"Тараз" аймақтық сыртқы экономикалық тауар өндiрушiлерi ассоциациясының мәселелерi

Қазақстан Республикасы Министрлер Кабинетiнiң ҚАУЛЫСЫ 1995 жылғы 26 қыркүйек N 1288

"Тараз" аймақтық сыртқы экономикалық тауар өндiрушiлерi ассоциациясының ұйымдық-құқықтық нысанын Қазақстан Республикасының Азаматтық кодексiне (жалпы бөлiмi) сәйкес келтiру мақсатында Қазақстан Республикасының Министрлер Кабинетi ҚАУЛЫ ЕТЕДI:
1. Қазақстан Республикасының Мемлекеттiк мүлiктi басқару жөнiндегi мемлекеттiк комитетiне мыналар тапсырылсын:
"Тараз" ассоциациясын белгiленген тәртiппен акционерлiк қоғамға айналдырсын;
"Тараз" ассоциациясының балансындағы мемлекет мүлкiн акционерлiк қоғамның жарғылық қорына енгiзу мақсатымен Ассоциацияның негiзгi қорларына аудиторлық тексеру және оларды қайта бағалау жүргiзсiн;
құрылатын акционерлiк қоғам акцияларының мемлекеттiк пакетiн ұстаушысын айқындасын.
2. "Тараз" аймақтық сыртқы экономикалық тауар өндiрушiлерiнiң ассоциациясы туралы" Қазақ ССР Министрлер Советiнiң 1990 жылғы 11 қыркүйектегi N 364 қаулысының күшi жойылған деп танылсын.

     Қазақстан Республикасының
       Премьер-министрi