Женевадағы (Швейцария конференциясы) Бiрiккен Ұлттар Ұйымы бөлiмшесiнiң және басқа да халықаралық ұйымдардың жанындағы Қазақстан Республикасының Тұрақты Өкiлдiгiнiң және Швейцария Конфедерациясындағы Қазақстан Республикасы Елшiлiгiнiң мәселелерi

Қазақстан Республикасы Үкiметiнiң Қаулысы 1995 жылғы 15 желтоқсандағы N 1730

"Женевадағы (Швейцария конференциясы) Бiрiккен Ұлттар Ұйымы Бөлiмшесiнiң және басқа да халықаралық ұйымдардың жанындағы Қазақстан Республикасының Тұрақты өкiлдiгiн ашу туралы" 1995 жылғы 4 желтоқсандағы N 2664 U952664_ және "Швейцария Конфедерациясында Қазақстан Республикасының Елшiлiгiн ашу туралы" 1995 жылғы 4 желтоқсандағы N 2665 U952665_ Қазақстан Республикасы Президентiнiң Жарлықтарын орындау үшiн Қазақстан Республикасы Үкiметi қаулы етедi:
1. Қазақстан Республикасының Тұрақты Өкiлдiгi мен Елшiлiгiнiң штат саны 17,5 адам болып бекiтiлсiн.
2. Женевадағы БҰҰ Бөлiмшесiнiң және басқа да халықаралық ұйымдардың жанындағы Қазақстан Республикасының Тұрақты Өкiлi мен Швейцария Конфедерациясындағы Елшiсiнiң лауазымдық шетелдiк валютадағы жалақысы 2500 АҚШ доллары мөлшерiнде бекiтiлсiн.
Тұрақты Өкiлдiк пен Елшiлiктiң қызметкерлерiнiң лауазымдық жалақылары Қазақстан Республикасының Тұрақты Өкiлi мен Елшiсiнiң шетелдiк валютадағы жалақысы ескерiлiп, штаттық кестеге сәйкес белгiленсiн.
3. Тұрақты Өкiлдiк пен Елшiлiктiң қызметкерлерiне медициналық көмек көрсетуге аударымдар шетелдiк валютадағы еңбекақы қорының 2 процентi мөлшерiнде белгiленсiн.
4. Сыртқы iстер министрлiгi Қазақстан Республикасының Қаржы министрлiгiмен бiрлесiп Женевадағы БҰҰ Бөлімшесiнiң және басқа да халықаралық ұйымдардың жанындағы Тұрақты Өкiлдiгi мен Швейцария Конфедерациясындағы Қазақстан Республикасы Елшiлiгiнiң штаттық

кестесi мен шығыстар сметасын бекiтсiн.
     5. Қазақстан Республикасының Сыртқы iстер министрлiгi елшiлiк
пен тұрақты өкiлдiктiң қаржыландырылуын 1996 жылға арналып
қарастырылған қаражат шегiнде жүзеге асырсын.

     Қазақстан Республикасы
      Премьер-Министрiнiң
      бiрiншi орынбасары