1. Облыстардың, қалалардың, аудандардың бюджеттерiн түзу мен атқару жөнiндегi жұмыстың жай-күйiне шаруашылық жүргiзушi субъектiлердiң, қаржы мекемелерiнiң қаржы-шаруашылық қызметiн тексерулер мен тексерiстердi қамти отырып, үш жылда кемiнде бiр рет кешендi тексеру жүргiзген орынды деп саналсын.
2. Бюджеттердi түзу мен атқару жөнiндегi жұмыстың жай-күйiне кешендi тексерiстердi:
облыстардың, республикалық бағыныстағы қалалардың бюджеттерi бойынша Қазақстан Республикасының Мемлекеттiк қаржы бақылау комитетi Экономика министрлiгiнiң, Қаржы министрлiгiнiң, басқа да республикалық органдардың қатысуымен жүргiзедi;
аудандардың, облыстық бағыныстағы қалалардың бюджеттерi бойынша - Қазақстан Республикасының Мемлекеттiк қаржы бақылау комитетiнiң облыстар бойынша басқармалары тиiстi қаржы және экономикалық органдардың қатысуымен жүргiзедi деп белгiленсiн.
3. Кешендi тексерiстердi ұйымдастыру мен жүргiзудiң мынадай негiзгi ұсыныстары анықталсын:
Қазақстан Республикасының Мемлекеттiк қаржы бақылау комитетi аталған кешендi тексерiстердi ұйымдастыру, жүргiзу және методологиялық қамтамасыз ету үшiн бас атқарушы, жауапты болып табылады. Аталған комитет, оның аумақтық органдары қызметкерлер құрамын - кешендi тексерiстер жүргiзуге жiберiлген тексеру бригадаларының мүшелерiн өз бұйрықтарымен бекiтедi. Тексеру бригадасының жетекшiсi Қазақстан Республикасының Мемлекеттiк қаржы бақылау комитетi мен оның аумақтық органдарының басшы қызметкерлерi iшiнен тағайындалады;
аудан, қала, облыс бюджеттерiн түзу мен атқару жөнiндегi жұмыстың жай-күйiне жүргiзiлген кешендi тексерiстер қорытындылары аудандық, қалалық, облыстық әкiмшiлiктер алқасының мәжiлiстерiнде талқыланып, тиiстi шешiмдер қабылданады. Кешендi тексерiстер қорытындылары туралы депутаттардың тиiстi Мәслихат - жиналыстарына хабарланады.
Облыстарда, республикалық бағыныстағы қалаларда Қазақстан Республикасының Мемлекеттiк қаржы бақылау комитетi жүргiзген кешендi тексерiстер нәтижелерi туралы Қазақстан Республикасының Министрлер Кабинетiне ауық-ауық баяндалып отырады. Қазақстан Республикасының Мемлекеттiк қаржы бақылау комитетiнiң облыстар бойынша басқармалары жүргiзген аудандардың, облыстық бағыныстағы қалалардың бюджетiн тексерулер қорытындылары жөнiндегi осындай ұқсас баяндаулар ауық-ауық облыстар әкiмдерiне және депутаттардың облыстық Мәслихат - жиналыстарына берiлiп отырады.
4. Қазақстан Республикасының Мемлекеттiк қаржы бақылау комитетi Қазақстан Республикасының Әдiлет министрлiгiмен бiрлесiп, жергiлiктi бюджеттердi түзу мен атқару жөнiндегi жұмыстың жай-күйiне кешендi тексерiстер жүргiзудiң осы тәртiбiн бекiтуге байланысты қолданылып жүрген заңдарға өзгертулер мен толықтырулар енгiзу жөнiнде ұсыныстар беретiн болсын.
Қазақстан Республикасының
Премьер-министрi
