"Қазақстан Республикасы Мемлекеттiк мүлiк жөнiндегi мемлекеттiк комитетiн қайта құру туралы" Қазақстан Республикасы Президентiнiң 1995 жылғы 18 наурыздағы N 2137
U952137_
Жарлығын орындау үшiн, меншiк қатынастарын өзгерту процестерiн жетiлдiру және мемлекеттiк меншiктi тиiмдi басқаруды қамтамасыз ету мақсатында Қазақстан Республикасының Үкiметi қаулы етедi:
1. Қазақстан Республикасының Мемлекеттiк мүлiктi басқару жөнiндегi мемлекеттiк комитетi (бұдан әрi Мемлекеттiк мүлiктi басқару жөнiндегi комитет) Қазақстан Республикасының меншiгi жөнiнде мемлекет мүдделерiн бiлдiруге және Қазақстан Республикасының мемлекеттiк меншiгiн иелену, пайдалану және басқару құқығын жүзеге асыруға уәкiлдiк берiлген орталық мемлекеттiк басқару органы болып табылады деп белгiленсiн.
Мемлекеттiк мүлiктi басқару жөнiндегi комитет пен оның аумақтық органдары мемлекеттiк меншiктi басқарады және Қазақстан Республикасының меншiгi жөнiнде мемлекеттiң мүддесiн бiлдiредi.
Мемлекеттiк мүлiктi басқару жөнiндегi комитетке Қазақстан Республикасының Үкiметi тiкелей басшылық жасайды.
Мемлекеттiк мүлiктi басқару жөнiндегi комитеттiң құзырына жатқызылған мәселелер жөнiндегi шешiмдерi барлық деңгейдегi басқару органдарының, сондай-ақ шаруашылық жүргiзушi субъектiлердiң орындауы үшiн мiндеттi.
2. Мемлекеттiк мүлiктi басқару жөнiндегi комитет туралы қоса берiлiп отырған Ереже бекiтiлсiн.
3. Мемлекеттiк мүлiк жөнiндегi қазiргi аумақтық комитеттер негiзiнде бөлу барысына сәйкес мемлекеттiк мүлiктi басқару жөнiндегi аумақтық комитеттер құрылсын.
Мемлекеттiк мүлiктi басқару жөнiндегi аумақтық комитеттер Мемлекеттiк мүлiктi басқару жөнiндегi комитеттiң бiрыңғай жүйесiне кiредi деп белгiленсiн.
Мемлекеттiк мүлiктi басқару жөнiндегi облыстардың, сондай-ақ Алматы және Ленинск қалаларының мемлекеттiк мүлiктi басқару жөнiндегi аумақтық комитеттерi қызметкерлерiнiң жалпы штаттық саны 500 адам болып белгiленсiн (үй-жайды күзететiн және қызмет көрсететiн адамдарсыз).
4.<*>
5.<*>
6.<*>
7.<*>
Ескерту. 4,5,6,7-тармақтарының күшi жойылған - ҚРМК-нiң
1995.12.19. N 1804 қаулысымен.
P951804_
8. Мемлекеттiк мүлiктi басқару жөнiндегi комитеттiң орталық аппараты мен оның аумақтық комитеттерiн ұстауға жұмсалатын шығындарды қаржыландыру республикалық бюджетте мемлекеттiк басқару органдарын ұстауға көзделген қаражат есебiнен жүзеге асырылады.
9. Қазақстан Республикасының Қаржы министрлiгi Мемлекеттiк мүлiктi басқару жөнiндегi комитет пен оның аумақтық комитеттерiне бөлiнетiн бюджет қаражаты көлемi олардың материалдық-техникалық базасын дамыту мен нығайтуды ескере отырып белгiленсiн.
10. Мемлекеттiк мүлiктi пайдаланудан (мүлiктiк жалдан, басқару контрактiлерiнен және т.б.) қаражаттың және акциялардың мемлекеттiк пакеттерiне дивидендтердiң келiп түсуiн бақылауды тәртiпке келтiру мақсатында Қазақстан Реcпубликасының Ұлттық Банкiне Мемлекеттiк мүлiктi басқару жөнiндегi комитетке аталған қаражаттың келiп түсуi үшiн арнаулы шот ашу ұсынылсын.
