Қазақстан Республикасының Арал теңiзi және Арал өңiрi проблемалары жөнiндегi ұлттық кеңесi туралы қоса берiлiп отырған Ереже бекiтiлсiн.
Қазақстан Республикасы
Премьер-Министрiнiң
бiрiншi орынбасары
Қазақстан Республикасы
Үкiметiнiң 1995 жылғы
26 желтоқсандағы
N 1861 қаулысымен
бекiтiлген
Қазақстан Республикасының Арал теңiзi мен Арал өңiрiнiң
проблемалары жөнiндегi ұлттық кеңесi туралы
Ереже
1. Қазақстан Республикасының Арал теңiзi мен Арал өңiрiнiң проблемалары жөнiндегi ұлттық кеңесi (бұдан әрi - Ұлттық кеңес), "Қазақстан Республикасының Арал теңiзi мен Арал өңiрiнiң проблемалары жөнiндегi ұлттық кеңесi туралы" Қазақстан Республикасы Министрлер Кабинетiнiң 1995 жылғы 5 маусымдағы N 779 қаулысына сәйкес құрылды.
2. Ұлттық кеңестiң құрамын министрлiктердiң, мемлекеттiк комитеттердiң, орталық атқару органдарының, Арал өңiрi аймағының жергiлiктi атқару органдары әкiмдерiнiң, Арал бассейнi проблемаларымен айналысып жүрген Қазақстан Республикасының мекемелерi мен ұйымдарының ұсынуы бойынша Қазақстан Республикасының Үкiметi бекiтедi.
3. Ұлттық кеңес:
мемлекеттiк және басқа ұйымдардың Арал теңiзi мен Арал өңiрiнiң проблемалары жөнiндегi қызметiн үйлестiредi, сондай-ақ Аралды сақтап қалуға, тұрақтандыру мен қалпына келтiруге, экологиялық жүйенiң құлдырауын тоқтатуға, өмiрлiк қалыпты жағдайлар туғызуға, Арал өңiрi халқының тiршiлiгiн қамтамасыз етуге және денсаулығын сақтауға бағытталған шараларды жүзеге асыру жөнiнде ұсыныстар енгiзедi;
министрлiктерден, мемлекеттiк комитеттерден, өзге орталық атқару органдары мен Қазақстан Республикасының басқа да ұйымдарынан қажеттi материалдар мен құжаттарды сұратады, сондай-ақ олардың Арал теңiзi мен Арал өңiрiнiң проблемалары жөнiнде қабылданатын шешiмдердi орындау барысына бақылау жасауға қатысады;
жұмысын Арал теңiзi бассейнiнiң проблемалары жөнiндегi мемлекетаралық кеңеспен және оның атқарушы органдарымен, сондай-ақ Аралды құтқару жөнiндегi халықаралық қормен және басқа да халықаралық ұйымдармен тығыз байланыста жүргiзедi;
тұтастай алғанда Арал аймағының тұжырымдамалық проблемаларын қарайды, Арал өңiрiнiң Қазақстанға жататын бөлiгiнiң экологиялық сауығуын қамтамасыз ету жөнiндегi жобалардың қажеттi кешенiн құруға бақылауды жүргiзедi және осы мәселелер бойынша Қазақстан Республикасының Үкiметiне ұсыныстар жасайды;
ғылыми, жобалау және басқа ұйымдардың Арал аймағындағы мемлекеттермен ортақ шешiмдер әзiрлеуге және қажеттi нақты iс-әрекеттер жүргiзуге бағытталған күш-жiгерiн бiрiктiредi;
Арал проблемасын шешуге арналған бағдарламалар мен жобаларды қаржыландыру мәселелерiн қарайды және Қазақстан Республикасының Үкiметiне ұсыныстар жасайды;
Арал проблемасымен айналысатын ұйымдармен келiсiлген жұмыстар жүргiзедi, мемлекеттiк қоғамдық және басқа да қорлардың дамуына жәрдемдеседi;
Арал проблемасы жөнiндегi халықаралық келiсiмдердi, меморандумдар мен бiрлескен бағдарламаларды талдайды және оларды орындау жөнiнде, сондай-ақ Орталық Азия мемлекеттерiнiң Басшылары бекiткен Арал проблемалары жөнiндегi нақты iс-қимыл бағдарламасын жүзеге асыру жөнiнде нақты ұсыныстар енгiзедi;
Арал теңiзi проблемаларының мемлекеттiк және аймақтық бағдарламалары жөнiндегi ғылыми-зерттеу, жобалау-зерделеу жұмыстарының жағдайын қарайды, Қазақстан Республикасының Үкiметiне Арал теңiзiнiң табиғатын пайдаланудың нормативтiк-құқықтық базасын жетiлдiру жөнiндегi конвенциялардың, келiсiмдер мен басқа да халықаралық актiлердiң жобаларын қарау жөнiнде ұсыныстар енгiзедi.
4. Ұлттық кеңеске Қазақстан Республикасының Премьер-Министрiнiң орынбасары басшылық жасайды.
5. Ұлттық кеңестiң мәжiлiстерiн әзiрлеу және жедел iс-қағаздарын жүргiзу үшiн төрт адамнан; Қазақстан Республикасының Тәуелсiз Мемлекеттер Достастығы елдерiмен ынтымақтастық жөнiндегi мемлекеттiк комитетiнiң қызметкерлерiнен, Қазақстан Республикасының Экология және биоресурстар министрлiгi мен Су ресурстары жөнiндегi комитетiнiң өкiлдерiнен тұратын жұмыс тобы құрылады.
6. Ұлттық кеңестiң мәжiлiстерi бекiтiлген жұмыс жоспары бойынша, бiрақ кемiнде жылына екi рет өткiзiледi.
