Қазақстан Республикасының Министрлер Кабинетi қаулы етедi:
1. Көшi-қон жер қорын құру тәртiбi бекiтiлсiн (қоса берiлiп отыр).
2. Қазақстан Республикасы Жер Кодексiнiң 12, 13 және 14 баптарына сәйкес "Көшiп келу туралы" Қазақстан Республикасының Заңын күшiне енгiзу туралы" Қазақстан Республикасы Жоғарғы Кеңесiнiң қаулысын жүзеге асыру жөнiндегi шаралар туралы" Қазақстан Республикасы Министрлер Кабинетiнiң 1992 жылғы 15 желтоқсандағы N 1055 қаулысымен (Қазақстан Республикасының ПҮАЖ-ы, 1992 ж., N 48, 715 бап) бекiтiлген Қазақстан Республикасының Еңбек министрлiгi жанындағы Халықтың көшi-қон департаментi туралы Ереженiң 5 тармағының алтыншы абзацы мынадай жаңа редакциямен берiлсiн:
"тиiстi жергiлiктi атқарушы органға босқын-көшiп келушiлердi қоныстандыру мен олардың топтасқан шаруашылықтарын ұйымдастыру үшiн көшi-қон жер қорынан бос жерлердi беру туралы ұсыныс енгiзсiн".
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1994 жылғы 2 тамыздағы
N 868 қаулысымен
Бекiтiлген
Көшi-қон жер қорын құру
Тәртiбi
1. Көшi-қон жер қорын құрудың негiзi Қазақстан Республикасы Президентiнiң жыл сайын бекiтетiн облыстар бойынша көшiп келу квотасы, сондай-ақ осыған байланысты босқын-көшiп келушiлердi орналастыру жөнiндегi облыс әкiмдерiнiң шешiмi болып табылады.
2. Көшi-қон жер қорын құрудың мақсаты босқын-көшiп келушiлердi жинақы орналастыруды және өмiр сүруi мен тұруы үшiн қолайлы жағдай жасауды ескере отырып, қоныстандыру мен топтасқан шаруашылықтарын ұйымдастыруға арналған тиiстi аумақты анықтау болып табылады.
3. Көшi-қон жер қоры ауданның, елдi мекендердiң, қосалқы, сондай-ақ кеңшарлардың, ұжымшарлардың, басқа жер иеленушiлер мен жер пайдаланушылардың арнаулы жер қорының жерлерi есебiнен құралады.
Кадастрлық бағалау бойынша мұндай қорға кiретiн жер учаскелерi, әдетте, оларды алу көзделiп отырған жерлерден жер иелену немесе жер пайдалану, арнаулы жер қорының, елдi мекендердiң, қосымша жерлердiң алаптары бойынша орта деңгейде болуы және мақсатты пайдалануға сәйкес келуi тиiс.
4. Көшi-қон жер қорын қалыптастыру жөнiнде ұсыныстар әзiрлеу үшiн аудан аумағына көшiп келушi-босқындарды орналастыру белгiленiп отырған аудан әкiмi құрамында аудан әкiмшiлiгiнiң өкiлi - комиссия төрағасы, жер қатынастары және жерге орналастыру, сәулет және қала құрылысы, экология және биоресурстар, ауыл шаруашылығы, көшi-қон қызметi жөнiндегi аудандық органдардың өкiлдерi бар арнаулы жер комиссиясын құрады.
Қажет болған жағдайда комиссия құрамына басқа ұйымдар мен мекемелер өкiлдерi енгiзiледi.
5. Комиссия еңбек және жер ресурстарын ұтымды пайдалану мәселелерi жөнiндегi ғылыми мекемелер мен жобалау ұйымдарының ұсыныстарын басшылыққа ала отырып, нақты жер иелену мен жер пайдалану бойынша көшiп келушi-босқындарды орналастыру жағдайын, сондай-ақ ауданда көшi-қон жер қорын қалыптастыру мүмкiндiгiн зерделейдi.
6. Көшi-қон жер қорына енгiзу белгiленiп отырған жер учаскелерiн мүдделi жер иеленушiлер мен жер пайдаланушылар өкiлдерiнiң қатысуымен комиссия нақты түрде зерттейдi.
7. Алқаптық зерттеу процесiнде топырақтың, өсiмдiктiң, су көздерiнiң қалыптасқан әлеуметтiк, инженерлiк және өндiрiстiк инфрақұрылымның жайы зерттеледi, сондай-ақ нақты жер иелену мен жер пайдалану бойынша елдi мекендер шегiнде және егiстiк жерлердегi үлесi немесе бау-бақша мен егiстiк үлестi бiрiктiретiн бiрыңғай алаппен көшiп келушi-босқындар бау-бақшасы үшiн көшi-қон жер қорын жеке қалыптастырудың мақсаттылығы белгiленедi.