Қаржы министрлiгi Мемлекеттiк мүлiктi басқару жөнiндегi комитетпен бiрге аталған қаражатты аудару мен пайдалану тәртiбi туралы ереже әзiрленсiн.
11. Мемлекеттiк мүлiктi басқару жөнiндегi комитет қайта ұйымдастырылған Қазақстан Республикасының Мемлекеттiк мүлiк жөнiндегi мемлекеттiк комитетiнiң мүлiктiк және өзге құқықтарының бөлу баласына сәйкес құқылық мұрагерi болып табылады деп белгiленсiн.
12. Ақпараттық есептеу орталығы Мемлекеттiк мүлiктi басқару жөнiндегi комитеттiң қарамағында деп белгiленсiн.
13.<*>
Ескерту. 13-тармақтың күшi жойылған - ҚРҮ-нiң 1996.01.
N 68 қаулысымен.
P960068_
14. Қазақстан Республикасы Экономика министрлiгiнiң жанындағы Кәсiпорындарды қайта ұйымдастыру жөнiндегi агенттiк штаттағы 40 адамымен, оның iшiнде бiр орынбасары, екi қызметтiк жеңiл автомобиль лимитiмен Қазақстан Республикасының Мемлекеттiк мүлiктi басқару жөнiндегi мемлекеттiк комитетiнiң қарауына берiледi деп белгiленсiн.<*>
Ескерту. Жаңа 14-тармақпен толықтырылды - ҚРМК-нiң 1995.12.07.
N 1677 қаулысымен. 14 тармақ 15 болып саналсын.
P951677_
15. "Қазақстан Республикасының Мемлекеттiк мүлiк жөнiндегi мемлекеттiк комитетi туралы ереженi бекiту туралы" Қазақстан Республикасы Министрлер Кабинетiнiң 1993 жылғы 18 маусымдағы N 513 қаулысының (Қазақстан Республикасының ПҮАЖ-ы, 1993 ж., N 24, 294-бап) күшi жойылған деп танылсын.
Қазақстан Республикасының
Премьер-министрi
Қазақстан Республикасы Министрлер Кабинетiнiң
1995 жылғы 19 мамырдағы
N 716 қаулысымен
Бекiтiлген
Қазақстан Республикасының Мемлекеттiк мүлiктi
басқару жөнiндегi мемлекеттiк комитетi туралы
Ереже<*>
Ескерту. Ереженiң мәтiнiне өзгерiс енгiзiлдi - ҚРМК-нiң
1995.12.07. N 1677 қаулысымен.
I. Негiзгi ережелер
1. Қазақстан Республикасының Мемлекеттiк мүлiктi басқару жөнiндегi мемлекеттiк комитетi (бұдан әрi - Комитет) Қазақстан Республикасының меншiгi жөнiнде мемлекет мүдделерiн бiлдiруге және Қазақстан Республикасының мемлекеттiк меншiгiн иелену, пайдалану және басқару құқығын жүзеге асыруға уәкiлдiк берiлген орталық мемлекеттiк басқару органы болып табылады.
2. Комитет өз қызметiнде Қазақстан Республикасының Конституциясын, Қазақстан Республикасының заңдарын, Қазақстан Республикасы Президентiнiң жарлықтарын, қаулыларын және өкiмдерiн, Қазақстан Республикасы Жоғарғы Кеңесiнiң және Қазақстан Республикасы Министрлер Кабинетiнiң қаулыларын, сондай-ақ осы Ереженi басшылыққа алады.
