"Алтыналмас" ұлттық акционерлiк компаниясының мәселелерi

Күшін жойған

Қазақстан Республикасы Министрлер Кабинетiнiң Қаулысы 1993 жылғы 1 маусым N 446. Күшi жойылды - Қазақстан Республикасы Министрлер Кабинетiнiң 1995.05.17. N 704 қаулысымен.

Қазақстан Республикасы Президентiнiң "Алтыналмас" Ұлттық акционерлiк компаниясы туралы" 1993 жылғы 21 қаңтардағы N 1086 Жарлығын орындау үшiн Қазақстан Республикасының Министрлер Кабинетi қаулы етедi:
1. "Алтыналмас" Ұлттық акционерлiк компаниясы (бұдан әрi - "Алтыналмас" ҰАК-сы) бағалы металдары, асыл тастарды және олардан жасалған бұйымдарды алу, ұқсату мен өндiру мәселелерiнде мемлекеттiң өкiлi болады деп белгiленсiн.
2. Экономика министрлiгi 1993-1997 жылдарға арналған "Қазақстан алтыны" Ұлттық бағдарламасының жобасын белгiленген тәртiппен және мерзiмiнде қарап, Экономикалық өзгерiстердiң ұлттық кеңесiне ұсынсын.
3. "Алтыналмас" Ұлттық акционерлiк компаниясында:
Қазақстан Республикасының Экономика министрлiгiмен бiрге мемлекеттiң қажеттiлiгiн қанағаттандыру үшiн бағалы металдар мен асыл тастар өндiрудiң көлемiн айқындау және оларды әрбiр күнтiзбелiк жылы шығаруды ұлғайту жөнiндегi ұсыныстарды әзiрлеу;
Қазақстан Республикасының Экономика министрлiгiмен бiрге бағалы металдар мен асыл тастарды өндiрудiң жыл сайынғы жоспарлы және орындалуының жиынтық баланстарын жасау;
меншiк нысандары мен қызмет түрiне қарамастан барлық шаруашылық жүргiзушi субъектiлер үшiн бағалы металдар және асыл тастардың сынықтары мен қалдықтары құрылымының нормативтерiн белгiлеу жөнiндегi әзiрлеушi функциялары, сондай-ақ оларды жинау мен ұқсату жөнiндегi тапсырмаларды, қорғаныс кешенiн қосқанда, кәсiпкерлiк қызметтiң барлық субъектiлерiне дейiн жеткiзуге қатысу;
компанияның құрылтайшыларымен бiрге бағалы металдарды, асыл тастарды өндiру мен ұқсату, металлургиялық, тазарту, зергерлiк өндiрiстер бойынша қуаттар жасау жөнiндегi жұмыстарды ұйымдастыру мен жүзеге асыру, сондай-ақ өндiрiстiк-техникалық мақсаттағы өнiмдердi (сым, прокат, дәнекерлер, қорытпалар, тұздар және т.б.) шығару;
Қазақстан Республикасының Ұлттық банкiнiң Мемлекеттiк қазына қоймасына бағалы металдарды, асыл тастарды және солардың жоғары көркемдiкпен жасалған бұйымдарын тапсыру;
сынықтар мен қалдықтарды қосқанда, iшiнде алтыны бар шикiзат экспортына лицензияларды келiсу, республикадан тысқары жерлерде "берме" шарттарымен ұқсатылған шикiзаттың iшiнде бар бағалы металдарды қайтаруды қамтамасыз ету;
Қазақстан кәсiпорындарының шикiзаты мен аралық өнiмдерiнiң барлық түрлерiнiң iшiнде бар бағалы металдарға, асыл тастарға, iшкi есеп айырысу бағаларын әзiрлеу мен белгiлеу;
"Алтыналмас" ҰАК-на кiретiн кәсiпорындарда, мекемелер мен ұйымдарда бағалы металдардың, асыл тастардың сақталуы мен пайдалануына бақылау жасауды ұйымдастыру жүктелсiн.
4. Үкiметтiң шешiмi бойынша кезектi жылға белгiленген бағалы металдарды өндiрудiң өсiмiн қамтамасыз еткен және компания Қазақстан Республикасы Ұлттық банкiнiң Мемлекеттiк қазына қоймасына оларды тапсыру жөнiндегi шарттық мiндеттемелерiн орындаған жағдайда "Алтыналмас" ҰАК-на алтынды қоспаларды, катодты алтынды, қайталама бағалы металдарды зергерлiк бұйымдар жасау мен өндiрiстiк-техникалық мақсаттағы өнiмдердi шығару үшiн пайдалануға рұқсат етiлсiн.
