: шетелде тарихи жадыны сақтауға, ескерткіштердің сыртқы келбетін жақсартуға және соғыс батырларын құрметтеуге қолайлы жағдайлар жасауға бағытталған іс-шаралар кешенін өткізу	абаттандыру бойынша іс-шаралар	СІМ	2025 жылғы 30 сәуірге дейін	бюджеттен тыс қаражат	–
11.	Даңғылдар мен көшелерді мерекелік паннолармен безендіру, баннерлерді қаланың жарнамалық конструкциялары мен медиафасадтарына орналастыру Тұжырым: азаматтардың бірлігін және ортақ тарих пен мұра сезімін қалыптастыруға ықпал ететін бірыңғай мерекелік орта құру. Қоғамдық кеңістіктерді мерекелік безендіру Жеңіс күнінің мерекелік көңіл-күйі мен маңыздылығын және азаматтардағы патриоттық рухын сезінуге мүмкіндік береді	көшелерді мерекелік безендіру	ЖАО	2025 жылғы сәуір-мамыр	бөлінген қаражат шегінде	ЖБ
12.	Ұлы Отан соғысының ардагерлеріне және тыл еңбеккерлеріне біржолғы әлеуметтік көмек және әлеуметтік қолдау шараларын көрсету Тұжырым: ардагерлерге біржолғы әлеуметтік көмек көрсету қоғамдық қолдауды және олардың Қазақстан тарихына қосқан үлесін мойындауды күшейте отырып, елдің бостандығы мен қауіпсіздігін қорғаған адамдарға қамқорлық пен құрмет көрсетудің көрінісі боып табылады	біржолғы әлеуметтік көмек	Еңбекмині, ЖАО	2025 жылғы мамыр	бөлінген қаражат шегінде	ЖБ
13.	Ұлы Отан соғысының ардагерлерін және тыл еңбеккерлерін санаторийлік-курорттық емдеумен қамтамасыз ету Тұжырым: "Ардагерлер туралы" Қазақстан Республикасының Заңына жатқызылған ардагерлер мен азаматтар үшін санаторийлік-курорттық емдеуді ұйымдастыру олардың денсаулығы мен өмір сүру сапасын жақсартуға, сондай-ақ олардың ел алдындағы сіңірген еңбегі үшін мемлекет ризашылығын және қолдауын білдіруге бағытталған	санаторийлік-курорттық емдеу	Еңбекмині, ЖАО	жыл ішінде	бөлінген қаражат шегінде	ЖБ
14.	Ұлы Отан соғысының ардагерлеріне, тыл еңбеккерлеріне кезектен тыс медициналық зерттеп-тексерулер, үйде тексерулер жүргізу, жеңілдікті дәрілік заттармен қамтамасыз ету, үйде немесе стационарларда тегін емдеуді ұйымдастыру Тұжырым: Ұлы Отан соғысының ардагерлеріне қамқорлық жасау, олардың денсаулығын сақтау мақсатында тиісті қолдау көрсету	медициналық қызмет көрсету	ДСМ, ЖАО	жыл ішінде	бөлінген қаражат шегінде	ЖБ
15.	Атаулы әлеуметтік қолдау көрсету, мерекелік даталарға орай азық-түлік себеттерін табыс ету үшін Ұлы Отан соғысының жалғызбасты ардагерлерін, сондай-ақ тыл еңбеккерлерін кәсіпорындардың, шаруашылық етуші объектілердің басшылары тарапынан патронаттық жұмыс ұйымдастыру Тұжырым: бұл шара ел кәсіпорындары үшін бизнес-қоғамдастық тарапынан ардагерлерге әлеуметтік жауапкершілік пен қамқорлық көрсетуге мүмкіндік береді	атаулы әлеуметтік көмек	Еңбекмині, ЖАО	жыл ішінде	бюджеттен тыс қаражат	–
16.	Ұлы Отан соғысының маңызды сәттерін көрсететін проекциялық, лазерлік және өзге де демонстрациялық шоу (ғимараттар қасбетінде 3D-проекциялар, дрондар шоуы және басқалар) Тұжырым: заманауи технологиялар – проекциялар, дрондар, лазерлер және басқа да арнайы әсерлер арқылы Ұлы Отан соғысының маңызды сәттерін жандандыратын шығармашылық шоу. Бағдарламаға көрнекілендірілген және дыбыстық әсерлерді қосу тарихи эпизодтарды көрсетіп қана қоймай, көрермендерге сол жылдардағы эмоционалды атмосфераны жеткізуге мүмкіндік береді. Қаланың тарихи және мәдени ғимараттарының қасбеттерінде соғыстың негізгі оқиғалары бар 3D проекциялары көрсетіледі. Соғыстың маңызды оқиғаларының сәттерін көрсете алатын аспанда жарық пен анимациялық картиналар жасау үшін дрондарды пайдалану	демонстрациялық шоу	ЖАО	2025 жылғы сәуір-мамыр	бөлінген қаражат шегінде	ЖБ
17.	"Жеңіс лентасы" патриоттық акциясы (Отан қорғаушы күні және Жеңіс күні қарсаңында ленталар тарату) Тұжырым: "Жеңіс лентасы" патриоттық лентасы ел үшін мақтаныштың қазақстандық символы, оның ерлігі туралы және Жеңіс үшін өз өмірін қиған адамдарды еске алып құрмет білдіру ретінде қабылдануы тиіс. Таратуды ұйымдастыру ауқымды және ірі қалаларда да, ауылдық жерлерде де халықтың барлық топтары, соның ішінде мектеп оқушылары, студенттер, еңбек ұжымдарының өкілдері мен ардагерлер үшін қолжетімді болуы тиіс	акция	ЖАО	2025 жылғы сәуір-мамыр	бөлінген қаражат шегінде	ЖБ
18.	Ұлы Отан соғысына қатысушылар мен мүгедектеріне қолдау және көмек көрсету бойынша "Ардағым ардагерім" акциясын ұйымдастыру Тұжырым: әлеуметтік акция ардагерлердің өмір сүру жағдайларын жақсартуға және оларды күнделікті өмірде қолдаудың маңыздылығын көрсетуге бағытталған	акция	ЖАО	жыл ішінде	бөлінген қаражат шегінде	ЖБ, бюджеттен тыс қаражат
19.	Ұлы Отан соғысына қатысушылардың ескерткіштеріне және мемориалдарға іргелес аумақты абаттандыру бойынша қайырымдылық акциясын ұйымдастыру Тұжырым: іс-шаралар ардагерлерге әлеуметтік көмек көрсетуге, тарихи жадыны сақтауға, ұрпақтар арасындағы байланысты, ұрпақтар сабақтастығын және жастардың патриотизмін нығайтуға бағытталған	акция	МАМ, ЖАО, "Ардагерлер ұйымы" РҚБ (келісу бойынша)	жыл ішінде	бюджеттен тыс қаражат	–
ІІ. 7-9 мамырдағы мерекелік іс-шаралар
20.	Отан қорғаушы күніне және Ұлы Отан соғысындағы Жеңістің 80 жылдығына арналған әскери шеру Тұжырым: іс-шара Ұлы Отан соғысындағы Жеңістің 80 жылдығын мерекелеудегі басты оқиға болады, осы айтулы оқиға туралы қазақстандықтардың естелігін, туған жерін қорғаудың маңыздылығын және ерлік дәстүрінің сабақтастығын көрсетеді	әскери шеру	Қорғанысмині, МАМ, ІІМ, ҰҚК (келісу бойынша), ТЖМ, МКҚ (келісу бойынша), Астана қаласының әкімдігі, ЖАО	2025 жылғы 7 мамыр	бөлінген қаражат шегінде	РБ