II. Комитеттiң негiзгi функциялары мен мiндеттерi
3. Комитеттiң негiзгi мiндеттерi:
меншiктi басқару мен меншiк қатынастарын қайта құру мәселелерi бойынша тиiстi артықшылықтарды, процедураларды және механизмдердi қамтитын мемлекеттiк саясат әзiрлеу мен оны жүзеге асыру iсiне қатысу;
мемлекеттiк меншiктiң пайдаланылуын бақылау, осы салада заңдылықты сақтау;
мемлекеттiк пайларды, акционерлiк қоғамдар мен компаниялар акцияларының пакеттерiн басқаруды қамтамасыз ету, олардың басқару органдарында мемлекет мүддесiн бiлдiру;
мемлекеттiк кәсiпорындарды басқару iсiнде министрлiктер мен ведомстволардың қызметiн үйлестiру;
өз құзырындағы мәселелерде республиканың мүддесiн халықаралық деңгейде бiлдiру;
шет елдердегi меншiк мәселелерiнде мемлекет мүддесiн сақтау, мемлекет қатысатын бiрлескен кәсiпорындардың қызметiн бақылау болып табылады.
4. Негiзгi мiндеттерге орай Комитет:
мемлекеттiң меншiгiндегi шаруашылық серiктестiктерiнiң, акционерлiк қоғамдардың, компаниялардың, акционерлiк банктер мен кәсiпорындардың пайлары мен акцияларының пакеттерiн басқаруды қамтамасыз етедi;
мемлекеттiк кәсiпорындар мүлкiнiң меншiк иесiнiң, сондай-ақ мемлекеттiк емес заңды тұлғалардың мүлкiндегi мемлекеттiк үлестiң құқылығын жүзеге асырады;
жарғылық қорларында мемлекеттiк меншiк үлесi бар қоғамдар мен компаниялардың басқару органдарында мемлекет мүддесiнiң бiлдiруiн қамтамасыз етедi;
мемлекеттiк мүлiкпен кепiлдiк операцияларын жүзеге асырады;
Қазақстан Республикасының Жекешелендiру жөнiндегi мемлекеттiк комитетiмен және өзге мүдделi ведомстволармен бiрге мемлекеттегi жекешелендiру шаралары мен жекешелендiруден кейiнгi шаралар стратегиясын әзiрлеуге қатысады;
жекешелендiру бағдарламаларының жүзеге асырылуын қадағалайды;
Қазақстан Республикасының мемлекеттiк меншiк объектiлерiн қайта құру, жекешелендiру туралы, сонымен бiрге жеке жобалар бойынша шешiмдер қабылдайды, сатуға арналған мүлiкке (пайларға, акцияларға) мемлекеттiк меншiк құқығын куәландыратын құжаттар бередi, сондай-ақ қабылданған шешiмдердiң орындалуын қадағалайды;
мемлекеттiк мүлiктi басқаруға, сонымен бiрге акциялардың мемлекеттiк пакеттерiн контрактiлер жасайды;
шаруашылық серiктестiктерiн, акционерлiк қоғамдар, компаниялар, бiрлескен кәсiпорындар құру туралы шешiмдер қабылдайды және мемлекет атынан олардың құрылтайшысы болады;
мемлекет атынан ұлтаралық компаниялардың құрылтайшысы болады;
мемлекеттiк мүлiктi (кәсiпорындарды, ұйымдарды, пайларды, акцияларды) басқарудың толық немесе шектеулi құқығын беру туралы шешiмдер қабылдайды және ондай құқықтардың берiлуiне шарттар жасайды, сондай-ақ олардың орындалуын қадағалайды;
мүлiктi толық немесе шектеулi басқаруға берiлген құқықтардың пайдаланылуы туралы министрлiктердiң, ведомстволардың және басқа да мемлекеттiк басқару органдарының хабарын тыңдап, тиiстi шешiмдер қабылдайды;
мемлекеттiк меншiктi басқару мен қайта құру туралы заңдық және нормативтiк актiлердiң жобаларын әзiрлейдi, өз құзыры шеңберiнде Қазақстан Республикасының мемлекеттiк меншiгiн жекешелендiру мен басқару процестерiн реттейтiн нормативтiк және басқа актілер шығарады, сондай-ақ олардың сақталуын қадағалайды;
жарғылық қорларында мемлекеттiк меншiк үлесi бар қоғамдар мен компанияларды белгiленген тәртiппен "алтын акция" енгiзу туралы шешiм қабылдайды;
