Азық-түлiк, халық тұтынатын тауарлар сатып алу және тартылған кредиттердiң орнын жабуды ұйымдастыру үшiн шетел кредиттерiн тарту туралы

Қазақстан Республикасы Министрлер Кабинетiнiң қаулысы 1994 жылғы 31 қаңтар N 109

Республиканың тұтыну нарығына халық тұтынатын тауарларды қосымша тарту, ұлттық валютаның бағамына қолдау көрсету мақсатында Қазақстан Республикасының Министрлер Кабинетi қаулы етедi:
1. Қазақстан Республикасының Сыртқы экономикалық байланыстар министрлiгiне Қазақстан Республикасының шетелдегi сауда үйлерiнiң iрi сыртқы сауда компаниялары мен фирмаларының жүйесi, сондай-ақ Қазақстан Республикасының Сауда министрлiгi мен Қазтұтынуодағы жүйесiндегi ұйымдар арқылы қажет болған жағдайда Қазақстан Республикасы Үкiметiнiң кепiлдiгiн бере отырып 400 млн. АҚШ долларына дейiнгi сомаға азық-түлiк, тағамдық шикiзат, халық тұтынатын тауарлар алу үшiн шетел кредитiн тарту тапсырылсын.
2. Тауар сатып алуға арналған шетел кредиттерiн тартудың және орнын жабудың Уақытша тәртiбi бекiтiлсiн (қоса берiлiп отыр).
3. Қазақстан Республикасының Қаржы министрлiгi, Сыртқы экономикалық байланыстар министрлiгi:
Қазақстан Республикасының Үкiметi берген кепiлдiктiң есебiн жүргiзудi қамтамасыз етсiн;
тартылған кредиттердiң орнын уақтылы жабуды ұйымдастыруға бақылау орнатсын.
4. Қазақстан Республикасының Ұлттық банкiне аталған құрылымдарға ұлттық валютамен (теңге) арнаулы есепшоттар ашу үшiн өкiлеттiк берiлген банктердi айқындау ұсынылсын.
Өкiлеттiк берiлген банктер сатып алынған тауарларды өткiзуден түскен қаражат барысына қарай ұлттық валютаны өтiмдi етудi және тартылған кредиттердiң орнын жабуды бiрiншi кезекте қамтамасыз ететiн болсын.
5. Үкiметтiң кепiлдiгi есебiне тауарлар сатып алу жүктелген Қазақстан Республикасының сауда үйi, iрi сыртқы сауда компаниялары, фирмалары, сондай-ақ Қазақстан Республикасының Сауда министрлiгi мен Қазтұтынуодағы жүйесiндегi ұйымдар Қазақстан Республикасының Сыртқы экономикалық байланыстар министрлiгi мен Қаржы министрлiгiне тауарлық кредиттердi тарту валюталық өзiн өзi өтеу принципiнде жүзеге асырылатынын есте ұстай отырып алынған кредиттердiң орнын жабудың схемасын табыс етсiн.
Аталған құрылымдар, сондай-ақ өкiлеттiк берiлген банктер әрбiр айдың бiрiншi күнiндегi жағдай бойынша Қазақстан Республикасының Сыртқы экономикалық байланыстар министрлiгiне алынған кредиттердiң орнын жабудың барысы туралы хабарлап отыратын болсын.

Қазақстан Республикасының
Премьер-министрi
Қазақстан Республикасы
Министрлер Кабинетiнiң
1994 жылғы 31 қаңтардағы
N 109 қаулысымен
БЕКIТIЛГЕН

Тауар сатып алуға арналған шетел кредиттерiн
тартудың және орнын жабудың Уақытша тәртiбi

