Қыс қарсаңында көзделген шаралардың уақтылы орындалуы себептi пайдалану деңгейiнiң күрт төмендеп кетуi салдарынан әсiресе Екiбастұздағы 1-ГРЭС-тегi белгiленген энергия қуаттарын едәуiр кем пайдалану орын алды, сөйтiп республиканың қажетi одан тысқары жерлердегi қымбат тұратын электр энергиясын алу есебiнен өтелдi.
Электр энергетика объектiлерiн 1995/96 жылдың алдағы күзгi-қысқы кезеңiнде тұрақты жұмыс iстеуге уақытылы әрi сапалы дайындау мақсатында Қазақстан Республикасының Министрлер Кабинетi қаулы етедi:
1. Қазақстан Республикасы Энергетика және көмiр өнеркәсiбi министрлiгiнiң 1995/96 жылдың күзгi-қысқы жағдайында энергия кездерiн әрi желiлерiн жұмысқа даярлау жөнiндегi шараларды әзiрлегенi және жүзеге асырып жатқаны еске алынсын.
1995/96 жылдың жүктемесi мейлiнше жоғары болатын күзгi-қысқы кезеңде блокты электр стансаларына арналған жүктеме көлемi, осы электр стансаларының энергия блоктарын жөндеу мен кернеуi 500 кВ және 1150 кВ негiзгi электр желiлерiн күрделi жөндеу жөнiндегi тапсырмалар 1,2,3 қосымшаларға сәйкес бекiтiлсiн.
2. Министрлiктер, ведомстволар, облыстардың Алматы қаласының әкiмдерi энергиямен жабдықтауды тұрақты әрi үздiксiз жүргiзу, электрмен жылу энергиясын тиiмдi пайдалану және оларды 1995/96 жылдың күзгi-қысқы жағдайындағы жұмысқа уақытылы даярлау мақсатында:
олардың даярлық паспорттарын бере отырып, үстiмiздегi жылғы 15 қарашаға дейiн өнеркәсiптiк және өндiрiстiк емес объектiлердi қысқы жағдайдағы жұмысқа дайындау жөнiндегi ұйымдық-техникалық шараларды әзiрлеп, бекiтсiн;
қыс қарсаңындағы жұмыстарды уақтылы қаржыландыру, материалдық-техникалық қамтамасыз ету және белгiленген мерзiмде сапалы орындау жөнiндегi жұмыстарды ұйымдастырсын;
1995/96 жылғы күзгi-қысқы кезеңде өнеркәсiп орындарының энергияны көп жұмсайтын жабдықтарын жоспарлы жөндеуден өткiзудi энергиямен жабдықтаушы ұйымдармен келiсе отырып қарастырсын;
тұтынушылардың электр және жылу энергиясын пайдаланғаны үшiн энергиямен жабдықтау ұйымдарына берешектi өтеуiне шаралар қолдансын әрi оны бақылауға алсын.
3. Қазақстан Республикасы Энергетика және көмiр өнеркәсiбi министрлiгiнiң жанынан Қазақстан Республикасының Энергетика және көмiр өнеркәсiбi министрi В.В.Храпунов басқаратын 1995/96 жылдың қыс кезiнде электр қуаты мен энергияны тұтынуды жедел басқару жөнiнде республикалық штаб құрылсын.
Республикалық штабтың шешiмiн ведомстволық бағыныстылығы мен меншiк нысанына қарамастан барлық тұтынушылар орындауға мiндеттi.
4. Қазақстан Республикасының Энергетика және көмiр өнеркәсiбi министрлiгi:
жылыту маусымы басталғанға дейiн энергия кездерiнде отынның нормативтi қорларын жасау және бекiтiлген диспетчерлiк жүктеме кестелерiнiң орындалуы үшiн қажеттi көлемде отын берiп тұру жөнiндегi жұмысты ұйымдастырсын;
энергетика қуаттарының, электр тарату желiлерiнiң жоспарланған көлемiнiң пайдалануға берiлуiн қамтамасыз етсiн;
электр стансаларының жұмыс қуаты арттырылуын, жөндеу жұмыстарының уақтылы әрi сапалы орындалуын ынталандыру мақсатында кәсiпорындардың қарауында қалған пайда есебiнен энергия бiрлестiктерiнiң, энергетика жабдықтарын жөндеу және реттеу жөнiндегi кәсiпорындардың, энергия компанияларының, Қазақстанның энергия жүйелерiн бiрiккен диспетчерлiк басқарудың, Қазэнерготехинспекцияның өнеркәсiптiк-өндiрiстiк қызметкерлерiне 1995 жылдың IV тоқсанында және 1996 жылдың 1 тоқсанында жұмыс қуаты жөнiндегi тапсырмаларды орындағаны үшiн қосымша сыйлық берудi енгiзсiн.