жарғылық капиталында мемлекеттiң үлесi бар акционерлiк, соның iшiнде холдинг компаниялардың басшыларын тағайындау мен байқаушы кеңестерiнiң құрамы жөнiнде Қазақстан Республикасының Министрлер Кабинетiне белгiленген тәртiппен ұсыныстар енгiзедi және мемлекеттiк кәсiпорындар, ұйымдар мен мекемелер басшыларын тағайындауды келiседi;
акционерлiк қоғамдар, компаниялар және серiктестiктер акцияларының мемлекеттiк пайларына, мемлекеттiк пакеттерiн дивидендтер есептелуiн белгiленген тәртiппен бақылайды;
мемлекеттiк меншiктi қайта құру тәсiлдерiн, нысандары мен әдiстерiн белгiлейдi;
мемлекеттiк меншiктi қайта құру актiлерiн бередi;
шет елдердегi меншiк мәселелерiнде мемлекет мүддесiнiң сақталуын және мемлекет қатысатын бiрлескен кәсiпорындар қызметiн қадағалайды;
мемлекеттiк меншiк объектiлерiн мүлiктiк жалға беру туралы шешiмдер қабылдайды;
мемлекеттiң қарамағындағы мүлiктi шаруашылық жүргiзу немесе жедел басқару құқымен беру туралы мәселенi шешедi;
Қазақстан Республикасының Жер қатынастары және жерге орналастыру жөнiндегi мемлекеттiк комитетiмен бiрлесiп заңды және жеке тұлғаларға ауыл шаруашылығы мақсатына арналмаған мүлiктi, оның iшiнде салынып бiтпеген объектiнi жекешелендiру туралы шешiм қабылдаған кезде жер учаскесiн пайдалану не жалға беру құқын сату мәселесiн шешедi.
Уәкiлдi органдармен бiрлесiп, мүлкiнде мемлекеттiң үлесi бар мемлекеттiк кәсiпорындарды, сондай-ақ мемлекеттiк емес заңды тұлғаларды заңда көзделген тәртiппен және негiздер бойынша тарату мәселелерiн шешедi.
Мемлекеттiң қарамағындағы акциялар пакеттерiн ұстаушы болып табылады;
Қазақстан Республикасы Үкiметiнiң тапсыруымен мемлекеттiк меншiк объектiлерiнiң сенiм бiлдiрген басқарушысы болып табылады.
Лизингтi пайдалану саласында бiртұтас мемлекеттiк саясат жүргiзудi қамтамасыз етедi;
Кәсiпорындарды қайта ұйымдастыру жөнiндегi агенттiкке тiкелей басшылық етудi жүзеге асырады.<*>
Ескерту. 4-тармақ жаңа абзацтармен толықтырылды - ҚРМК-нiң
1995.12.07. N 1677 қаулысымен.
III. Комитеттiң өкiлеттiктерi
5. Комитет өзiне жүктелген функцияларды орындау үшiн:
өз құзыры шегiнде министрлiктер, ведомстволар, жергiлiктi басқару органдары, мемлекеттiк кәсiпорындар мен ұйымдар және басқа да шаруашылық жүргiзушi субъектiлер үшiн мiндеттi нормативтiк құжаттар мен басқа да шешiмдер қабылдауға;
мемлекеттiк меншiктi басқару мәселелерi бойынша министрлiктер мен ведомстволардың жұмысына әдiстемелiк басшылық жасап, оны үйлестiруге, меншiктiң сақталуы мен пайдаланылуына бақылау жасауға;
меншiк қатынастарын қайта құру, оларды басқару процестерiне талдау жасау және тиiстi шаралар мен ұсыныстар әзiрлеу үшiн мемлекеттiк органдардан, жергiлiктi әкiмдерден, жарғылық капиталында мемлекеттiк қатысу үлесi бар шаруашылық жүргiзушi субъектiлерден мемлекеттiк мүлiктi, акцияларды пайдалану мәселелерi бойынша қажеттi құжаттары мен басқа да құжаттарды өтеусiз негiзде сұрауға және алуға;
Министрлер Кабинетiнiң Комитет құзырына жататын мәселелер бойынша шешiмдерiнiң орындалуын қадағалау мен тексеруге;
қазақстандық және шетелдiк заңды және жеке тұлғаларды консалтингтiк фирмалар ретiнде жұмысқа тартуға;
Комитет қызметiнiң саласына жататын проблемалар бойынша ғылыми зерттеулердi жүзеге асыруға және үйлестiруге құқылы.