21.	Ұлы Отан соғысындағы Жеңістің 80 жылдығына және Отан қорғаушы күніне арналған әскери шерудің көпкамералық бейнетүсірілімін қамтамасыз ету Тұжырым: жоғары сапалы телехабарлар мен оқиғаларды, атап айтқанда, жылжымалы және мобильді телевизиялық станциялармен хабарларын тарату үшін қажетті техникалық жабдықты және кәсіби операторды қолдауды қамтамасыз ету	бейнетүсірілім	Қорғанысмині, МАМ	2025 жылғы 7 мамыр	бөлінген қаражат шегінде	РБ
22.	Ұлы Отан соғысындағы Жеңістің 80 жылдығына және Отан қорғаушы күніне арналған мерекелік концерт Тұжырым: мерекелік концерт – қоғамдағы патриоттық сезімді нығайтып, өткеннің жетістіктерін дәріптеп қана қоймай, бейбіт және берекелі болашақ құруға шабыттандыратын, бірлік пен Отан қорғаушыларға алғыстың салтанатты нышаны	мерекелік концерт	Қорғанысмині, МАМ, Астана қаласы әкімдігі	2025 жылғы 6 мамыр	бөлінген қаражат шегінде	РБ
23.	Өңірлерде Ұлы Отан соғысындағы Жеңістің 80 жылдығына арналған мерекелік іс-шаралар мен салтанатты концерттер Тұжырым: мерекелік концерттер азаматтардың бірігуіне және ата-бабамыздың батырлығы туралы естеліктерді сақтауға, бейбітшілікті сақтауға ұмтылдырып, сондай-ақ ұрпақтар сабақтастығын қамтамасыз етуге ықпал етеді	концерттер	ЖАО	2025 жылғы 6-7 мамыр	бөлінген қаражат шегінде	ЖБ
24.	Отан қорғаушылардың монументтеріне гүлдер мен гүл шоқтарын қою рәсімі: ел басшылығының қатысуымен Астана қаласында "Отан қорғаушылар" монументіне (дыбыстық және музыкалық сүйемелдеумен, оркестрлерді, құрмет қарауылын, елордалық гарнизонның жеке құрамын тарта отырып); өңірлердегі ескерткіштерге, монументтерге, бауырлар зираттарына және жауынгерлер жерленген жерлерге; шетелдегі ескерткіштерге, монументтерге, бауырлар зираттарына және жауынгерлер жерленген жерлерге Тұжырым: Отан қорғаушыларға деген құрметке және Отан тәуелсіздігін қорғаған батырларды есте сақтаудың маңыздылығына баса назар аударады	гүл шоқтарын қою рәсімі	Астана қаласының әкімдігі, Қорғанысмині, МКҚ (келісу бойынша) ЖАО СІМ	2025 жылғы 9 мамыр	бөлінген қаражат шегінде бөлінген қаражат шегінде бюджеттен тыс қаражат	РБ ЖБ –
25.	Ұлы Отан соғысының ардагерлері мен тыл еңбеккерлерін құрметтеудің салтанатты рәсімдері: "Халық қаһарманы" атағын табыс ету; "Ұлы Отан соғысындағы Жеңіске 80 жыл" мерейтойлық медалімен марапаттау Тұжырым: марапаттау рәсімі – бұл әрбір ардагер мен тыл еңбеккерінің қосқан үлесін мойындау мен құрметтеудің символы. Бұл майданда және тылда бірнеше рет батылдық пен табандылық танытқандарға мемлекеттік қамқорлықтың көрінісі	ардагерлерді марапаттау	ЖАО	2025 жылғы 6-9 мамыр	бөлінген қаражат шегінде	ЖБ
26.	Ұлы Отан соғысындағы Жеңістің 80 жылдығына арналған мерекелік от шашу Тұжырым: мерекелік от шашу бейбіт аспанның символы ретінде, тарихи естелік пен патриоттық тәрбиені сақтаудың маңызды элементі. Іс-шаралар Жеңіс күні 9 мамырда өңірлердегі орталық алаңдарда салтанатты және эмоционалды әсер жасай отырып ұйымдастырылады	от шашу	ЖАО	2025 жылғы 9 мамыр	бөлінген қаражат шегінде	ЖБ
27.	Облыс орталықтарының алаңдарында және Астана, Алматы, Шымкент қалаларында қару-жарақ пен әскери техниканың, әскери-тарихи реконструкциялардың көрсетілімі және "Солдат ботқасы" акциясы Тұжырым: азаматтарға әскери тарих атмосферасына еніп, батырлардың ерліктерін құрметтеуге және патриоттық рухты нығайтуға мүмкіндік береді	әскери техника көрсетілімі, акциялар	ЖАО, Қорғанысмині, ІІМ, ҰҚК (келісу бойынша), ТЖМ, МАМ	2025 жылғы 5-9 мамыр	бөлінген қаражат шегінде	ЖБ
28.	Ұлы Отан соғысындағы Жеңістің 80 жылдығына және Отан қорғаушы күніне арналған гарнизондарда әскерлердің шеруін өткізу Тұжырым: әскерлердің гарнизондарда өтуі Отанды қорғау дәстүрлерінің сабақтастығына тоқтала отырып, Қарулы Күштердің қуаты мен жауынгерлік әзірлігін көрсетеді	әскерлердің шеруі	ЖАО, Қорғанысмині, ІІМ, ҰҚК (келісу бойынша), ТЖМ	2025 жылғы 7 мамыр	бөлінген қаражат шегінде	ЖБ
29.	Қазақстан Республикасы Қарулы Күштерінің Мәскеу қаласында Ұлы Отан соғысындағы Жеңістің 80 жылдығын мерекелеуге арналған шеруге қатысуы Тұжырым: Тәуелсіз Мемлекеттер Достастығы елдерінің бауырластығы мен ынтымақтастығының нышаны, соғысқа қатысушылардың барлығының ерлігіне аса құрметтің көрінісі, әскери-саяси байланыстарды нығайтудың, сондай-ақ еліміздің беделінің айғағы болып табылады	шеруге қатысу	Қорғанысмині, СІМ	2025 жылғы 9 мамыр	бөлінген қаражат шегінде	РБ
ІІІ. Әскери-патриоттық шаралар
30.	Қазақстан Республикасы Қарулы Күштерінің әскери қызметкерлерінің Ұлы Отан соғысындағы Жеңістің 80 жылдығына арналған Тәуелсіз Мемлекеттер Достастығының қатысушы мемлекеттер әскерлерінің әскери-спорттық ойындарға қатысуы Тұжырым: мемлекетаралық ынтымақтастықты нығайтуға және ортақ батырлық мұраны құрметтеуге ықпал етіп, ел әскерінің күші мен бірлігін көрсетеді. Сондай-ақ жастардың санасында патриоттық сезімдерді және өз Республикасын қорғауға дайын азаматтардың адамгершілік қасиеттерін қалыптастыруға және нығайтуға ықпал етеді	Тәуелсіз Мемлекеттер Достастығының әскери-спорттық ойындары	Қорғанысмині, ІІМ, ҰҚК (келісу бойынша), ТЖМ, МКҚ (келісу бойынша),	жыл ішінде	бөлінген қаражат шегінде	РБ
