1. Қазақстан Республикасының Кәсiпкерлiктi қолдау және бәсекелестiктi дамыту қоры туралы қоса берiлiп отырған Ереже бекiтiлсiн.
2. Алматы қаласының әкiмi бұрын бөлiнген Мичурин көшесi, 89 мекенжайындағы аумағы 600 шаршыметр қызмет үйiн Кәсiпкерлiктi қолдау және бәсекелестiктi дамыту қорының балансына берсiн.
Қор қаражаты Қазақстан Республикасы Ұлттық банкiндегi
арнаулы республикалық бюджеттiк шотқа аударылады.
Қор қаражатының пайдаланылу мөлшерi алдағы қаржы жылына
республикалық бюджеттi бекiту кезiнде түскен сомалар шегiнде
белгiленедi.
<*>
Ескерту. 2-тармақ екiншi және үшiншi абзацтармен
толықтырылды - ҚРМК-нiң 19.05.1994 ж. N 544
қаулысымен.
3. Облыстардың, Алматы және Ленинск қалаларының әкiмдерi
Қордың тиiстi бөлiмшелерiн орналастыру үшiн қызмет үйлерiн
бөлсiн.
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1993 жылғы 14 маусымдағы
N 505 қаулысымен
Бекiтiлген
Қазақстан Республикасының Кәсiпкерлiктi
қолдау және бәсекелестiктi дамыту қоры туралы
Ереже
Осы Ереже Қазақстан Республикасының Кәсiпкерлiктi қолдау және бәсекелестiктi дамыту қорының (бұдан әрi - Қор) негiзгi мiндеттерiн, қызметi мен құқықтарын белгiлейдi.
1. Қор негiзiнен жеке бизнес, бәсекелестiктi және нарықтың инфрақұрылымын дамыту саласында кәсiпкерлiктi қолдау бағдарламаларының басым бағыттарына сәйкес кәсiпкерлiктi жеделдете дамытуға көмектесудi көздейдi.
2. Қор заңды ұйым болып табылады, Қазақстан Республикасының, басқа мемлекеттердiң бүкiл аумағында өз қызметiне байланысты құқықтармен пайдаланады және мiндеттер орындайды.
Қордың қазақ және орыс тiлдерiнде аты жазылған мөрi, фирмалық бланктерi, банктерде дербес балансы мен есепшоты, оның iшiнде валюталық шоты болады.
3. Өз қызметiнде Қор Қазақстан Республикасының заңдарын, Қазақстан Республикасы Президентiнiң жарлықтары мен қаулыларын, Қазақстан Республикасы Министрлер Кабинетiнiң қаулылары мен өкiмдерiн, халықаралық құқық құжаттарын және осы Ереженi басшылыққа алады.
4. Кәсiпкерлiктi қолдау қорының негiзгi мiндеттерi мыналар:
жеке кәсiпкерлiктi қолдау мен дамыту бағдарламаларын жасап, жүзеге асыру;
меншiктiң мемлекеттiк емес түрлерiне, бәсекелестiктi дамытуға негiзделген нарықтық құрылымдарды қалыптастыруға және қолдап отыруға қатысу;
шаруашылық жүргiзушi құрылымдарға кәсiпкерлiк қызметтi жүргiзу үшiн бiрдей жағдайлар мен мүмкiндiктердi қамтамасыз ететiн нарықтық инфрақұрылым қалыптастыруға және дамытуға қатысу;
кәсiпкерлiктi дамыту және нарықтық экономика үшiн кадрлар даярлау мақсатында шетел инвестицияларын, шет елдер мен халықаралық ұйымдардың қаржылай және техникалық көмектерiн тартуға жәрдемдесу.
5. Қазақстан Республикасының Кәсiпкерлiк қолдау және бәсекелестiктi дамыту қоры мыналардың есебiнен құрылады:
меншiк түрiне және шаруашылық жүргiзу әдiсiне қарамастан республика аумағында орналасқан шаруашылық жүргiзушi субъектiлердiң мiндеттi аударымдарынан, бұған республика аймағында республикалық және шетелдiк заңды ұйымдар мен жеке адамдарды қатыстыра отырып құрылған бiрлескен кәсiпорындар, олардың банк мекемелерiнде есепшоттары бар филиалдары (бөлiмшелерi, басқа жекелеген бөлiмшелерi) кiредi.