6. Комитеттiң мемлекеттiк меншiктi басқару жөнiнде өз құзыры шеңберiнде қабылданған шешiмдерi барлық деңгейлердегi мемлекеттiк басқару органдары үшiн мiндеттi болып табылады.
IV. Комитет қызметiн ұйымдастырудың
негiзгi мәселелерi
7. Комитеттi төраға басқарады, оның үш орынбасары, оның iшiнде бiр бiрiншi орынбасары болады.
Комитет төрағасының орынбасарларын төрағаның ұсынуы бойынша Министрлер Кабинетi қызметке тағайындайды және қызметтен босатады.
8. Комитет төрағасының орынбасарлары арасында мiндеттердi төраға бөледi.
Комитет төрағасы комитетке жүктелген функциялардың орындауы үшiн тiкелей жауап бередi, төраға өз орынбасарлары мен Комитеттiң құрылымдық бөлiмшелерi басшыларының жекелеген қызмет бағыттары үшiн жауапкершiлiк дәрежесiн белгiлейдi.
9. Комитетте 11 адам құрамында алқа құрылып, оған төраға, лауазымы бойынша оның орынбасарлары, Комитеттiң басшы қызметкерлерi, Қазақстан Республикасының Жекешелендiру жөнiндегi мемлекеттiк комитетiнiң өкiлi кiредi.
10. Комитет алқасының құрамын Министрлер Кабинетi бекiтедi. Комитеттiң негiзгi құрылымдық бөлiмшесi - басқарма болып табылады.
Орталық аппараттың құрылымы мен штат кестесi заңда белгiленген тәртiппен бекiтiледi.
11. Комитет пен оның аумақтық органдары төменгi аумақтық бөлiмшелер жоғарғы бөлiмшелерге бағынатын бiртұтас жүйе құрайды.
12. Аумақтық комитеттердiң басшыларын Комитет төрағасы жергiлiктi әкiмдермен келiсе отырып тағайындайды.
13. Комитет Қазақстан Республикасының Мемлекеттiк елтаңбасы бейнеленiп, қазақ және орыс тiлдерiнде атауы жазылған мөрi бар заңды тұлға болып табылады.
14. Комитет пен оның аумақтық органдарын республикалық бюджет есебiнен ұстау көзделген.
Қазақстан Республикасы
Министрлер Кабинетiнiң 1995 жылғы 19 мамырдағы
N 716 қаулысымен
Бекiтiлген
Қазақстан Республикасының Мемлекеттiк мүлiктi
басқару жөнiндегi мемлекеттiк комитетi орталық
аппаратының
Құрылымы
Акционерлiк қоғамдармен және компаниялармен жұмыс жөнiндегi
жетекшi басқарма
Базалық салалар жетекшi басқармасы
Ауыл шаруашылығы мен ұқсатушы салалар жетекшi басқармасы
Әлеуметтiк сала мен жылжымайтын объектiлер жетекшi басқармасы
Қаржы және мемлекеттiк мүлiктi пайдаланғаны үшiн дивидендтер
мен төлем түсуiн бақылау жетекшi басқармасы
Заң және нормативтiк қамтамасыз ету жетекшi басқармасы
Тiзiлiм, талдау және болжамдау жетекшi басқармасы
Iс басқармасы
<*>
Ескерту. Құрылымында сөздер алынып тасталды - ҚРМК-нiң
1995.07.11. N 948 қаулысымен.