31.	Ұлы Отан соғысындағы Жеңістің 80 жылдығына арналған "Айбын" халықаралық республикалық әскери-патриоттық жастар жиыны Тұжырым: жастардың санасында патриоттық сезімдерді және өз Республикасын қорғауға дайын азаматтардың адамгершілік қасиеттерін қалыптастыруға және нығайтуға ықпал етеді. Жиын түрлі елдердің жастарын біріктіріп, әскери жаттығуларға, жарыстарға және халықтардың ерліктеріне арналған іс-шараларға қатысу арқылы тәжірибе алмасу, патриоттық сезімді нығайту және көшбасшылық қабілеттерін дамыту мақсатында өткізіледі	жиын	Қорғанысмині, МАМ, ОМ, ЖАО	2025 жылғы маусым	бөлінген қаражат шегінде	РБ
32.	Ұлы Отан соғысындағы Жеңістің 80 жылдығына арналған "Айбын" әскери-патриоттық жастар жиынының облыстық іріктеу турлары Тұжырым: жастардың санасында патриоттық сезімдерді және өз Республикасын қорғауға дайын азаматтардың адамгершілік қасиеттерін қалыптастыру және нығайту	іріктеу турлары	ЖАО, ОМ, Қорғанысмині	2025 жылғы наурыз-мамыр	бөлінген қаражат шегінде	ЖБ
33.	"Ардагер өсиеті" республикалық жастар марафоны Тұжырым: Ұлы Отан соғысы ардагерлерінің қолы қойылған ғибрат хаты өңірден өңірге салтанатты эстафета форматында беріледі. Ұлы Отан соғысының тарихи жадын сақтау және ардагерлердің ерлігіне құрметпен қарау – жастардың бойында отансүйгіштікті тәрбиелеуді және азаматтық жауапкершілікті қалыптастыру ең маңызды міндет	марафон	МАМ, ЖАО	2025 жылғы наурыз-мамыр	бөлінген қаражат шегінде	ЖБ
34.	"Ел қорғау – ер ісі" әскерге шақырылғандарды салтанатты түрде шығарып салу Тұжырым: іс-шара жастарды әскери-патриоттық тәрбиелеуге және әскери қызметті насихаттауға бағытталған	салтанатты шығарып салу	ЖАО	2025 жылғы мамыр, қазан	бөлінген қаражат шегінде	ЖБ, бюджеттен тыс қаражат
35.	Ұлы Отан соғысындағы Жеңістің 80 жылдығына арналған "Жас сарбаз" жастар арасындағы республикалық әскери-патриоттық ән фестивалі Тұжырым: жастардың санасында өз Республикасын қорғауға дайын ел азаматының жоғары патриоттық сезімі мен адамгершілік қасиеттерін қалыптастыру және нығайту	фестиваль	Қорғанысмині, МАМ, ЖАО	2025 жылғы қазан	бөлінген қаражат шегінде	РБ, ЖБ
36.	Жоғары және (немесе) жоғары оқу орнынан кейінгі білім беру ұйымдарының студенттері арасында "Ұлы Отан соғысы ардагеріне хат" (оның ішінде бейне месседждер) республикалық конкурсы Тұжырым: жеңімпаздардың жұмыстары әлеуметтік желілерде жарияланып, олар да Астанада өтетін концертке шақырылады. Ұлы Отан соғысының тарихи жадын сақтау және ардагерлердің ерлігіне құрметпен қарау – жастардың бойында отансүйгіштікке тәрбиелеу мен азаматтық жауапкершілікті дамытудың ең маңызды міндеті	конкурс	ҒЖБМ, ЖАО	2025 жылғы сәуір-мамыр	бюджеттен тыс қаражат	–
37.	Білім беру ұйымдарында әскери қызметшілер мен Қарулы Күштер ардагерлерінің қатысуымен Ұлы Отан соғысындағы Жеңістің 80 жылдығына арналған бірыңғай ерлік сабағы Тұжырым: Бірыңғай ерлік сабағы оқушыларға патриоттық тәрбие берудің, батырларды еске алудың құндылығы мен құрметіне үйретудің, сондай-ақ соғысқа қатысушылардың және олардың Отан қорғауға қосқан үлесі туралы әңгімелері арқылы ұрпақтар арасындағы байланысты нығайтудың маңызды кезеңіне айналады	бірыңғай сабақ	ОМ, ЖАО	2025 жылғы мамыр	бюджеттен тыс қаражат	–
38.	Ұлы Отан соғысындағы Жеңіс күніне орай білім беру ұйымдарында әдеби шығармашылық конкурс Тұжырым: өскелең ұрпақтың бойында патриоттық тәрбиені дамытуға және тарихи жадыны сақтауға ықпал етіп, Жеңістің маңыздылығын шығармашылықпен түсінуге баули отырып, жастарға өз ойлары мен сезімдерін жазбаша сөз арқылы жеткізуге мүмкіндік береді	конкурс	ОМ, ЖАО	2025 жылғы мамыр	бюджеттен тыс қаражат	–
39.	Ұлы Отан соғысындағы Жеңіс күніне арналған дрондар, жарық проекциялары және жастар арт-инсталляциялары қолданылатын "80" жастар флешмобы Тұжырым: Жеңістің 80 жылдығын есте қалдыру, патриоттық құндылықтарды насихаттау және мерейтойлық датаның маңыздылығына жастардың назарын аудару үшін символдық белгі жасау үшін дрондарды, жарық проекцияларын және жастар арт-инсталляцияларын пайдалана отырып, "80" көрнекілендірілген флешмоб ұйымдастыру	флешмоб	Алматы қаласының әкімдігі	2025 жылғы мамыр	бөлінген қаражат шегінде	ЖБ
40.	Оқушы жастардың қатысуымен "Ашық есік күні" форматында әскери бөлімдерге шығып танысу экскурсиясы Тұжырым: әскери қызметке шақырылған жастарға жауынгердің күнделікті өмірі мен әскери техникасын көрсететін танымдық экскурсия	экскурсия	Қорғанысмині, ОМ, ҒЖБМ, ЖАО	2025 жылғы наурыз-мамыр	бюджеттен тыс қаражат	–
41.	#Батырдың ұрпағымын – әлеуметтік желідегі жастар челленджі Тұжырым: әлеуметтік желілер арқылы жастар арасында отбасылық және патриоттық құндылықтарды насихаттау. Қатысушыларды отбасы тарихын зерделеу процесіне тарту, өз ата-бабаларына деген мақтаныш сезімін арттыру және азаматтық тұрғыда белсенді қатысуға ынталандыру. Әлеуметтік желілерде жастардың бастамасымен Ұлы Отан соғысы кезіндегі ата-бабаларының ерліктерін баяндайтын жазбалар ұйымдастырылады	челлендж	ЖАО	2025 жылғы сәуір-мамыр	бюджеттен тыс қаражат	–
42.	"Әскердегі сарбазға хат" республикалық жастар акциясы (әлеуметтік желіде челлендж) Тұжырым: әлеуметтік желілерде мерзімді әскери қызмет сарбаздарына жолданған оқушылар мен студенттердің тілектері мен уәждемелерімен жастар акциясын өткізу.. Жастар арасында патриоттық сананы, ардагерлердің ерлігіне құрметпен қарауды нығайту, жұртшылық назарын сарбаздардың ерліктеріне назар аудару	акция	ОМ, ҒЖБМ, Қорғанысмині, МАМ, ЖАО	2025 жылғы сәуір, қыркүйек	бюджеттен тыс қаражат	–