5. Қазақстан Республикасының Энергетика және көмiр өнеркәсiбi министрлiгi Қазақстан Республикасының Экономика министрлiгiмен әрi Өнеркәсiп және сауда министрлiгiмен бiрлесiп энергиямен жабдықтайтын ұйымдар мен энергияны тұтынушылар мүддесiнiң балансы негiзiнде осы жылдың III тоқсанынан бастап пайдаланылған энергия үшiн берешекке сәйкес электр мен жылу шектеудiң тәртiбi туралы нұсқауды әзiрлеп, күшiне енгiзетiн болсын.
6. Облыстардың және Алматы қаласының әкiмдерi:
Энергия жүйелерiне 1995/96 жылдың күзгi-қысқы кезеңiндегi жұмысқа әзiрлену үшiн энергия көздерiнiң, желiлердiң, үйлердiң, коммуникациялар мен ғимараттардың жабдықтарын жөндеуден өткiзуге, олардың жабдықтар мен механизмдердiң қосалқы бөлшектерiн дайындау жөнiндегi аймақтың өнеркәсiптiк кәсiпорындарымен шарттар жасасуына барынша көмек көрсетсiн;
Қазақстан Республикасы Энергетика және көмiр өнеркәсiбi министрлiгi кәсiпорындарының жөндеу мен қысқа дайындық жұмыстарындағы қызметкерлерi мен автокөлiктерiн ауыл шаруашылық және басқа науқандық жұмыстарға тартпайтын болсын;
жылыту маусымы басталғанға дейiн коммуналдық, жылыту қазандықтары мен халық үшiн отынның нормативтiк мөлшерiн дайындауды қамтамасыз етсiн.
7. Қазақстан Республикасының Өнеркәсiп және сауда министрлiгi энергетикалық кәсiпорындардың тапсырысы бойынша ведомстволық бағыныстағы зауыттарда энергетикалық жабдықтар үшiн қосалқы бөлшектер шығаруды ұйымдастырсын.
8. Қазақстан Республикасының Министрлер Кабинетi жанындағы Су ресурстары жөнiндегi комитет Қазақстан Республикасының Энергетика және көмiр өнеркәсiбi министрлiгiмен және басқа мүдделi министрлiктермен әрi ведомстволармен бiрлесiп, 1995/96 жылғы күзгi-қысқы кезеңде Қапшағай ГЭС-i мен Ертiс ГЭС-i каскадында экологиялық қауiпсiздiк шартын сақтай отырып оңтайлы энергетикалық режим жұмысын қамтамасыз етсiн.
1995/96 жылдың күзгi-қысқы кезеңiне қарай Үлкен Алматы көлiнде су ресурстарының 2507 метрлiк қалыпты деңгейдегi белгiге дейiн жинақталуын қамтамасыз етсiн.
9. Қазақстан Республикасының Энергетика және көмiр өнеркәсiбi министрлiгi Қазақстан Республикасының Экология және биоресурстар министрлiгiмен және облыстардың әкiмдерiмен келiсе отырып, энергия көздерiн жобалық сападағы отынмен қамтамасыз етудiң мүмкiндiгi болмаған жағдайда қолданылып жүрген заңдарға сәйкес айналадағы ортаның ластану деңгейi жоғары аймақтарына келтiрiлген залалды өтеу және атмосфераға зиянды заттарды шығарудың шектi жобаларына тиiстi өзгерiстер енгiзу жөнiндегi өтемақы шараларын қарастыратын болсын.
Қазақстан Республикасының Экология және биоресурстар министрлiгi зиянды заттар шығарудың шектi жобаларына жедел экологиялық сараптама жасалуын және табиғатты пайдалануға дер кезiнде рұқсат берiлуiн қамтамасыз етсiн.
