Кәсiпорындар мен ұйымдарға негiзгi қорларды жаңартуға арналған ақшалай қаражат ресурстарын құраудың экономикалық негiзделген шарттарын жасау және оларды жекешелендiру процесiнде мүлiктi бағалау үшiн қажеттi бастапқы база құру мақсатында Қазақстан Республикасының Министрлер Кабинетi қаулы етедi:
1. Қазақстан Республикасындағы бiрлестiктер, кәсiпорындар, ұйымдар мен мекемелер меншiк нысандарына, қызметi мен режимдiлiк түрiне қарамастан, 1994 жылғы 1 қазанға дейiн негiзгi қорларды /құрал-жабдықтарды/ индекстеу iсiн жүргiзедi, ал 1995 жылдан бастап негiзгi қорлар /құрал-жабдықтар/ құнының Қазақстан Республикасының Статистика және талдау жөнiндегi мемлекеттiк комитетi белгiлейтiн коэффициенттерi ескерiлiп, бұл iстi 1 қаңтардағы және 1 шiлдедегi жағдай бойынша жылына екi рет, ал 1 қаңтардағы жағдай бойынша 1996 жылғы 1 қаңтардан бастап жылына бiр рет жүргiзедi деп белгiленсiн.<*>
ЕСКЕРТУ. 1-тармаққа өзгерiс енгiзiлдi - ҚРҮ-нiң 1996.07.11.
N 889 қаулысымен.
2. Кәсiпорындардың, ұйымдар мен мекемелердiң негiзгi қорларын /құрал-жабдықтарды/ индекстеу тәртiбi туралы қоса берiлiп отырған Ереже бекітілсiн.
3. Қазақстан Республикасының Статистика және талдау жөнiндегi мемлекеттiк комитетi Қазақстан Республикасының Экономика министрлiгiмен және Қаржы министрлiгiмен бiрлесiп, негiзгi қорларды /құрал-жабдықтарды/ индекстеу бойынша мемлекеттiк статистикалық есеп берудi әзiрлесiн және оны 1995 жылғы 1 қаңтардан бастап енгiзсiн.
4. Қазақстан Республикасының Қаржы министрлiгi негiзгi қорларды /құрал-жабдықтарды/ индекстеу нәтижелерiн бухгалтерлiк есеп-қисап пен есеп беруде көрсету тәртiбiн белгiлесiн.
5. Қазақстан Республикасының ұйымдарына қызметi мен режимдiлiгiнiң түрiне қарамастан, 1995 жылдың 1 шiлдесiнен бастап негiзгi қорлардың (құрал-жабдықтардың) тиiстi түрлерiне индекстеу жүргiзу сәтiнде жинақталған олардың баланстық құнын нарықтық бағаға икемдеп, негiзгi қорларды (құрал-жабдықтарды) тiкелей қайта есептеу жолымен жүзеге асыруға құқық берiлсiн. <*>
Ескерту. Қаулы 5-тармақпен толықтырылды - ҚРМК-нiң
1995.07.13. N 958 қаулысымен.
Қазақстан Республикасының
Премьер-министрi
Қазақстан Республикасы Министрлер Кабинетiнiң
1994 жылғы 21 қазандағы
N 1178 қаулысымен
Бекiтiлген
Кәсiпорындардың, ұйымдар мен мекемелердiң
негiзгi қорларын /құрал жабдықтарын/ индекстеу
тәртiбi туралы
ЕРЕЖЕ
1. Бұл Ереже бiрлестiктердiң, кәсiпорындардың, ұйымдар мен мекемелердiң негiзгi қорларды жаңартуға арналған, сол сияқты олардың құнын қолданылып жүрген бағаларға сәйкестендiру үшiн ақша қаражаты ресурстарын қалыптастырудың экономикалық негiзделген жағдайларын қамтамасыз ету мақсатында жүргiзiлетiн негiзгi қорларды /құрал жабдықтарды/ индекстеудiң бiрыңғай тәртiбiн белгiлейдi.
2. Қолданыстағы, сол сияқты консервация, резервте, запаста тұрған немесе құрылысы аяқталмаған үйлердiң /оның iшiнде тұрғын үй қоры иелiгiндегi/, құрылыстардың, берушi құрылғылардың, машиналардың, жабдықтардың, көлiк құралдары мен негiзгi құралдардың басқа да түрлерiнiң құны, сондай-ақ жалға, уақытша пайдалануға немесе кепiлдiкке берiлген объектiлер, техникалық жай-күйiне /тозу деңгейiне/ қарамастан индекстеуге жатады.<*>
ЕСКЕРТУ. 2-тармаққа өзгерiс енгiзiлдi - ҚРҮ-нiң 1996.07.11.
N 889 қаулысымен.
3. Негiзгi қорларды /құрал жабдықтарды/ индекстеу /қосымшаға сәйкес/ үшiн олардың 1994 жылғы 1 қазандағы жағдайына қарай түгендеудiң нәтижелерi бойынша белгiленген толық баланстық құны және өнеркәсiп өнiмдерiн өндiрушi кәсiпорындардың көтерме бағаларын орташа салалық индекстеу бойынша белгiленген негiзгi қорлар /құрал-жабдықтар/ құнын көбейту коэффициентi /қайта есептеу
коэффициенттерi/ бастапқы деректер болып табылады.