43.	Ұлы Отан соғысы туралы, тарихи жадыны сақтау және соғысқа қатысушылардың еске алулары бойынша үздік book-трейлерге жастар конкурсы Тұжырым: өскелең ұрпақ арасында кітап оқуды көпшілікке таратуға және оқырмандар қызығушылығын дамыту, сондай-ақ қатысушылардың шығармашылық және техникалық қабілеттерін дамытуға ықпал етеді. Әлеуметтік желілерде және бұқаралық ақпарат құралдарында кітап оқуға деген қызығушылықты ілгерілету	байқау	ЖАО, МАМ	2025 жылғы қыркүйек	бөлінген қаражат шегінде	ЖБ, бюджеттен тыс қаражат
44.	Ә. Молдағұлованы еске алуға арналған пневматикалық атудан қыздар арасында "Мерген ару – 2025" республикалық жарысы Тұжырым: "Мерген ару – 2025" жобасы қыздардың спорттық дағдыларын дамытуға ғана емес, сонымен қатар әйелдер патриотизмінің маңыздылығын және әскери қаһарман қыздардың тарихын кеңінен насихаттауға арналған. Әлия Молдағұлованың ерлігіне шабыттанған қыздар пневматикалық атудан өз күштерін көрсете алады, дәлдік, төзімділік пен табандылық көрсетеді. Әйелдер спортын дамыту, тарихи мұраны насихаттау, патриоттық сезімді тәрбиелеу және соғыс кезінде ерлік көрсеткен әйелдердің ерліктерін құрметтеу	жарыс	Ақтөбе облысының әкімдігі	2025 жылғы қазан	бөлінген қаражат шегінде	ЖБ
45.	"Сарбаздар ән салғанда" және "Жас сарбаздар шеруі" ән мен саптық дайындық конкурсы Тұжырым: білім беру ұйымдары оқушыларына әскери дәстүрді құрметтеуді және қызмет ету рухын баули отырып, көшбасшылық және ұжымдық қасиеттерді дамыту алаңын құрып, бірлік пен патриоттық символына айналады	конкурс	ОМ, ҒЖБМ, ЖАО	жыл ішінде	бөлінген қаражат шегінде	ЖБ
46.	Жоғары сынып оқушыларының далалық оқу-жаттығу жиындары, Қазақстан Республикасы Қарулы Күштерінің әскери бөлімдеріне, бөлімшелері мен құрылымдарына бару Тұжырым: жасөспірімдердің соғыс кезіндегі атмосфераны сезінуіне, тәртіпке, патриоттыққа, Отан қорғауға деген құрметке тәрбиелеуге, сондай-ақ физикалық дайындығын, ұжымдық рух пен азаматтық жауапкершілікті дамытуға мүмкіндік береді	оқушылар жиындары	ОМ, ЖАО	жыл ішінде	бөлінген қаражат шегінде	ЖБ
47.	Ұлы Отан соғысындағы Жеңістің 80 жылдығына арналған "Ер есімі – ел есінде" сыныптан тыс іс-шара (сынып сағаттары, тарих сағаттары, көрмелер, сурет байқаулары, қолөнер, эссе, пікірсайыс турнирлері және т.б.) Тұжырым: қазақстандықтардың ерліктерін құрметтеуге және патриотизмге тәрбиелеуге бағытталған. Сынып сағаттары, тарих сағаттары, тақырыптық көрмелер, сурет және қолөнер байқаулары, сондай-ақ эсселер, диспуттар және басқа да шығармашылық және танымдық іс-шаралар студенттерге Жеңістің тарихи маңызын қайта қарауға мүмкіндік береді. Бұл іс-шаралар Қазақстанның Жеңіске қосқан үлесін терең зерттеуге, ұрпақтар арасындағы байланысты нығайтуға және өскелең ұрпақтың бойында ұлттық мақтаныш сезімін қалыптастыруға жағдай жасайды	сыныптан тыс іс-шаралар	ОМ, ЖАО	жыл ішінде	бюджеттен тыс қаражат	–
48.	Жастардың Ұлы Отан соғысына қатысушылардың есімдерімен байланысты еліміздің есте қаларлық және киелі жерлеріне экскурсиялары Тұжырым: жоба жадыны сақтауға, ұрпақтар арасындағы байланысты нығайтуға, тарихқа құрметпен қарауға, патриоттық сезім мен азаматтық белсенділікке баулуға бағытталған. Экскурсиялар жастардың тарихи оқиғаларды және қазіргі замандағы Ұлы Отан соғыс қаһармандарының рөлін терең түсінуді оятатын атмосфераны құруға көмектеседі	экскурсия	МАМ, "Ардагерлер ұйымы" РҚБ (келісу бойынша)	жыл ішінде	бюджеттен тыс қаражат	–
49.	Жастардың "Ардагерлерді ардақтайық" әлеуметтік акциясы Тұжырым: Ұлы Отан соғысының ардагерлері мен тыл еңбеккерлеріне тұрмыста көмек көрсету (үй жинау, азық-түлік пен дәрі-дәрмек сатып алу және т.б.) бойынша акция	акция	ЖАО	жыл ішінде	бөлінген қаражат шегінде	ЖБ
50.	Ұлы Отан соғысына арналған тақырыптық кино кештері Тұжырым: Ұлы Отан соғысы туралы фильмдерді көру және талқылау арқылы тарихи дәуірге ену алаңын құру, патриотизмге тәрбиелеу, тарихи жадыны нығайту және диалог мәдениетін дамыту	кино көрсетілімдер	ЖАО	жыл ішінде	бюджеттен тыс қаражат	–
51.	Ұлы Отан соғысына қатысушы қазақстандық батырларды еске алуға арналған "Ұлы ерлікке мәңгілік тағзым: Туған өлкеден – Отанға" республикалық акциясы Тұжырым: тарихи жадыны сақтауға және Ұлы Отан соғысындағы қазақстандықтардың ерлігін тануға бағытталған. Акция аясында іс-шаралар кешені өтеді: экспозициялық көрмелер, конференциялар, спорттық іс-шаралар, дөңгелек үстелдер, жастар акциялары, фестивальдар және басқа естелік кештері	акция	МАМ, ЖАО, ОМ, ҒЖБМ, ТСМ	жыл ішінде	бюджеттен тыс қаражат	–
52.	Ардагерлер мен тыл еңбеккерлеріне көмек көрсетуге арналған "Birgemiz Qamqor" республикалық жобасын іске қосу Тұжырым: жоба жастардың бойына Ұлы Отан соғысының ардагерлері мен тыл еңбеккерлеріне аса құрмет көрсетуге, сондай-ақ өскелең ұрпақты адамгершілік пен патриоттық сезімге баулуға бағытталған	"Birgemiz Qamqor" жобасы	МАМ, "Ардагерлер ұйымы" РҚБ (келісу бойынша)	жыл ішінде	бөлінген қаражат шегінде	РБ
53.	Ұлы Отан соғысына қатысушылардың тікелей ұрпақтарының қатысуымен "Мәңгілік естелік" атты естелік фотосурет көрмесі Тұжырым: Ұлы Отан соғысы ардагерлерінің ұрпақтарымен кездесулер соғыс туралы білімдерін кеңейтеді, жас ұрпақтың аталарының ерлігі үшін беделін арттырады, Жеңістің дүние жүзі елдері үшін маңызын арттырады	фотокөрме	МАМ, ОМҒТҚА (келісу бойынша)	2025 жылғы сәуір-маусым	бюджеттен тыс қаражат	–
ІV. Мәдени-бұқаралық және спорттық іс-шаралар
54.	Ұлы Отан соғысындағы Жеңістің 80 жылдығына арналған Қазақстан Республикасы Қарулы Күштерінің шығармашылық ұжымдары арасында "Әскердегі ән" жалпыәскер фестивалі Тұжырым: азаматтар санасында патриоттық сезімдерді және өз Республикасын қорғауға дайын азаматтардың адамгершілік қасиеттерін қалыптастыру және нығайту. Қатысушыларды музыка мен шығармашылық арқылы батырлық мұрасын сақтауға, ұлттық мақтаныш пен бірлік сезімін нығайта отырып, патриоттық сезімді білдіретін алаңға айналады	фестиваль	Қорғанысмині	2025 жылғы қазан	бөлінген қаражат шегінде	РБ