Алқаптық зерттеу нәтижелерi сөз болып отырған әрбiр жер иеленушi мен жер пайдаланушы бойынша көшi-қон жер қорының сызбасы мен қалыптасу ведомостары қоса берiле отырып, актiмен ресiмделедi. Аталған құжаттарға зерттеу жүргiзген комиссия мүшелерi, сондай-ақ мүдделi жер иеленушi мен жер пайдаланушы өкiлдер қол қояды.
8. Комиссия көшi-қон жер қорына енгiзу белгiленiп отырған жердi зерттеудi аяқтаған соң, осы жұмыс нәтижесiн тұтасымен аудан бойынша жинақтайды, оны жер қатынастары және жерге орналастыру, сәулет және қала құрылысы, экология және биоресурстар, ауыл шаруашылық, көшi-қон қызметi жөнiндегi аудандық органдармен келiседi және Қазақстан Республикасының "Жер туралы" Заңына сәйкес көшi-қон жер қорын құру туралы шешiм қабылдау үшiн жергiлiктi әкiмге жiбередi.
9. Жергiлiктi әкiмге ұсынылатын материалдарда мыналар болады:
тұжырымдарымен және ұсыныстарымен қоса түсiндiрмелiк жазба;
жер иелену мен жер пайдалану, аудандық, елдi мекендер мен қосымша жер қорының арнаулы учаскелерi бойынша көшi-қон жер қорына кiретiн жер экспликациясы;
алқапты зерттеу актi;
көшi-қон жер қорына кiретiн жерлердi бейнелей отырып, жер иелену, жер пайдаланудың алқаптық зерттеуiнiң, ауданның, сызбадағы арнаулы жер қоры учаскесiнiң, елдi мекен шегiнде орналасқан учаскенiң сызбасы;
көшi-қон жер қорын қалыптастыру ведомосы.
10. Жергiлiктi әкiмдер өз құзырына сәйкес көшi-қон жер қоры құрамына комиссия ұсынған жерлердi енгiзу туралы шешiм қабылдайды.
11. Көшi-қон жер қорына енгiзiлген жерлердi аталған жер қорын құру туралы шешiм қабылдаған орган белгiлеген тәртiппен және шартпен бұрынғы жер иеленушiлер мен жер пайдаланушылар пайдаланады.
12. Жергiлiктi әкiм көшi-қон жер қорынан жер учаскесiн алып, босқын-көшiп келушiлердiң жаңа жерге орналасу шаралары бойынша оны жаңа жер иеленушiлерге немесе пайдаланушыларға бередi.
13. Қазақстан Республикасының азаматтығын алған босқын-көшiп келушiлерге жер учаскелерi азаматтардың тiлегi мен осы учаскелердi пайдалану мақсатына байланысты өмiр бойы мұрагер ретiнде иеленуге немесе пайдалануға берiледi.
Тұрақты немесе уақытша тұруға рұқсат алған, бiрақ Қазақстан Республикасының азаматы болып табылмайтын босқындар мен қоныс аударушыларға жер учаскелерi сұраған мақсаты үшiн жалға алу шартымен пайдалануға берiледi.
14. Осы Тәртiптiң 13-тармағына сәйкес жер учаскелерiн алуға мүдделi адамдар (орналасуы көзделiп отырған аумақтағы) жергiлiктi әкiмге жер учаскесiн сұрау мақсатын, оның шамамен алынған көлемiн және жердi пайдалану мерзiмiн көрсетiп, өтiнiш жасайды.
Аталған өтiнiштi жергiлiктi әкiм осы мәселе бойынша ұсыныс әзiрлеу үшiн Қазақстан Республикасының Еңбек министрлiгi жанындағы Халықтың көшi-қон жөнiндегi департаменттiң жергiлiктi органына жiбередi.
15. Халықтың көшi-қон жөнiндегi жергiлiктi органы жер қатынастары және жерге орналастыру жөнiндегi жергiлiктi органмен бiрлесе отырып, берiлген өтiнiштi қарайды және жер заңдарына сәйкес жер учаскесiн беру туралы жергiлiктi әкiмге ұсыныс енгiзедi.
16. Жергiлiктi әкiм өз құзыры шегiнде және аталған органдар енгiзген ұсыныстарға байланысты көшi-қон жер қорынан жер учаскесiн алып, оны тиiстi әкiмшiлiктiң аумағына қоныстанатын адамға бередi.
Жер учаскесiн өмiр бойы мұрагер ретiнде иелену құқын, пайдалану құқын немесе жалға алу жөнiндегi шарттың мемлекеттiк актiсiн ресiмдеудi Қазақстан Республикасының Жер қатынастары және жерге орналастыру жөнiндегi мемлекеттiк комитетi белгiленген тәртiппен жүзеге асырады.
