1. "Қазақмыс" мемлекеттiк холдинг компаниясы (бұдан әрi - Компания) құрылсын.
2. Компания басқармасының орналасатын жерi Жезқазған қаласы болып белгiленсiн.
3. Қазақстан Республикасының Мемлекеттiк мүлiк жөнiндегi мемлекеттiк комитетi:
осы қаулыға тiркелген қосымшаға сәйкес мемлекеттiк кәсiпорындардың, ұйымдар мен акционерлiк қоғамдардың құрамында Компанияны құру жөнiндегi құрылтай құжаттарының пакетiн бiр ай мерзiм iшiнде әзiрлесiн;
Компанияға кәсiпорындар мен ұйымдардың мемлекеттiк мүлкiн, сондай-ақ бұрын құрылып, Компанияның құрамына енгiзiлген акционерлiк қоғамдар акцияларының мемлекеттiк пакеттерiн иелену, пайдалану және басқару құқығын беретiн болсын.
Мемлекеттiк кәсiпорындар мен ұйымдарды акцияландыру барысына қарай акционерлiк қоғамдар акцияларының мемлекеттiк пакеттерi, Қазақстан Республикасының Мемлекеттiк мүлiк жөнiндегi мемлекеттiк комитетi өткеретiн акциялардың пакеттерiн қоспағанда, Қазақстан Республикасында 1993-1995 жылдары (II кезең) мемлекет қарамағынан алу мен жекешелендiрудiң Ұлттық бағдарламасында көзделген тәртiппен Компанияның иеленуi, пайдалануы және басқаруына берiлетiн болсын.
4. Компания қызметiнiң негiзгi мақсаттары мыналар деп белгiленсiн:
мыс өндiру өндiрiс саласында жұмыс iстейтiн кен-металлургия, кен өндiру, машина жасау кәсiпорындарының қызметiн үйлестiру;
түстi металдар өндiру және олардан өнiм алу, кен базасын дамыту, кен өндiру өнеркәсiбi үшiн машина жасауды дамыту, өндiрiстi техникалық жағынан қайта жарақтандыру, тамақ өнiмдерi мен көпшiлiк қолды тауарлар өндiру, айналадағы ортаны қорғау жөнiнде аса маңызды ғылыми-техникалық бағдарламалар жасау және оларды мемлекеттiк инвестициялау;
Компания кәсiпорындары өндiретiн өнiмдi экспортқа шығару үшiн берiлетiн лицензияларды келiсу;
қатысушылардың Жарғы қорына қосқан жарналарының мөлшерiнде қаржы ресурстарын шоғырландыру, оларды тиiмдi пайдаланудың стратегиясы мен ұтымды мүмкiндiктерiн айқындау;
қатысушы кәсiпорындарды нығайту қажет болған кезде қаржылай көмек беру;
түрлi акционерлiк қоғамдар құру, акциялар және басқа бағалы қағаздар шығару, оларды iшкi және сыртқы нарықтарда өткiзу;
кәсiпорындардың сыртқы экономикалық қызметiн үйлестiрудi жүзеге асыру;
Компанияның құрамына кiрген кәсiпорындардың басшыларын тағайындау және бекiту;
еншiлес қоғамдар мен кәсiпорындардың Байқаушы кеңестерiн қалыптастыру, оларға өз өкiлдерiн тағайындау.
5. Компания бұрын құрылған акционерлiк қоғамдардың басшылығын өз орнында қалдырып, олардың Байқаушы кеңестерiнiң құрамына өз өкiлдерiн тағайындайтын болсын.
6. Еншiлес қоғамдар акцияларының мемлекеттiк пакеттерiнiң дивидендтерi алғашқы үш қаржы жылы iшiнде, Компанияның аппаратын ұстауға арнап бөлiнетiн қаржыны қоспағанда, олардың өндiрiсiн дамытуға бағытталады.
7. "Жезқазғантүстiметалл" акционерлiк қоғамының қызметкерлерiне еңбекақы төлеудiң белгiленген тәртiбi Компанияның аппаратына қолданылатын болсын.
8. Қазақстан Республикасының Өнеркәсiп министрлiгi, "Қазақстан түстi металдары" Ұлттық акционерлiк қоғамы Компанияның қызметiн қамтамасыз ету жөнiнде ұйымдастыру шараларын қабылдасын, Қазақстан Республикасының Мемлекеттiк мүлiк жөнiндегi мемлекеттiк комитетi Компанияның Байқаушы кеңесiнiң дербес құрамы және оның президентi қызметiне кандидатура жөнiнде ұсыныс енгiзетiн болсын.
9. Қазақстан Республикасының Мемлекеттiк мүлiк жөнiндегi
мемлекеттiк комитетi және оның аумақтық комитетi
"Жезқазғантүстiметалл" акционерлiк қоғамымен бiрлесiп қолда бар
ресурстар есебiнен Компанияға қажеттi қызмет үй-жайларын,
техникалық құралдарды, телефон мен телекс байланысы арналарын
бөлетiн болсын.
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1993 жылғы 17 қыркүйектегi
N 907 қаулысына
Қосымша
"Қазақмыс" мемлекеттiк холдинг компаниясына
енетiн кәсiпорындардың
Тiзбесi
"Жезқазғантүстiметалл" акционерлiк қоғамы, Жезқазған қаласы
"Балқашмыс" өндiрiстiк бiрлестiгi, Балқаш қаласы
"Массагет" акционерлiк қоғамы, Алматы қаласы
<*>
<*>
Жезқазған құс шаруашылығы өндiрiстiк бiрлестiгi, Жезқазған қаласы
Бозшакөл, Ақтоғай, Айдарлы, Жыланды, Бөрiлi, Қаратас және Шатыркөл
кен орындарының негiзiнде салынып жатқан кәсiпорындар
"Гея" ұжымдық өнеркәсiп-сауда кәсiпорны, Жезқазған қаласы
Ескерту. Қосымшадан кәсiпорындар алынып тасталған - ҚРМК-нiң
1995.10.23. N 1375 қаулысымен.