4. 1995 жылғы 1 қаңтардан бастап негiзгi қорлар /құрал-жабдықтардың/ құнын қайта есептеу коэффициентiн Қазақстан Республикасының Статистика және талдау жөнiндегi мемлекеттiк комитетi белгiлейдi және ол аумақтық статистика органдары арқылы кәсiпорындарға, ұйымдар мен мекемелерге жеткiзiледi.
5. Егер құрылысқа және үйлердi, ғимараттар мен берушi құрылғыларды сатып алуға, сондай-ақ аяқталмаған құрылысқа шығындар әр түрлi уақыт кезеңдерiнде жұмсалса, аталған қорларды индекстеу олар салынған немесе сатып алынған кезеңдер және осы кезеңдерге сәйкес келетiн коэффициенттер бойынша жеке-жеке жүргiзiледi.
6. Негiзгi қорлар /құрал-жабдықтар/ мен амортизациялау /тозу/ жарналарын бухгалтерлiк есеп-қисапта, есеп беруде және мемлекеттiк статистикалық есеп беруде көрсету тәртiбiн, тиiсiнше, Қазақстан Республикасының Қаржы министрлiгi мен Қазақстан Республикасының Статистика және талдау жөнiндегi мемлекеттiк комитетi белгiлейдi.
7. 1995 жылғы 1 шiлдедегi жағдай бойынша негiзгi қорлардың (құрал-жабдықтардың) объектiлерiне нарықтық бағаны растау үшiн мынадай тәсiлдер пайдаланылуы мүмкiн:
негiзгi қорлардың (құрал-жабдықтардың) нарықтық құны туралы консультациялық немесе өзге де мамандандырылған ұйымдар растаған сараптық қорытындылары;
дайындаушы кәсiпорындардан осындай өнiмдердiң бағасы туралы мәлiметтердi жазбаша нысанда алу;
тауарлардың бағасы туралы сатушы немесе өзге ұйымдардың анықтамасы;
арнаулы басылымдарда жарияланған баға туралы мәлiметтер.<*>
Ескерту. Қаулы 7-тармақпен толықтырылды - ҚРМК-нiң 1995.07.13.
N 958 қаулысымен.
Кәсiпорындардың, ұйымдар мен
мекемелердiң негiзгi қорларын
/құрал-жабдықтарын/ индекстеу
тәртiбi туралы ережеге
ҚОСЫМША
1994 жылғы 1 қазандағы жағдай бойынша негiзгi
қорларды қайта бағалау кезiнде баланстық құнды қалпына
келтiру құнына қайта есептеудiң коэффициенттерi
/есе/
--------------------------------------------------------------------
| Сатып алынған /енгiзiлген/кезең
-----------------------------------
Негiзгi қорлар тобы | 1993 жылы | 1994 жылы
1993 ж.|Iжарты|IIжарты|Iжарты|IIжарты
дейiн |жылдық|жылдық |жылдық|жылдық
--------------------------------------------------------------------
________________1________________|___2___|__3__|___4___|___5__|____6
Үйлер 81 57 12 4 1
Құрылыстар 81 57 12 4 1
Беру қондырғылары 98 48 16 6 1
Түстi металлургияға арналған
машиналар мен жабдықтар, химия
өнеркәсiбi мен минералды
тыңайтқыштар өнеркәсiбiне арналған
жабдықтар, химия өнеркәсiбiнiң
жылу алмастырғыш жабдықтары мен
пештерi және саланың басқа да
арнайы жабдықтары, тракторлардың
барлық түрлерi 87 39 12 5 1
Мұнай-газ өндiру мен бұрғылауға
арналған машиналар мен жабдықтар
Турбиналық жабдықтар, металл
кесетiн жабдықтар. Жеңiл
өнеркәсiптiң технологиялық
жабдықтары 66 25 9 4 1
орман, ағаш ұқсату, целлюлоза-.
қағаз өнеркәсiбi мен
тоқыма-галантерея өнеркәсiбiнiң
жабдықтары 88 43 11 5 1
Құю машиналары 98 55 17 7 1
Полиграфия өнеркәсiбiнiң
технологиялық жабдықтары.
Автоматты станок желiлерi 83 31 10 5 1
Қара металлургияның
машиналары мен жабдықтары 98 55 17 7 1
Күштi және жұмыс машиналары мен
жабдықтардың жоғарыда
аталғандардан басқа түрлерi 88 43 11 5 1
Өлшеу және реттеу приборлары
мен құрылғылары, лабораториялық
жабдықтар 105 48 12 5 1
Есептеу техникасы 92 46 16 6 1
Темiр жолдың жылжымалы құрамы 81 39 12 5 1
Көлiк құралдарының басқа түрлерi 93 54 14 6 1
Құрал-сайман, өндiрiстiк және
шаруашылық мүкәммал мен
керек-жабдықтар 102 39 10 4 1
Жұмыс малы және өнiм берген мал 60 26 13 4 1
Көпжылдық отырғызылатын ағаштар
және негiзгi құралдардың басқа
түрлерi 60 26 13 4 1
Қоймада жатқан жабдықтар 88 43 11 5 1
Аяқталмаған құрылыс 81 57 12 4 1