55.	Әскери оркестрлердің, оқу-жаттығу бөлімшелерінің саппен жүріп өтуі, ірі қалалардың алаңдары мен сауда ойын-сауық орталықтарында Қазақстан батырлары мен Қазақстан Республикасының Қарулы Күштері туралы бейнероликтерді Led-экрандарда көрсету Тұжырым: қазақстандық әскери қызметшілердің оң имиджін қалыптастыру, азаматтар мен өскелең ұрпақтың санасында Отан қорғау парызының қасиеттілігін нығайту	оркестрлердің өнер көрсетуі, бейнероликтер көрсету	Қорғанысмині, МАМ, ЖАО	2025 жылғы 5-9 мамыр	бөлінген қаражат шегінде	ЖБ
56.	Ұлы Отан соғысындағы Жеңістің 80 жылдығына арналған жоғары әскери оқу орындары студенттерінің (әскери тарих пәнінен) халықаралық олимпиадасына қатысу Тұжырым: болашақ Отан қорғаушылар арасында ерлікпен өткен тарихты терең зерделеуге, әскери-патриоттық тәрбиені нығайтуға және әскери ғылым саласындағы халықаралық ынтымақтастықты кеңейтуге ықпал етеді	олимпиада	Қорғанысмині, ІІМ, ҰҚК (келісу бойынша), ҒЖБМ	жыл ішінде	бөлінген қаражат шегінде	РБ
57.	Астана қаласында Ұлы Отан соғысындағы Жеңістің 80 жылдығына және Отан қорғаушы күніне орай әскери шеру делегацияларының келуі және кетуі кезінде теміржол вокзалдары мен әуежайларда үрмелі оркестрлердің өнер көрсетуі Тұжырым: іс-шараның маңыздылығына нар аударып, Ұлы Отан соғысының батырларына құрмет білдіріп, сондай-ақ ел азаматтары мен келген қонақтардың арасында патриоттық рухты арттырып, салтанатты атмосфера жасайтын болады	оркестрдің өнер көрсетуі	ЖАО, Қорғанысмині, ІІМ, МКҚ (келісу бойынша), ҰҚК ШК (келісу бойынша)	2025 жылғы мамыр	бөлінген қаражат шегінде	ЖБ
58.	"Үлкен атам – қаһарман" әлеуметтік желілерде шағын әңгімелер мен бейнероликтермен жастар акциясын бастау Тұжырым: жеке отбасылық әңгімелер арқылы жастарды Ұлы Отан соғысы туралы естеліктерді сақтауға тарту, ата-бабаларға деген мақтаныш сезімін нығайту және батырлық мұраны насихаттау	акция	МАМ, ҒЖБМ	2025 жылғы мамыр	бюджеттен тыс қаражат	–
59.	Ұлы Отан соғысы тақырыбына арналған фильмдердің көрсетілімін, театрландырылған қойылымдар, көрмелер, тақырыптық инсталляциялар және басқа іс-шаралар ұйымдастыру Тұжырым: Ұлы Отан соғысына арналған спектакльдер мен премьераларды көрсету – сол жылдардағы оқиғалардың тарихи жадын сақтау және жеткізу. Қойылымдар заманауи көрермендерге театр өнері арқылы соғыстан аман өткен адамдардың ерліктері мен құрбандықтарын түсінуге көмектеседі. Спектакльдер терең эмоцияларды оятып, отансүйгіштікті нығайтып, ерлікпен өткен тарихқа құрметпен қарайды	іс-шаралар	МАМ, ЖАО	2025 жылғы ақпан-мамыр	бөлінген қаражат шегінде	ЖБ
60.	Ел музейлерінде "Ер есімі – ел есінде" жалпыұлттық акциясын өткізу Тұжырым: акцияға Ұлы Отан соғысы батырларының өмірі мен жетістіктерімен танысуға мүмкіндік беретін экскурсиялар, дәрістер және тақырыптық көрмелер кіреді	акция	МАМ, Қорғанысмині,ЖАО, ҒЖБМ	2025 жылғы ақпан	бюджеттен тыс қаражат	–
61.	Ұлы Отан соғысының батырлары мен қатысушыларының құрметіне әлеуметтік желілерде цифрлық картиналардың онлайн көрмесін өткізу және көрсету Тұжырым: суретшілердің Ұлы Отан соғысы батырларының құрметіне жасаған цифрлық картиналары әлеуметтік желілерде ұсынылатын онлайн сурет көрмесіне негіз болады. Көрме миллиондаған адамдар басынан өткерген соғыстың тарихи сәттеріне ден қойлады. Цифрлық заманауи өнер арқылы көрермен тарихтың негізгі эпизодтарын көріп қана қоймай, кейіпкерлермен байланысын сезіне алады	онлайн-көрмелер	МАМ, ЖАО	2025 жылғы наурыз-мамыр	бөлінген қаражат шегінде	ЖБ
62.	Ұлы Отан соғысына арналған соғыс жылдарындағы әндердің өңірлік конкурстары Тұжырым: өскелең ұрпақ пен ардагерлердің қатысуымен байқаулар ұйымдастыру туған жерге деген құрметке, өз еліне деген мақтаныш пен Ұлы Жеңістің маңыздылығын сезінуге тәрбиелеу. Белгілі және халықтық шығармаларын орындау жасалған ерліктерге назар аударады және қатысушылардың патриоттық сезімін оятуға жағдай жасайды	конкурс	ЖАО	2025 жылғы мамыр	бөлінген қаражат шегінде	ЖБ
63.	Ұлы Отан соғысындағы Жеңістің 80 жылдығы аясында өткізілетін бұқаралық спорттық шаралар, марафондар, спорттық жарыстар Тұжырым: іс-шаралар денсаулықты нығайтуға, отансүйгіштікке тәрбиелеуге және Ұлы Отан соғысы жылдарындағы халықтың ерлік істерін тарихи жадында сақтауға бағытталған. Мысалы, жарыстар, спартакиада, түрлі деңгейдегі чемпионаттар, эстафеталар, марафондар, веложарыстар, спорттың әртүрлі түрлерінен – волейбол, футбол, баскетбол, жеңіл атлетика, көпсайыс және т.б.	спорттық іс-шаралар	ЖАО, ТСМ	2025 жылғы сәуір-мамыр	бөлінген қаражат шегінде	ЖБ
64.	ITF тхэквондодан "Жеңіс кубогы" халықаралық турнирі Тұжырым: шара Ұлы Отан соғысындағы Жеңістің 80 жылдығын мерекелеу және тарихи жадыны нығайту, патриотизм мен тарихты құрметтеуді спорт арқылы насихаттау, ITF тхэквондосын ұлттық және халықаралық деңгейде дамыту және насихаттау, жас және ересек спортшылардың шеберлігін арттыруға бағытталған	турнир	Қарағанды облысының әкімдігі	2025 жылғы мамыр	бөлінген қаражат шегінде	ЖБ