10. Алматы, Шығыс Қазақстан, Қызылорда, Павлодар, Семей, Шымкент облыстарының әкiмдерi 1995 жылғы 1 қазанға дейiн Ертiс, Iле, Сырдария өзендерiнiң суы жайылуы ықтимал аймақтарынан жемшөп қорының әкетiлуiне қамтамасыз етсiн.
11. Қазақстан Республикасының Энергетика және көмiр
өнеркәсiбi министрлiгi үстiмiздегi жылғы 1 тамыздан бастап
ай сайын осы қаулыда белгiленген тапсырмалардың орындалу барысы
туралы Қазақстан Республикасының Министрлер Кабинетiне және
Экономика министрлiгiне ақпарат табыс етiп тұратын болсын.
Қазақстан Республикасы
Премьер-министрiнiң
бiрiншi орынбасары
Қазақстан Республикасы
Министрлер Кабинетiнiң
1995 жылғы 6 маусымдағы
N 783 қаулысына
1 қосымша
Блокты электр стансалары (ГРЭС) үшiн жұмыс
қуатының көлемi жөнiнде 1995/96 жылдың күзгi-қысқы
кезеңiне арналған
Тапсырма
-------------------------------------------------------------------
ГРЭС атауы | 1995 жыл 1996 жыл
|--------------------------------------------
|қазан|қараша|желтоқсан|қаңтар|ақпан |наурыз
---------------------------------------------------------------------
Екiбастұз N 1 2000 2100 2100 2100 2000 2000
Екiбастұз N 2 700 800 800 800 800 800
Ермак 1700 1700 1850 1700 1700 1600
Жамбыл 900 940 990 990 990 950
Қазақстан Республикасы
Министрлер Кабинетiнiң
1995 жылғы 6 маусымдағы
N 783 қаулысына
2 қосымша
1995 жылы электр стансаларының энергия
блоктарын жөндеу жөнiндегi
Тапсырма
--------------------------------------------------------------------
Электр стансасы | Блок қуаты| Блок | Жөндеу мерзiмi
| МВт |нөмiрi|
---------------------------------------------------------------------
Екiбастұздағы 500 1 15 маусымнан 1 қыркүйекке дейiн
1-ГРЭС 500 2 26 наурыздан 20 шiлдеге дейiн
500 8 15 мамырдан 2 шiлдеге дейiн
Екiбастұздағы
2-ГРЭС 500 1 15 мамырдан 15 маусымға дейiн
Ермак ГРЭС-i 300 4 12 қыркүйектен 1996 жылғы
30 қаңтарға дейiн
300 5 1 наурыздан 29 наурызға дейiн
300 7 3 сәуiрден 7 қыркүйекке дейiн
Жамбыл ГРЭС-i 200 3 28 тамыздан 6 желтоқсанға дейiн
210 4 26 маусымнан 30 шiлдеге дейiн
210 5 24 сәуiрден 31 мамырға дейiн
Қазақстан Республикасы
Министрлер Кабинетiнiң
1995 жылғы 6 маусымдағы
N 783 қаулысына
3 қосымша
1995 жылы кернеуi 500 кВ және 1150 кВ негiзгi
электр желiлерiн күрделi жөндеуге арналған
Тапсырма
-------------------------------------------------------------------
Кернеу сыныбы, электр | Жөндеу | Жөндеу мерзiмi
тарату желiсiнiң атауы | көлемi(км)|
-------------------------------------------------------------------
1150 кВ
Екiбастұз - Көкшетау 297 мамыр, маусым
Көкшетау - Қостанай 100 маусым, тамыз
Қостанай - Челябi 9 шiлде
Екiбастұз - Барнаул 120 шiлде
500 кВ
Ағадыр - Жезқазған 40 маусым, шiлде
Екiбастұз - Нұра 35 шiлде
Нұра - Ағадыр 20 тамыз
Екiбастұз - Ақмола 35 мамыр
Ақмола - Есiл 37 мамыр, қазан
Ағадыр - ОҚ ГРЭС 50 тамыз
Алматы - Бiшкек 75 шiлде, тамыз