1. Осы Тәртiп Қазақстан Республикасының Сыртқы экономикалық байланыстар министрлiгiмен және Сауда министрлiгiмен келiсе отырып, халық тұтынатын тауарлар сатып алуға жасалған контрактiлерге таратылады.
2. Қазақстан Республикасының Сыртқы экономикалық байланыстар министрлiгi Сауда министрлiгiмен, Қазтұтынуодағымен және "Тағам" мемлекеттiк акционерлiк компаниясымен бiрлесiп Қазақстан Республикасын тысқары жерлерден сатып алу үшiн халық тұтынатын тауарлардың және азық-түлiктiң номенклатурасы мен көлемiн айқындайды әрi Қазақстан Республикасының шетелдегi сауда үйлерiне, iрi сыртқы сауда компаниялары мен фирмаларына, сондай-ақ Сауда министрлiгiнiң жүйесiндегi ұйымдарға (мұнан былай орындаушылар) Үкiмет белгiлеген лимит шегiнде тауар кредиттерiн тарту туралы мәселенi шетел фирмаларымен пысықтауды тапсырады.
3. Шетел фирмаларымен және Қазақстан Республикасындағы тауар алушылармен контрактiлердiң жобасын орындаушылар Қазақстан Республикасы Сыртқы экономикалық байланыстар министрлiгiнiң қарауына табыс етедi.
Қажет болған жағдайда Қазақстан Республикасының сыртқы экономикалық байланыстар министрлiгi Қазақстан Республикасының Министрлер Кабинетiне төлем жасау кiдiрген жағдайда тартылған кредиттiң орнын жабуды қамтамасыз ету туралы үкiметтiк кепiлдiктi орындаушыға беру туралы ұсыныс енгiзедi.
Үкiметтiк кепiлдiк Қазақстан Республикасының Қаржы министрлiгiнде тiркеледi.
Үкiметтiк кепiлдiк алғаны үшiн орындаушылар кепiлдiк құнының 3 процентiн Қазақстан Республикасы Ұлттық банкiнiң бағамы бойынша ұлттық валютамен кепiлдiкке қол қойылған күнi республикалық бюджеттiң кiрiсiне төлейдi.
4. Қазақстан Республикасының Сыртқы экономикалық байланыстар министрлiгi сатып алуға белгiленген лимит шегiндегi тауарлар мен шикiзаттарды беруге жасалған контрактiлердi тiркеудi және есепке алуды қамтамасыз етедi, олардың орындалуын және орындаушылардың алынған кредиттердiң орнын жабуын бақылауды жүзеге асырады.
5. Қазақстан Республикасының үкiметтiк кепiлдiгiн алынған кредиттердiң есебiнен республикаға тауарлар беру орындаушының сыртқы сауда бағасы бойынша (контрактiлiк) жүзеге асырылады. Орындаушының жiберу бағасы сыртқы сауда (контрактiлiк) бағасын Қазақстан Республикасы Ұлттық банкiнiң бағамы бойынша ұлттық валютаға (теңге) кедендiк құжаттарды импорт бойынша ресiмдеу күнiне кепiлдiк алғаны үшiн төлемдi, қызмет көрсетуге және өнiмдi жеткiзуге, кедендiк баж салығын, сақтандыру және комиссиялық сыйақылар төлеуге байланысты iлестiрмелiк шығындарды қоса отырып қайта есептеу жолымен қалыптасады.
Республикаға берiлген тауарлар мен өнiмдерге төлем жасау үшiн валюталық кредиттер тартылған жағдайда кредиттi пайдаланғаны үшiн проценттердi төлеуге кеткен шығындар орындаушының жiберу бағасына енгiзiледi.
Тауар кредиттерiн алуға және орнын жабуға байланысты барлық операцияларды орындаушылар валюталық өзiн-өзi өтеу принципiмен жүзеге асырады және кредиттердiң орнын жабу жөнiндегi өзiнiң мiндеттемелерi бойынша толық жауап бередi.
6. Қазақстан Республикасындағы тауар алушылардың қоймасына тауарлар мен өнiмдердiң түсуiне қарай соңғылары алынған тауарлар үшiн қаржыны 10 банк күнi iшiнде Қазақстан Республикасының өкiлеттi банкiндегi орындаушының арнайы есеп-шотына аударуды қамтамасыз етедi.
Аталған тауарларды халыққа сату рентабельдiлiктiң шектi деңгейiн ескере отырып, қолданылып жүрген нормативтiк құжаттарда белгiленген бағалар бойынша жүргiзiледi.
Қажет болған жағдайда жiберiлу бағасы Қазақстан Республикасындағы валюта бағамының өзгеруi ескерiле отырып түзетiледi.
7. Орындаушы Қазақстан Республикасы Министрлер Кабинетiнiң "Азық-түлiк, халық тұтынатын тауарлар сатып алу және тартылған кредиттердiң орнын жабуды ұйымдастыру үшiн шетел кредиттерiн тарту туралы" 1994 жылғы 31 қаңтардағы N 109 қаулысын орындау үшiн ашылған өзiнiң арнаулы есепшотына тауарларды сатудан қаражаттың түсуiне қарай қызмет көрсетушi банкке осы қаражатты шетел валютасына өтiмдi етуге және осы валютаны алынған кредиттердiң орнын жабуға жiберуге өтiнiм бередi.
Өкiлеттi банктер мен банкаралық биржа осы қаражаттарды өтiмдi етудi бiрiншi кезекте қамтамасыз етедi.
8. Өкiлеттi банк орындаушының арнайы есепшотындағы қаражаттың нысаналы түсуiне және жұмсалуына бақылауды жүзеге асырады әрi аталған есепшоттағы қаражаттың қозғалысы жөнiндегi мәлiметтердiң сенiмдiлiгi үшiн жауап бередi.
9. Орындаушылар мен өкiлеттi банктер Қазақстан Республикасының Қаржы министрлiгiне және Сыртқы экономикалық байланыстар министрлiгiне кредиттердiң орнын жабудың барысы туралы хабарлап отырады.
10. Шетел кредиттерiн пайдалану және орнын жабу процесiнде туындаған даулар Қазақстан Республикасының заңдарына сәйкес шешiледi.