65.	Ұлы Отан соғысындағы Жеңістің 80 жылдығына арналған республикалық және өңірлік фотокөрмелер мен көркемсурет экспозицияларын ұйымдастыру: ОМКФДЖА ресми сайтында "Қазақстанның қаһармандығы фотографиялық жадының объективінде"; Қазақстан Республикасы мен Ресей Федерациясында "Ұлы Отан соғысындағы қазақстандықтардың қаһармандығының құжаттық айғағы" фотоальбомының тұсаукесері; Креативтік орталықтар, хабтар базасында "Бір қаһарман – бір тарих" Тұжырым: Фотокөрме Ұлы Отан соғысының тарихындағы нақты оқиғаларды көрсететін жеке коллекциялардағы фотоқұжаттардан тұрады. Бірінші кезекте, ресми дереккөздерде көрсетілмеген, көркемдік қасиетімен ерекшеленетін, композициялық және сюжеттік тұтастығы, мәнерлі мен өзіндік ерекшелігі бар мәліметтерді қамтитын құжаттар	көрме және экспозициялар	МАМ, ОМКФДЖА (келісу бойынша), ЖАО	жыл ішінде	бюджеттен тыс қаражат	–
66.	Волонтерлер мен еріктілердің қатысуымен Ұлы Отан соғысының ардагерлеріне қолдау көрсету жөніндегі қайырымдылық акцияларды өткізу Тұжырым: соғыс оқиғаларынан аман өткен Ұлы Отан соғысының ардагерлеріне әлеуметтік қолдау көрсету, сондай-ақ болашақ ұрпақ үшін есте сақтау арқылы олардың есімін құрметтеу және алғыс білдіру	акция	МАМ, "Ардагерлер ұйымы" РҚБ (келісу бойынша)	жыл ішінде	бюджеттен тыс қаражат	–
67.	Ардагерлер ұжымдары арасында хор орындаушылардың республикалық байқау-конкурсы Тұжырым: іс-шара соғыс әндерін орындау арқылы Ұлы Отан соғысының қаһармандарын еске алуға, мәдени мұраны сақтауға және ұрпақтар арасындағы байланысты ынталандыруға бағытталған	байқау-конкурс	МАМ, "Ардагерлер ұйымы" РҚБ (келісу бойынша)	жыл ішінде	бюджеттен тыс қаражат	–
V. Ғылыми-танымдық іс-шаралар
68.	Ұлы Отан соғысы жылдарында қаза тапқан қазақ жауынгерлерінің жерленбеген сүйегін іздестіру, Қазақстан Республикасына жеткізу, жерлеу (қайта жерлеу), оларды мәңгі есте қалдыру бойынша жұмыстарды жүргізу Тұжырым: жоба тарихи әділеттілікті қалпына келтіруге және Ұлы Отан соғысында қаза тапқан жауынгерлердің ерлігін құрметтеуге бағытталған. Жобаның мақсаты – қаза тапқандардың есімдерін қатарға қайтарып, ұрпақтар арасында берік байланыс орнату	мәңгі есте қалдыру бойынша іс-шаралар	Қорғанысмині, СІМ, ЖАО "Ардагерлер ұйымы" РҚБ (келісу бойынша)	жыл ішінде	бөлінген қаражат шегінде	ЖБ
69.	Есепке алынбаған әскери жауынгерлердің зираттар мен мүрделерін анықтау бойынша іздестіру жұмыстарын жүргізу, олардың есімдерін белгілеу және жерленген жерлеріне мемориалдық тақталар орнату Тұжырым: жоба тарихи әділеттілікті қалпына келтіруге және Ұлы Отан соғысында қаза тапқан жауынгерлердің ерлігін құрметтеуге бағытталған. Жобаның мақсаты – қаза тапқандардың есімдерін қатарға қайтарып, ұрпақтар арасында берік байланыс орнату	іздестіру жұмыстары	Шығыс Қазақстан облысының әкімдігі	2025 жылғы қаңтар-тамыз	бөлінген қаражат шегінде	ЖБ
70.	"Ұлы Отан соғысы батырларының ұлт тарихына қосқан үлесі туралы" халықаралық ғылыми-практикалық конференция Тұжырым: Ұлы Отан соғысы батырларының Қазақстан тарихына қосқан үлесін терең түсінуге, олардың ерліктері мен ұлт дамуына ықпалын зерделеуге, сондай-ақ халықаралық ғылыми және мәдени алмасуды нығайтуға арналған алаңға айналады	ғылыми-практикалық конференция	Қорғанысмині, ЖАО	2025 жылғы сәуір	бөлінген қаражат шегінде	РБ
71.	Ұлы Отан соғысындағы Жеңістің 80 жылдығына арналған бірқатар республикалық ғылыми-практикалық конференциялар, сарапшылық кездесулер, дөңгелек үстелдер, семинарлар өткізу Тұжырым: конференциялар зерттеушілерге Қазақстанның Жеңіске қосқан үлесін және соғыстың қоғам мен мәдениеттің дамуына ықпалын талқылауға, сондай-ақ білім беру бағдарламаларының негізін қалаған ұрпақтардың тарихи маңызы мен ерлігін көрсетуге мүмкіндік береді	мәдени-ағарту іс-шаралары	ҒЖБМ	жыл ішінде	бюджеттен тыс қаражат	–
72.	Оқушылар, студент жастар, өндірістік және еңбек ұжымдарында және басқа ұйымдарда Ұлы Отан соғысының ардагерлерімен және қатысушыларымен тақырыптық кездесулер өткізу Тұжырым: іс-шаралар отансүйгіштікке, Ұлы Отан соғысы ардагерлерінің батырлығына мәдениет тәрбиелеуге, сондай-ақ Ұлы Отан соғысы жылдарындағы ардагерлердің ерлігі мен жанқиярлығының құндылығын терең түсінуге бағытталған	кездесулер	МАМ, ҒЖБМ, ОМ, ЖАО	жыл ішінде	бюджеттен тыс қаражат	–
73.	Соғыс жылдарындағы қазақ жауынгерлері мен тыл қызметшілерінің ерліктерін көрсететін архив құжаттары топтамасынан көрме ұйымдастыру Тұжырым: олар қазақстандықтардың майдандағы және тылдағы ерліктерін ашатын, сондай-ақ Қазақстан халқының Ұлы Отан соғысындағы Жеңіске жетудегі шешуші рөлін көрсететін кең аудитория үшін маңызды ақпарат көзі болады	көрме	МАМ, ЖАО	2025 жылғы сәуір-маусым	бөлінген қаражат шегінде	ЖБ
74.	"Қазақстан: бәрі де жеңіс үшін, бәрі де майдан үшін!" көрмесі Тұжырым: жауынгерлерден бастап тыл еңбеккерлеріне дейін ел тұрғындарының барлық топтарының жеңісті іске жаппай атсалысуына ерекше мән беріп, тарихи жадыны сақтау мен патриоттық сезімді тәрбиелеудің маңызды құралына айналады	көрме	МАМ, ОМА (келісу бойынша)	2025 жылғы 21 сәуір	бюджеттен тыс қаражат	–
75.	"Ұлы Отан соғысының жаңа парақтары (соңғы жылдары табылған құжаттар негізінде)" атты ғылыми-практикалық конференция Тұжырым: Ұлы Отан соғысы туралы білімдерін тереңдетіп, тарихтың жаңа беттерін ашады және қазақстандық қатысушылардың маңыздылығын ғылыми негіздейді, сонымен қатар тарихи әділеттілік пен патриоттық тәрбие мәселелерін көтереді	конференция	МАМ, ОМА (келісу бойынша)	2025 жылғы 22 сәуір	бюджеттен тыс қаражат	–