Республика экономикасын жаңғырту қорының жеке кәсiпкерлiктi қолдауға бағытталған қаржысының бiр бөлiгiнен;
Қазақстан Республикасының Халықты жұмыспен қамтуға және қоныс аударуына жәрдемдесетiн мемлекеттiк қорының жеке кәсiпкерлiк саласында жаңа жұмыс орындарын ашуға бағытталған қаржысының бiр бөлiгiнен;
заңдарда белгiленген тәртiппен мемлекеттiк меншiктi мемлекет иелiгiнен алудан және жекешелендiруден алынған қаржының бiр бөлiгiнен:
кәсiпкерлiктi қолдау және инвестициялық резервтер қалыптастыру мақсатында шаруашылық жүргiзушi субъектiлердiң өз еркiмен аударған қаржысынан;
Қорға арналған мiндеттi төлемдер белгiленген уақытында төленбеген жағдайда есептелетiн өсiмдер мен айыппұлдардан;
берiлген қаржының проценттерi мен оны уақтылы қайтармағаны үшiн есептелетiн өсiмнен;
Қазақстандық және шетелдiк заңды ұйымдар мен жеке адамдардың өз еркiмен төлейтiн жарналарынан;
кеңес беру, әдiстемелiк және ақпараттық-баспа қызметiнен түскен табыстар мен басқа да түсiмдерден;
қолданылып жүрген заңдарға қайшы келмейтiн көздерден түсетiн басқа да түсiмдермен.
6. Негiзгi мiндеттерге сүйене отырып Қор мынадай қызметтер орындайды:
өз қызметiн басым бағыттарда жүзеге асырып отырған кәсiпкерлерге (ұқсатушы өндiрiстерге, халық тұтынатын тауарлар шығаратын, құрылыс материалдарын дайындайтын, халыққа қызмет көрсететiн және басқа кәсiпорындарға) қаржылай көмек көрсетедi;
алдыңғы қатарлы ғылыми және техникалық жаңалықтарды қолдануға негiзделген экологиялық таза өндiрiстер ұйымдастыруға қаржы бөледi;
қаржы-несие қызметiн заңдарда белгiленген тәртiппен жүзеге асырады;
қызметi бәсекелестiк орта жасауға және нарықты тауарлармен, қызметтермен молықтыруға бағытталған шаруашылық жүргiзушi субъектiлерге несие жөнiнде кепiлдiктер бередi; қолданылып жүрген заңдарға сәйкес сақтандыру қызметiн жүзеге асырады;
қолданылып жүрген заңдарға сәйкес жеке меншiкке негiзделген кәсiпорындар мен басқа да шаруашылық құрылымдар құруға қатысады;
инфрақұрылым элементтерiн, оның iшiнде ақпараттық мәлiмет банктерiн құруға жәрдемдеседi;
шығармашылық ұжымдар, сараптық кеңестер, комиссиялар, оның iшiнде алға қойылған мiндеттердi шешу үшiн шетелдiк мамандарды қатыстыра отырып осындай ұйымдар құрады;
сыртқы экономикалық қызметтердi жүзеге асырады;
Мемлекеттер достастығына қатысушы елдердiң осындай қорларымен және кәсiпкерлiктi қолдау жөнiндегi халықаралық қорлармен ынтымақтасады;
отандық және шетелдiк инвесторлардың қаржысын тартуға және оларды тиiмдi пайдалануға бағытталған шараларды қаржыландырады, оның iшiнде байқаулар, көрмелер, аукциондар, конференциялар және т. б. ұйымдастырады;
нарықтық экономика үшiн кадрлар даярлау мен оқытуды қаржыландырады;
кеңес беру, әдiстемелiк және ақпараттық-басқа қызметiн жүзеге асырады;
негiзгi мiндеттер мен қызметтердi орындауға қажеттi және қолданылып жүрген заңдарға қайшы келмейтiн басқа да қызмет түрлерiн жүзеге асырады.
7. Шаруашылық жүргiзушi субъектiлердi қаржыландыру туралы шешiмдi Қазақстан Республикасының Экономика министрлiгi қабылдайды, сондай-ақ оларға қаржы бөлу шарттарын белгiлейдi. Қазақстан Республикасының Экономика министрлiгi жеке кәсiпкерлiктi дамытудың басым бағыттарына Қордың қаржы салымының мөлшерi туралы шешiм қабылдайды, конкурстық негiзде кәсiпкерлердiң жобалары мен жеке кәсiпкерлiктi дамыту бағдарламаларын қарайды, оларды қаржыландыру туралы шешiм қабылдайды, Қор қаржысының дұрыс бөлiнуiне жауап бередi, бөлiнген қаржының нысаналы пайдаланылуын бақылау жөнiндегi атқарушы дирекцияның есептерiн тыңдайды.
Қазақстан Республикасының Экономика министрлiгi жобаларды қараған кезде кәсiпкерлiктi дамыту бағыттарының басымдығын, жобалардың техникалық-экономикалық негiздемелерiн сараптық бағамдамасын, жобаны жүзеге асыруға қажеттi жағдайлармен және тиiстi материалдық-техникалық ресурстармен қамтамасыз етiлуiн басшылыққа алады.
