"Қазақстан Республикасында бұқаралық спортты дамыту жөнiндегi шұғыл шаралар туралы" Қазақстан Республикасы Президентiнiң 1995 жылғы 4 мамырдағы
N 2261
Жарлығын орындау және халықтың денсаулығын сауықтыру мақсатында Қазақстан Республикасының Үкiметi қаулы етедi:
1. Қазақстан Республикасының Жастар iсi, туризм және спорт министрлiгi Әдiлет министрлiгiмен, Экономика министрлiгiмен басқа да мүдделi мемлекеттермен және ведомстволармен бiрлесiп мыналарды 1996 жылдың 1 қаңтарына дейiн әзiрлеп, Қазақстан Республикасы Үкiметiнiң қарауына енгiзсiн:
"Спорт туралы" Қазақстан Республикасы Заңының жобасы;
Қазақстан Республикасында 1996-2000 жылдарға арналған бұқаралық спортты дамытудың мемлекеттiк бағдарламасының жобасы;
Қазақстан Республикасындағы халықтың дене тәрбиесiн бағалау жөнiндегi Президенттiк сынама Ережесiнiң жобасы.
2. Қазақстан Республикасының Жастар iсi, туризм және спорт министрлiгi:
Қазақстан Республикасы спорт өнеркәсiбi мен спорт ғимараттары жүйесiн дамытудың келiсiлген мемлекеттiк бағдарламасының жобасын 1996 жылдың 1 шiлдесiне дейiн Қазақстан Республикасының Үкіметiне ұсынсын;
ұлттық штаттағы командаларды ұстауға қарастырылған жалпы саны 25 адам және қаржы шегiнде спорт түрлерiнен оларды басқару жөнiндегi дирекция құрсын;
спорт және туристiк мақсаттағы тауарлар өндiрудi ұйымдастыру жөнiндегi ұсыныстарды Қазақстан Республикасының Үкiметiне 1996 жылдың 1 шiлдесiне дейiн тапсырсын;
республикалық бюджетте қарастырылған қаржы шегiнде Алматы қаласындағы үш республикалық олимпиадалық резервтiк училищенiң бiреуiнiң базасында қазақ тiлiнде бiлiм беретiн республикалық олимпиадалық резервтiк училище ашылсын;
республикалық министрлiктер мен ведомстволарда иек артар спорт түрлерiн дамыту, Харбин қаласындағы (Қытай) III қысқы Азия ойындарына және Атланта қаласындағы (АҚШ) ХХVI жазғы олимпиадалық ойындарға қатысуы ықтимал үмiткерлердi дайындаудың жиынтық жоспар-тапсырмасы белгiленсiн;
1996 жылдың 1 қаңтарынан бастап Қазақ дене тәрбиесi институты жанында Спорт жөнiнде республикалық ғылыми-зерттеу орталығын ашу туралы келiсiлген ұсыныстарды Қазақстан Республикасының Үкiметiне бiр ай мерзiм iшiнде енгiзсiн.
ЕСКЕРТУ. 2-тармақтың 2 абзацы алынып тасталды - ҚР Үкіметінiң
1998.01.29. N 46 қаулысымен.
3. Қазақстан Республикасының Қаржы министрлiгi:
республикалық бюджеттен Қазақстан Республикасының олимпиадалық дайындық базаларын күрделi жөндеуден өткiзуге кезең-кезеңiмен арнайы қаржы бөлiнуiн қарастырсын;
ұлттық құрама командалардың III қысқы Азия ойындарына және 1996 жылы өтетiн ХХVI жазғы олимпиада ойындарына дайындығы мен қатысуына байланысты шаралардың қаржыландырылуын қамтамасыз етсiн.
4. Қазақстан Республикасының Қаржы министрлiгiнiң жанындағы Шетел капиталын пайдалану жөнiндегi комитетi Қазақстан Республикасының Экономика министрлiгiмен, Жастар iсi, туризм және спорт министрлiгiмен бiрлесiп 1995 жылдың 1 қарашасына дейiн Қазақстан Республикасының Үкiметiне:
олимпиадалық дайындық базаларын жаңғырту және дамыту үшiн шетелдiк инвестициялар, кредиттер, техникалық және қаржылай көмектер тарту;
Шығыс Қазақстан облысы Катон-Қарағай ауданындағы марал шаруашылығының базасында қалпына келтiру орталығын салу;
Қазақстан Республикасының Жастар iсi, туризм және спорт министрлiгiнiң тапсырысы бойынша спорт мамандарын шет елдерде оқыту және қайта дайындау жөнiнде ұсыныстар енгiзсiн.
5. Қазақстан Республикасының Бiлiм министрлiгiне мектеп жасына дейiнгi балалардың, жалпы орта бiлiм беретiн мектептер және кәсiптiк-техникалық училищелердiң, лицейлер мен колледждердiң оқушыларының, техникумдар мен жоғары оқу орындары студенттерiнiң оқудан тыс уақытта дене шынықтыру жаттығуларымен және спортпен тұрақты айналысуы үшiн 1996 жылы қоғамдық негiзде "Жастар" дене тәрбиесi-спорт қоғамын ашу ұсынылсын.
6. "Қазақстан теледидары мен радиосы" республикалық корпорациясы, республикалық газеттер мен журналдар редакциялары, Қазақстан Республикасының Жастар iсi, туризм және спорт министрлiгi, облыстардың және Алматы қаласының әкiмдерi республика халқы арасында бұқаралық спортты, салауатты өмiр салтын, темекi мен алкогольдiң зияны туралы үгiт-насихатты күшейтсiн.
7. Қазақстан Республикасының Денсаулық сақтау министрлiгi Жастар iсi, туризм және спорт министрлiгiмен бiрлесiп тест әдiсiн қолданып, халықтың барлық әлеуметтiк-демографиялық топтарын кешендi медициналық тексеру жөнiндегi нұсқауды 1995 жылдың 1 қарашасына дейiн әзiрлеп, бекiтсiн. Дене шынықтыру-сауықтыру бағытындағы құралдармен Қазақстан Республикасының халқына емдеу және денсаулығын қалпына келтiру жөнiндегi шараларды әзiрлесiн.
8. Облыстардың және Алматы қаласының әкiмдерi:
қоғамдық негiзде спорт жөнiнде облыстық, қалалық кеңестер құру ұсынылып, олардың қызметi туралы ереженi әзiрлеу;
Қазақстан Республикасының Денсаулық сақтау министрлiгiнiң келiсiмiмен денсаулық сақтау мекемелерiнiң тiзбесiне сәйкес облыстарда дәрiгерлiк-дене шынықтыру диспансерлерiн қалпына келтiру, ал тұрақты халқы 125,0 мың адамнан асатын қалаларда бюджет қаржысынсыз дәрiгерлiк бақылау кабинеттерiн ашу қажеттiгiн қарастырсын;
1995-96 оқу жылдарынан бастап оқу-жаттығу орталықтары, спорт резервтерiн дайындау орталықтары және олимпиадалық спорт түрлерiнен
эксперименттiк командалар, республикалық ұлттық құрама командаларының резервтерiн дайындау үшiн болашағы бар балаларға спорттық бейiндегi мектеп-интернаттар ашсын.
Қазақстан Республикасы
Премьер-Министрдiң
бiрiншi орынбасары