Қазақстан Республикасының Сауда министрлiгiмен бiрге халыққа зергерлiк бұйымдарды сату үшiн мамандандырылған мемлекеттiк бөлшек сауда кәсiпорындарын, фирмалық дүкендерiн ұйымдастырсын.
5. "Алтыналмас" ҰАК-сы Қазақстан Республикасының Экономика министрлiгi жанындағы Шетелдiк инвестициялар жөнiндегi Ұлттық агенттiктiң келiсiмi бойынша республиканың алтын өндiру саласын инвестициялауға шетелдiк капиталдың қатысуы жөнiндегi контрактiлерге, бағалы металдар, асыл тастар және солардан бұйымдар жасау жөнiндегi шетел фирмаларымен бiрлескен кәсiпорындар құрудың шарттарына, келiсiмдерiне қол қоятын болып белгiленсiн.
6. Экономика министрлiгi, Геология және жер қойнауын қорғау министрлiгi, "Алтыналмас" ҰАК-сы Қазақстан Республикасының Ұлттық банкiмен бiрге бағалы металдарды (сынықтар мен қалдықтардың жиналуын және ұқсатылуын қосқанда), асыл тастарды алумен, ұқсатумен, өндiрумен, өңдеумен, өткiзумен байланысты қызметтi, олармен өзге де операцияларды жүргiзудi лицензиялау туралы Ереженi дайындап, белгiленген тәртiппен бекiту үшiн бiр ай мерзiм iшiнде Қазақстан Республикасының Министрлер Кабинетiне енгiзетiн болсын.
7. "Алтыналмас" ҰАК-сы Мемлекеттiк мүлiк жөнiндегi Қазақстан Республикасының мемлекеттiк комитетiмен бiрге оның құрамына кiретiн кәсiпорындар мен ұйымдарды мемлекеттiк қатысудың әр түрлi деңгейiндегi акционерлiк қоғамдарға айналдыру процесiне қатысатын болып белгiленсiн.
8. Оның негiзiнде жарқырауық тас шикiзатын, зергерлiк алмастарды барлау, алу мен ұқсату және аса сәндi әрi көркемдiлiгi құнды бұйымдарды шығару жөнiндегi Қазақстан Республикасының мамандандырылған кәсiпорнын құру үшiн "Кварцсамоцветы" геологиялық-өндiрiстiк кәсiпорнын Қазақстан РЕспубликасының Геология және жер қойнауын қорғау министрлiгiнiң қарамағынан "Алтыналмас" ҮАК-ның құрамына берiлсiн.
Мемлекеттiк мүлiк жөнiндегi Қазақстан Республикасының мемлекеттiк комитетi "Алтыналмас" ҰАК-на белгiленген тәртiппен "Кварцсамоцветы" геологиялық-өндiрiстiк кәсiпорнының мемлекеттiк мүлкiн иелену, пайдалану мен басқару құқын табыстасын.
9. Экономика министрлiгi, Қаржы министрлiгi Қазақстан Республикасының Ұлттық банкiнiң қатысуымен нормативтi белгiлесiн және "Алтыналмас" ҰАК-ның алтын шығарушы және ұқсатушы кәсiпорындарына алтын запасы мен алмас қорын жасауды жеделдетуге арналған қажеттi материалдар, жабдықтар мен аспаптар сатып алу үшiн нысаналы мақсатқа жыл сайын валюталар бөлiп отыруды қамтамасыз етсiн.
10. "Алтыналмас" ҰАК аппаратының тұрақ жерi Алматы қаласы болып белгiленсiн.
Алматы қаласының әкiмi белгiленген тәртiппен "Алтыналмас" ҰАК-не әкiмшiлiк үйiн салу үшiн жер учаскесiн бөлсiн.
11. Қазақстан Республикасының Статистика және талдау жөнiндегi мемлекеттiк комитетi "Алтыналмас" ҰАК-мен бiрге республикадағы бағалы металдардың қозғалысын есепке алу жөнiндегi есеп берудiң нысандарын әзiрлесiн және оны қорғаныс кешенiн қосқанда, кәсiпкерлiк қызметтiң барлық субъектiлерiнен жинауды қамтамасыз етсiн.
12. Қазақстан Республикасының Әдiлет министрлiгi "Алтыналмас" ҰАК-мен бiрге Қазақстан Республикасы Үкiметiнiң шешiмдерiн осы қаулымен сәйкестендiру жөнiнде екi ай мерзiм iшiнде Қазақстан Республикасының Кабинетiне ұсыныс енгiзсiн.

Қазақстан Республикалық
Премьер-министрi