Жобаларды сараптау iсiне қажет болған жағдайда министрлiктер мен ведомстволардың жетекшi мамандарынан, кәсiпкерлiк бiрлестiктердiң, қоғамдық ұйымдар мен халықаралық қаржы институттарының өкiлдерiнен, ғалымдар мен практиктерден тәуелсiз сарапшылар қатыстырылады. <*>
8. Қор қызметiн жедел басқару iсiн Қордың атқарушы дирекциясы жүзеге асырады.
Атқарушы дирекция туралы ереженi Қазақстан Республикасының Экономика министрлiгi бекiтедi. Республикалық Қордың атқарушы директорын республиканың Экономика министрi тағайындайды.
Қордың атқарушы дирекция қызметкерлерiнiң саны мен оны ұстауға жұмсалатын қаржының шектi мөлшерiн Қазақстан Республикасының Экономика министрлiгi белгiлейдi. <*>
Ескерту. 7 және 8-тармақтар жаңа редакцияда берiлген - ҚРМК-нiң
1994 ж. 24 маусымдағы N 709 қаулысына сәйкес.
9. Өзiндiк қызметтiк мiндеттерiн орындау үшiн Қордың мынадай құқықтары бар:
Қордың мiндеттерi мен мақсаттарына, сондай-ақ Қазақстан Республикасының қолданылып жүрген заңдарына сәйкес оның мүлкiн иеленуге, пайдалануға және басқаруға;
Қазақстан және басқа мемлекеттер аумағында заңды ұйымдық құқы бар филиалдарды, бөлiмшелердi құруға, қайта құруға және жоюға;
Қор мiндеттерiне қызметi сәйкес келетiн инвестициялық, сақтандыру және басқа қорлар, холдинг компаниялар, бiрлескен және басқа кәсiпорындар мен ұйымдар құруға;
төрелiк немесе аралық соттарға талапкер және жауапкер ретiнде қатысуға;
мамандарды басқа мемлекеттерге жұмысқа, оқуға, қайта даярлықтан өтуге және бiлiктiлiгiн арттыруға жiберуге;
Қордан бөлiнген жәрдем ақшаның несиелердiң және басқа қаржылардың орынды жұмсалуын қадағалауға;
Қордан бөлiнген қаржыны кәсiпкер орынсыз жұмсаған жағдайда олардан сол соманы ешбiр даусыз қайта өндiрiп алуға;
Қордың кеңес беру, ақпараттық-баспа қызметiнен түскен қаржыны, кәсiпкерлiк құрылымдардан өндiрiп алынған айыппұл мен өсiм ақшаларды қорды материалдық-техникалық қамтамасыз етуге және әлеуметтiк дамытуға, сондай-ақ Қор қызметкерлерiн материалдық ынталандыруға пайдалануға;
басқару, өкiмет орындарынан және басқа мемлекеттiк және өзге құрылымдардан (салық инспекцияларынан, банктерден, статистика органдарынан және т. б.) Қор түсiмдерiн қамтамасыз етуге, бөлiнген қаржының қайтарылуын бақылауға қажеттi ақпараттар мен мәлiметтердi сұрауға және алуға.
10. Қор қаржысының орынды жұмсалуына бақылауды Қазақстан Республикасының Экономика министрлiгiмен бiрлесе отырып Мемлекеттiк қаржы бақылау комитетi жүзеге асырады.
11. Шаруашылық жүргiзушi субъектiлерге бөлген қаржысының пайдаланылуына және олардың уақтылы қайтарылуына бақылауды Қордың атқарушы дирекциясы жүзеге асырады. <*>
Бөлiнген қаржыны өз мақсатына жұмсамау оны даусыз түрде айыппұл сала отырып, мерзiмiнен бұрын қайтарып алуға негiз болады. Ақша қаражаты болмаған немесе ол жетiмсiз болған жағдайда мұның өтемi ретiнде шаруашылық жүргiзушi субъектiнiң тиiстi мүлкi қордың меншiгiне өтетiн болады.
Ескерту. 11-тармақтың бiрiншi абзацында сөздер алынып
тасталған - ҚРМК-нiң 1994 ж. 24 маусым N 709 қаулысымен.
12. Қор Қазақстан Республикасының заңдарында белгiленген тәртiппен бухгалтерлiк есеп жүргiзiп және статистикалық есеп берiп отырады.
13. Қорды қайта құру және жою Қазақстан Республикасының заңдарымен белгiленген тәртiппен жүзеге асырылады.
