Ақтау қаласында Маңғыстау өнер училищесiн ашу туралы

Қазақстан Республикасы Министрлер Кабинетiнiң қаулысы 13 тамыз 1993 ж. N 694

Қазақстан Республикасының Министрлер Кабинетi қаулы етедi:
1. Қазақстан Республикасы Мәдениет министрлiгi мен Маңғыстау облысы әкiмiнiң 1993 жылдан бастап Ақтау қаласында Маңғыстау өнер училищесiн ашу туралы Қазақстан Республикасы Экономика министрлiгi және Қаржы министрлiгiмен келiсiлген ұсынысы қабылдансын.
2. Маңғыстау облысы әкiмiнiң осы мақсатқа 1993\94 оқу жылынан бастап облыс бюджетiнен қаржы бөлiп, училищенi тиiстi нормативтерге сәйкес материалдық-техникалық базамен қамтамасыз ету жөнiндегi ұсынысы мақұлдансын.
3. Қазақстан Республикасы Мәдениет министрлiгi училище құрылымын, мамандықтардың номенклатурасын, оқу мерзiмiн анықтасын, оқу орнын педагог кадрлармен және мамандармен толықтыруда көмек көрсетсiн.

Қазақстан Республикасының
Премьер-министрi