76.	Әлия Молдағұлованың 100 жылдығына арналған "Ерлігі ұрпаққа үлгі" атты жастармен тақырыптық кездесулер Тұжырым: іс-шара Әлия Молдағұлованың Ұлы Отан соғысы жылдарындағы оның ерлігі мен жанқиярлығының құндылығын терең түсіну кезеңінде патриотизмге, мәдениетке тәрбиелеуге бағытталған	тақырыптық кездесулер	МАМ, "Ардагерлер ұйымы" РҚБ (келісу бойынша	жыл ішінде	бюджеттен тыс қаражат	–
77.	Б. Момышұлының 115 жылдығына арналған "Бауыржан Момышұлы – аты аңызға айналған қолбасшы" атты тақырыптық іс-шаралар мен кездесулер өткізу Тұжырым: тақырыптық іс-шаралар бірегей тарихи архивтерді қамтып, майдангер ақындар мен қаһарман қазақ әйелдерінің рөлін ашады, сонымен қатар Бауыржан Момышұлы сияқты аты аңызға айналған тұлғаларға құрмет көрсетеді	тақырыптық кездесулер	МАМ	2025 жылғы наурыз	бюджеттен тыс қаражат	–
78.	Тарихшылардың, медицина мамандарының, майдангер ардагерлердің ұрпақтары мен медициналық және көпсалалы жоғары оқу және (немесе) жоғары оқу орнынан кейінгі білім беру ұйымдары студенттерінің қатысуымен "Ұлы Отан соғысының дәрігерлері: Ерлік пен мұра" тақырыбында республикалық ғылыми- практикалық конференция Тұжырым: Ұлы Отан соғысындағы медицина қаһармандарының ерліктерін зерттей отырып, олардың қосқан үлесін терең түсінуге арналған алаңға айналады	ғылыми-практикалық конференция	ДСМ, ҒЖБМ	2025 жылғы сәуір-мамыр	бюджеттен тыс қаражат	–
79.	М.И. Рудомино атындағы Бүкілресейлік мемлекеттік шетел әдебиеті кітапханасының қатысуымен "Кітапханалар – Жеңіс куәгерлері" халықаралық ашық қолжетімді желілік ресурсын толықтыру Тұжырым: фашизмге қарсы күреске қатысқан халықтардың ерлігі туралы бірегей архивтік материалдар мен куәліктерге қол жеткізу және сол арқылы тарихқа кедергісіз қол жеткізуді қамтамасыз ету арқылы Ұлы Отан соғысы туралы тарихи жадыны сақтаудағы маңызды қадам болады	"Кітапханалар – Жеңіс куәгерлері" ресурсын жаңарту	МАМ, ҚР ҰК (келісу бойынша)	жыл ішінде (онлайн)	бюджеттен тыс қаражат	–
VІ. Ақпараттық-имидждік жұмыс
80.	Ұлы Отан соғысындағы Жеңістің 80 жылдығын мерекелеу бойынша республикалық медиа-жоспарды бекіту Тұжырым: Ұлы Отан соғысындағы Жеңістің 80 жылдығын мерекелеу бойынша оқиағаларды бекітілген медиа-жоспарға сәйкес барлық республикалық және өңірлік бұқаралық ақпарат құралдары жариялайды	медиа-жоспар	МАМ, ЖАО	2025 жыл ішінде тоқсан сайын	талап етілмейді	–
81.	Ұлы Отан соғысындағы Жеңістің 80 жылдығына арналған тақырыптық айдарлар мен бағдарламалар, арнайы шығарылымдар, бағдарламааралық көрнеулер, ағымдағы инфографикалар мен бейнеграфикалар циклын іске қосу Тұжырым: Ұлы Отан соғысындағы қазақстандықтардың ерліктері туралы бейнеконтент таратылады	медиаконтент	МАМ,	2025 жылғы ақпан-мамыр	бөлінген қаражат шеңберінде	РБ
82.	Ұлы Отан соғысындағы Жеңістің 80 жылдығына арналған деректі фильмдер, арнайы репортаждар мен бейнероликтер түсіру және көрсету Тұжырым: республикалық және облыстық телеарналар теледидар арқылы Кеңес Одағының Батырларына арналған деректі және көркем фильмдерді көрсету, олардың ерліктерін мәңгілікке еске қалдыру және көрермендер арасында отансүйгіштікке тәрбиелеуді ұйымдастырады	медиаконтент	МАМ	2025 жылғы ақпан-мамыр	бөлінген қаражат шеңберінде	РБ
83.	"Егемен Қазақстан" және "Казахстанская правда" газеттерінің, республикалық және өңірлік бұқаралық ақпарат құралдарының Ұлы Отан соғысындағы Жеңіс күніне арналған арнайы шығарылымы Тұжырым: газет басылымдарында Ұлы Отан соғысындағы Жеңістің 80 жылдығын мерекелеуге арналған оқиғалар, әңгімелер, батырлардың ерліктері және басқа да іс-шаралар жарияланады	арнайы шығарылым	МАМ	2025 жылғы мамыр	бөлінген қаражат шеңберінде	РБ
84.	Радиода тақырыптық бағдарламалар, аудиоджинглдар, арнайы шығарылымдар, хабарландырулар және өзге материалдар шығару Тұжырым: республикалық және облыстық радиолар Кеңес Одағының Батырларына арналған шығарылымдар, хабарландырулар және басқа да материалдар, олардың ерліктерін мәңгі есте қалдыру және тыңдаушыларды патриоттыққа баулу	медиаконтент	МАМ	2025 жылғы ақпан-мамыр	бөлінген қаражат шегінде	РБ
85.	Ұлы Отан соғысындағы қазақ батырларының ескерткіштеріне арналған танымдық бейнероликтер топтамасын жасау және әлеуметтік желілерде тарату Тұжырым: жастар арасында Жеңістің маңызын насихаттау және патриоттық тәрбие беру мақсатында қысқаша роликтерді тарату арқылы әлеуметтік желілерде танымдық бейнероликтер жасау және насихаттау	әлеуметтік желілерде бейнероликтер	ЖАО, МАМ	жыл ішінде	бюджеттен тыс қаражат	–
86.	Ұлы Отан соғысына қатысушылар туралы бейнероликтер жасау және әлеуметтік желілерде (Instagram, Tiktok және басқалар) тарату Тұжырым: Ұлы Отан соғысына қатысушылардың тарихын аймақтық артефактілер призмасы арқылы көрсететін TikTok және Instagram платформаларында бірегей контент құру. Мазмұны еліміздің әр өңірінен соғысқа қатысушылардың шынайы артефактілеріне (фотосуреттер, хаттар, медальдар, жеке заттар) негізделген	челлендж	МАМ, ЖАО	2025 жылғы ақпан-мамыр	бюджеттен тыс қаражат	–
87.	Ұлы Отан соғысына қатысушылардың ерлігі туралы қысқаша тезистерімен инфографикаларды, көрнекіліктерді дайындау және орналастыру (әлеуметтік желілердегі, Telegram арналарындағы пабликтер) Тұжырым: Ұлы Отан соғысына қатысушылардың ерлігі туралы есте сақтау және заманауи қолжетімді түрде жеткізу мақсатында көрнекі материалдар топтамасын жасау	материалдарды әлеуметтік желілерде орналастыру	МАМ	2025 жылғы ақпан-мамыр	бюджеттен тыс қаражат	–
