1. Мемлекеттiк акционерлiк және холдинг компанияларының Қазақстан Республикасы Министрлер Кабинетiнiң қаулыларымен оларға берiлген акционерлiк қоғамдар акцияларының мемлекеттiк пакеттерiн, сондай-ақ мемлекеттiк мүлiктi иелену, пайдалану және басқару құқығы тоқтатылсын.
2. Осы холдинг және акционерлiк компаниялардың құрамына кiрген акционерлiк қоғамдарды қосу жолымен мүлкiн бiрiктiрiп және баланстарын топтастырып, заңда белгiленген тәртiппен қайта ұйымдастыру және қайта ұйымдастырылған акционерлiк қоғамдардың акцияларын жаңадан құрылған акционерлiк қоғамдардың акцияларымен ауыстыру қажет деп танылсын.
3. "Геофизика" және "Толқын" мемлекеттiк холдинг компанияларын заңда белгiленген тәртiппен өз құрамына кiретiн акционерлiк қоғамдарды қосу арқылы, мүлкiн бiрiктiру мен баланстарын топтастыру жолымен бiр акционерлiк қоғам етiп қайта ұйымдастыру және қайта ұйымдастырылған акционерлiк қоғамдардың акцияларын жаңадан құрылған қоғамдардың акцияларымен ауыстыру қажет деп танылсын.
4. Қазақстан Республикасының Мемлекеттiк мүлiктi басқару жөнiндегi мемлекеттiк комитетi:
тиiстi мемлекеттiк холдинг және акционерлiк компаниялардың оларды иелену құқығы тоқтатылған акционерлiк қоғамдардың мемлекеттiк акциялар пакеттерiн қолданылып жүрген заңдарға сәйкес Қазақстан Республикасының Жекешелендiру жөнiндегi мемлекеттiк комитетiне сатуға берсiн;
"Намыс" мемлекеттiк холдинг компаниясының құрамында болған акционерлiк қоғамдардың мемлекеттiк акциялар пакеттерiн сату жеке жоба бойынша жүргiзiлсiн;
тиiстi акционерлiк қоғамдар акционерлерiнiң жалпы жиналысы қосылу туралы шешiм қабылдаған күннен бастап екi ай мерзiм iшiнде жаңадан құрылған акционерлi қоғамдардың ұйымдық-құқықтық нысанын, жарғылық капиталдың өзгерген көлемi мен құрылымы ескерiлiп құрылтай құжаттарының пакеттерiн әзiрлесiн;
Қазақстан Республикасының Қаржы министрлiгiмен бiрлесiп осы мемлекеттiк холдинг және акционерлiк компанияларының борыштары мен мiндеттемелерi бойынша құқықтық мұрагерлерiн айқындасын.
5. Қазақстан Республикасы Министрлер Кабинетiнiң "Зерттеу, "Топаз", "Маржан", "Алға", "Тұлпар", "Поиск", "Сенiм", "Толқын" мемлекеттік холдинг компаниялары туралы" 1993 жылғы 17 қыркүйектегi N 901 қаулысының (Қазақстан Республикасының ПҮАЖ-ы,
1993 ж., N 39, 447-құжат);
"Намыс", "Жарқын", "Геофизика" мемлекеттiк холдинг
компаниялары туралы" 1993 жылғы 22 желтоқсандағы N 1288
қаулысының (Қазақстан Республикасының ПҮАЖ-ы, 1993 ж., N 50,
600-құжат);
"Ажар" мемлекеттiк акционерлiк компаниясы туралы" 1994 жылғы
5 сәуiрдегi N 333 қаулысының (Қазақстан Республикасының ПҮАЖ-ы,
1994 ж., N 16, 162-құжат) күшi жойылған деп танылсын.
Қазақстан Республикасының
Премьер-министрi
Қазақстан Республикасы
Үкiметiнiң
1995 жылғы 28 қазандағы
N 1395 қаулысына
ҚОСЫМША
Акционерлiк қоғамдардың мемлекеттiк акциялар
пакеттерi мен мемлекеттiк мүлiктi иелену, пайдалану және
басқару құқына тыйым салынатын мемлекеттiк холдинг және
акционерлiк компаниялардың
Т I З Б Е С I
"Жарқын" мемлекеттiк холдинг компаниясы
"Зерттеу" мемлекеттiк холдинг компаниясы
"Алға" мемлекеттiк холдинг компаниясы
"Сенiм" мемлекеттiк холдинг компаниясы
"Жарыс" мемлекеттiк холдинг компаниясы
"Ақ бота" мемлекеттiк холдинг компаниясы
"Маржан" мемлекеттiк холдинг компаниясы
"Поиск" мемлекеттiк холдинг компаниясы
"Топаз" мемлекеттiк холдинг компаниясы
"Намыс" мемлекеттiк холдинг компаниясы
"Ажар" мемлекеттiк холдинг компаниясы
