СПИД жөнiндегi эпидемиологиялық жағдайдың асқынуына байланысты және республикада ВИЧ-инфекциясының одан әрi таратылуын болғызбау мақсатында Қазақстан Республикасының Министрлер Кабинетi қаулы етедi:
1. СПИД-тiң алдын алу және онымен күрес жөнiндегi үйлестiру кеңесi құрылсын.
2. Мыналар бекiтiлсiн:
СПИД-тiң алдын алу және онымен күрес жөнiндегi үйлестiру кеңесiнiң құрамы (қоса берiлiп отыр).
Ескерту. 2-тармақтың 2 абзацы күшін жойды - ҚР Үкіметінің 1998.07.07. N 647
қаулысымен
.
3. Қазақстан Республикасының Денсаулық сақтау министрлiгi мүдделi министрлiктермен және ведомстволармен бiрлесе отырып, республикада СПИД-тiң алдын алу және онымен күрес жөнiндегi Мемлекеттiк бағдарламаны әзiрлеп, оны Қазақстан Республикасы Министрлер Кабинетiнiң қарауына ұсынсын.
4. Қазақстан Республикасының Қаржы министрлiгi:
10 миллион (он миллион) теңге сомасына диагностикалық тест-жүйелерi мен жабдықтар сатып алу үшiн қаржыландыру көздерiн iздестiрсiн;
1996 жылға арналған республика бюджетiнiң жобасын қалыптастыру кезiнде СПИД-тiң алдын алу және онымен күрес жөнiндегi Мемлекеттiк бағдарламаны жүзеге асыру үшiн қажеттi қаражатты қарастырсын.
Қазақстан Республикасының
Премьер-министрi
ЖҚТБ-ның алдын алу және оған қарсы күрес жөнiндегі үйлестiру кеңесi туралы ереже <*>
Ескерту. Ереже жаңа редакцияда - ҚР Үкіметінің 2003.05.20. N 468 қаулысымен .
1. ЖҚТБ-ның алдын алу және оған қарсы күрес жөнiндегi үйлестiру кеңесi (бұдан әрi - Кеңес) Қазақстан Республикасының аумағында АҚТҚ инфекциясы таралуының алдын алу жөнiндегi iс-шараларды жүргiзуде орталық және жергiлiктi атқарушы органдардың, халықаралық және басқа да ұйымдардың өзара іс-қимылын қамтамасыз ету мақсатында құрылған.
2. Кеңестiң құрамына мүдделi орталық атқарушы органдардың, халықаралық және басқа да ұйымдардың өкiлдерi кiредi.
2. Кеңестің негізгi мiндеттерi мен функциялары
4. Кеңестiң негiзгi мiндеттерi мыналар бойынша ұсыныстар әзiрлеу болып табылады:
1) ЖҚТБ-ның алдын алу және оған қарсы күрес мәселелерiне қатысты бөлiгiнде заңнамалық және басқа да нормативтiк құқықтық кесiмдердi жетілдiру;
2) АҚТҚ/ЖҚТБ таралуының алдын алу жөнiндегi іс-шараларды жүргiзу мақсатында орталық және жергiлiктi атқарушы органдардың жұмысын үйлестiру мен халықаралық және басқа да ұйымдардың өзара iс-қимылын қамтамасыз ету;
3) АҚТҚ/ЖҚТБ бойынша эпидемиологиялық ахуалды жақсартуға бағытталған іс-шараларды ұйымдастыру.
5. Кеңестiң негiзгi функциялары мыналар бойынша ұсыныстар әзiрлеу болып табылады:
1) орталық және жергiлiктi атқарушы органдардың АҚТҚ/ЖҚТБ мәселелерi бойынша қызметiн үйлестiрудi жетiлдiру;
2) халықаралық және басқа да ұйымдармен АҚТҚ/ЖҚТБ мәселелерi бойынша өзара iс-қимыл мен ынтымақтастықты қамтамасыз ету;
3) Қазақстан Республикасы Үкiметiнiң 2001 жылғы 14 қыркүйектегi N 1207
қаулысымен
бекiтiлген Қазақстан Республикасында ЖҚТБ-ның iндетiне қарсы iс-әрекет жөнiндегi 2001-2005 жылдарға арналған бағдарламаның (бұдан әрi - Бағдарлама) iске асырылуын қамтамасыз ету;
4) орталық және жергiлiктi атқарушы органдардың АҚТБ/ЖҚТБ-ның алдың алу жөнiндегi тиiмдi iс-шараларды қамтамасыз етуi.