88.	Ұлы Отан соғысының батырлары мен қатысушылары туралы патриоттық сюжеттерді, фильмдерді, тарихи хрониканы көрсету (әуежайлар, теміржол және автовокзалдар, пойыздар, ұшақтар, автобустар) Тұжырым: экрандар мен мультимедиялық порталдарда Ұлы Отан соғысына арналған деректі және көркем фильмдердің көрсетілімі ұйымдастырылады	фильмдер көрсетілімі	КМ, МАМ, "Самұрық-Қазына" АҚ (келісу бойынша), "ҚТЖ" ҰК" АҚ (келісу бойынша)	2025 жылғы наурыз- мамыр	бюджеттен тыс қаражат	–
89.	Ұлы Отан соғысы жылдарындағы қазақстандықтардың ерлігі және Жеңістің 80 жылдығы туралы патриоттық бейнероликтерді, деректі және көркем картиналарды, тарихи ретроспективаны, сұхбаттарды, талдамалық және танымдық бағдарламаларды республиканың барлық кинотеатрларында киносеанстар басталар алдында, бұқаралық ақпарат құралдарында, әлеуметтік желілерде көрсету Тұжырым: Ұлы Отан соғысындағы Қазақстандықтардың ерлігі туралы бейнеконтент таратылады, ол әлеуметтік желілерде, теледидарда және кинотеатрларда сеанстар алдында елдің Жеңіске қосқан үлесін құрметтеу және жарыққа шығару үшін көрсетіледі	бейнероликтер	МАМ, Қорғанысмині, ЖАО	2025 жылғы ақпан-тамыз	бөлінген қаражат шегінде	РБ, ЖБ
90.	Ұлттық дәстүрлерді, тату көрші құндылықтарын, отбасы құндылықтарын насихаттауға арналған "Дәнекер" жобасын іске асыру Тұжырым: жоба бірлік пен тұрақтылықты сақтауға, қоғамдағы қайшылықтардың алдын алуға және өскелең ұрпақты Отанға деген сүйіспеншілікке, Ұлы Отан соғысының батырларына құрметпен қарауға тәрбиелеуге бағытталған	телебағдарламалар, жарияланымдар	МАМ, "Ардагерлер ұйымы" РҚБ (келісу бойынша)	жыл ішінде	бюджеттен тыс қаражат	–
91.	Ресей тарапымен бірлесіп құрастырылған Ұлы Отан соғысы оқиғалары туралы деректі хроникалардың тұсаукесері: "Қазақстан Ұлы Отан соғысында" жинағы; "Ұлы Отан соғысындағы қазақстандықтар ерлігінің деректі айғағы" фотоальбомы Тұжырым: Қазақстандықтардың Жеңістегі ерлігінің маңызын айғақтайтын тарихи материалдардың кең ауқымын ұсына отырып, Қазақстанның Ұлы Отан соғысына қосқан үлесін білдіреді. Ресей Федерациясымен бірлескен тұсаукесер екі ел арасындағы мәдени-тарихи байланысты нығайта түседі	деректі хроникалардың тұсаукесері	МАМ, ОМКФДЖА (келісу бойынша)	2025 жылғы сәуір-маусым	бюджеттен тыс қаражат	–
92.	"Батырларға тағзым" порталын Ұлы Отан соғысына қатысушылар туралы жаңа мәліметтермен толықтыру Тұжырым: жоба Ұлы Отан соғысы батырларының жадын сақтаудың маңызды факторы ретінде қызмет ететін қолжетімді, оңай басқарылатын және ақпаратқа бай платформаны құруға бағытталған. Портал сарбаздардың, командирлердің, партизандардың және қазақстандықтардың ерлігі туралы білгісі келетін әрбір адам үшін ресурсқа айналуы тиіс	"Батырларға тағзым" порталын жаңарту	МАМ, "Ардагерлер ұйымы" РҚБ (келісу бойынша), АБҚО	жыл ішінде	бюджеттен тыс қаражат	–
93.	"Жеңіс туын желбіреткен – Рақымжан Қошқарбаев" және "Сағадат Нұрмағамбетов – Халық қаһарманы" атты фотоальбомдарды басып шығару және тарату Тұжырым: Ұлы Отан соғысы батырларының тарихи жадын сақтауға, олардың ерлігін мәңгілікке қалдыруға және келешек ұрпаққа олардың Жеңіске қосқан зор үлесі туралы білуге мүмкіндік беретін маңызды үлес болады	фотоальбом	МАМ	2024 жылғы желтоқсан	бөлінген қаражат шегінде	РБ
94.	Ұлы Отан соғысына қатысқан қазақстандықтарға арналған кітаптарды басып шығару және олардың тұсаукесері Тұжырым: кітаптар соғыс қаһармандарының естелігін сақтауға және таратуға, азаматтардың, әсіресе өскелең ұрпақтың тарихи санасы мен отансүйгіштігін нығайтуға ықпал етеді	кітаптарды басып шығару, тұсаукесері	ЖАО	жыл ішінде	бөлінген қаражат шегінде	ЖБ

Ескертпе: аббревиатуралардың толық жазылуы:

АБҚО	–	Азаматтық бастамаларды қолдау орталығы
ҒЖБМ	–	Қазақстан Республикасының Ғылым және жоғары білім министрлігі
ДСМ	–	Қазақстан Республикасының Денсаулық сақтау министрлігі
Еңбекмині	–	Қазақстан Республикасының Еңбек және халықты әлеуметтік қорғау министрлігі
ЖАО	–	жергілікті атқарушы орган
ЖБ	–	жергілікті бюджет
КМ	–	Қазақстан Республикасының Көлік министрлігі
Қорғанысмині	–	Қазақстан Республикасының Қорғаныс министрлігі
Қаржымині	–	Қазақстан Республикасының Қаржы министрлігі
ОМА	–	Қазақстан Республикасының Орталық мемлекеттік архиві
ҚР ҰК	–	Қазақстан Республикасының Ұлттық кітапханасы
МАМ	–	Қазақстан Республикасының Мәдениет және ақпарат министрлігі
МКҚ	–	Қазақстан Республикасының Мемлекеттік күзет қызметі
ОМ	–	Қазақстан Республикасының Оқу-ағарту министрлігі
ОМҒТҚА	–	Орталық мемлекеттік ғылыми-техникалық құжаттама архиві
ОМКФДЖА	–	Орталық мемлекеттік кино және фотоқұжаттар мен дыбыстық жазбалар архиві
ПІБ	–	Қазақстан Республикасының Президенті Іс басқармасы
РБ	–	республикалық бюджет
СІМ	–	Қазақстан Республикасының Сыртқы істер министрлігі
ТЖМ	–	Қазақстан Республикасының Төтенше жағдайлар министрлігі
ТСМ	–	Қазақстан Республикасының Туризм және спорт министрлігі
ҰБ	–	Қазақстан Республикасының Ұлттық Банкі
ҰҚК	–	Қазақстан Республикасының Ұлттық қауіпсіздік комитеті
ҰҚК ШК	–	Қазақстан Республикасының Ұлттық қауіпсіздік комитетінің Шекара қызметі
ҰЭМ	–	Қазақстан Республикасының Ұлттық экономика министрлігі
ІІМ	–	Қазақстан Республикасының Ішкі істер министрлігі
ЦДИАӨМ	–	Қазақстан Республикасының Цифрлық даму, инновациялар және аэроғарыш өнеркәсібі министрлігі
"Ардагерлер ұйымы" РҚБ	–	"Ардагерлер ұйымы" республикалық қоғамдық бірлестігі
"ҚТЖ" ҰК" АҚ	–	"Қазақстан темір жолы" ұлттық компаниясы" акционерлік қоғамы
"Қазпошта" АҚ	–	"Қазпошта" акционерлік қоғамы
"Самұрық-Қазына" АҚ	–	"Самұрық-Қазына" ұлттық әл-ауқат қоры" акционерлік қоғамы
"Samruk-Kazyna Trust" АҚ	–	"Samruk-Kazyna Trust" акционерлік қоғамы