Зейнеткерлердi материалдық жағынан қолдау жөнiндегi қосымша шаралар туралы

Күшін жойған

Қазақстан Республикасы Министрлер Кабинетiнiң Қаулысы 1993 жылғы 12 шiлде N 591. Күшi жойылды - Қазақстан Республикасы Үкіметінің 1996.07.12. N 899 қаулысымен.

Негiзгi азық-түлiктiң бағасы үздiксiз өсiп отырған жағдайда зейнеткерлерге материалдық жағынан қосымша қолдау көрсету мақсатында Қазақстан Республикасының Министрлер Кабинетi ҚАУЛЫ ЕТЕДI:
1. Қазақстан Республикасы Министрлер Кабинетiнiң "1993 жылы зейнетақыны арттыру мен индекстеу туралы" 1993 жылғы 22 сәуiрдегi N 325 қаулысымен белгiленген зейнетақыларды одан әрi арттыру жүзеге асырылғанға дейiн 1993 жылғы 1 шiлдеден бастап, жұмыс iстемейтiн зейнеткерлердiң алатын зейнетақыларына ай сайын қосымша мынадай үстеме ақы жасау қамтамасыз етiлсiн:
жасына байланысты толық еңбек зейнетақысын және мүгедектiгiне байланысты, еңбек сiңiргенi үшiн зейнетақы алатындарға, сондай-ақ мүгедектiгiне байланысты зейнетақы алатын мерзiмдi қызметтiң әскери қызметшiлерiне - 7000 сом;
еңбек стажы толық емес жағдайда зейнетақы алатындарға; сондай-ақ асыраушысынан айырылуына байланысты зейнетақы алатындарға - 5600 сом;
әлеуметтiк зейнетақы алатындарға - айына 4200 сом.
2. Қазақстан Республикасының халықты әлеуметтiк жағынан қорғау министрлiгi жергiлiктi әкiмдер көрсетiлген төлемдер жасауды уақтылы жүзеге асырсын.
Қазақстан Республикасының
Премьер-министрi