6. Кеңес өз мiндеттерiн iске асыру мен функцияларын жүзеге асыру үшiн:
1) орталық және жергiлiктi атқарушы органдар мен өзге де ұйымдардан Кеңестiң мiндеттерiн iске асыруға қажеттi ақпаратты сұрауға және алуға;
2) Кеңестiң отырыстарында Кеңестiң құзыретiне енетiн мәселелер бойынша орталық және жергілiктi атқарушы органдар мен өзге де ұйымдардың өкiлдерiн тыңдауға;
3) Кеңестiң құзыретiне жататын өзге де өкiлеттiктердi жүзеге асыруға құқығы бap.
7. Кеңестi оның қызметiне басшылық ететiн, отырыстарда төрағалық ететiн, оның жұмысын жоспарлайтын және Кеңес шешiмдерiнiң iске асырылуын бақылауды жүзеге асыратын Қазақстан Республикасы Премьер-Министрiнiң орынбасары басқарады.
8. Кеңестiң хатшысы отырыстың күн тәртiбi бойынша ұсыныстар, оны өткiзу үшін қажеттi құжаттар мен материалдар дайындайды және оны өткiзгеннен кейiн хаттамаларды ресiмдейдi.
10. Шешiмдер ашық дауысқа салумен қабылданады және егер олар үшiн Кеңес мүшелерiнiң жалпы санының көпшiлiк даусы берiлген болса, қабылданды деп есептеледi. Дауыстар тең болған жағдайда, төраға дауыс берген шешiм қабылданды деп есептеледi.
СПИД-тiң алдын алу және онымен күрес жөнiндегi
үйлестiру кеңесiнiң
ҚҰРАМЫ
Тасмағамбетов И.Н. - Қазақстан Республикасы Премьер-министрiнiң
орынбасары (төрағасы)
Дерновой А.Г. - Қазақстан Республикасы Денсаулық сақтау
министрiнiң орынбасары, Бас Мемлекеттiк
санитарлық дәрiгер (төрағаның орынбасары)
Сапарбеков М.К. - СПИД-тiң алдын алу және онымен күрес
жөнiндегi Республикалық орталығы Бас
директорының орынбасары (хатшы)
Әкiмбеков Н.Қ. - Қазақстан Республикасы Iшкi iстер министрiнiң
орынбасары
Беркiмбаева Ш.К. - Қазақстан Республикасы Бiлiм министрiнiң
орынбасары
Дәненов Н.Ж. - Қазақстан Республикасы Сыртқы Iстер
министрiнiң бiрiншi орынбасары
Есмұханов Ғ.Е. - Қазақстан Республикасының Еңбек министрлiгi
жанындағы Көшi-қон департаментiнiң төрағасы
Көпiшев Ә.С. - "Қазақстанның теледидары мен радиосы"
республикалық корпорациясының президентi
Клебанов Я.А. - СПИД-тiң алдын алу және онымен күрес
жөнiндегi Республикалық орталығының Бас
директоры
Қалижанов У.Қ. - Қазақстан Республикасының Баспасөз және
бұқаралық ақпарат министрiнiң орынбасары
Құсымжанов М.Қ. - Қазақстан Республикасының Халықты әлеуметтiк
қорғау министрiнiң орынбасары
Лебеденко Л.Ю. - Қазақстан Республикасы Министрлер Кабинетi
Аппаратының Iшкi саясат бөлiмiнiң
консультанты
Ким А.Г. - Қазақстан Республикасының Жастар iсi, туризм
және спорт министрiнiң орынбасары
Панов Ю.В. - Қазақстан Республикасы Көлiк және
коммуникациялар министрiнiң орынбасары
Сүлейменов Н.И. - Алматы қаласы әкiмiнiң орынбасары
Тоқсейiтов Р.Қ. - Қазақстан Республикасы Қаржы министрiнiң
орынбасары
