Қазақстан Республикасы Қаржы министрлiгiнiң шұғыл айналыстағы вексельдерi мен вексельдiк мiндеттемелерiн қазынашылық облигацияларға айналдыру туралы

Қазақстан Республикасы Үкiметiнiң Қаулысы 1996 жылғы 8 ақпандағы N 178

"1996 жылға арналған республикалық бюджет туралы" Қазақстан Республикасы Президентiнiң 1995 жылғы 21 желтоқсандағы N 2700 U952700_ Заң күшi бар Жарлығын орындау үшiн, кәсiпорындар мен ұйымдардың 1994 жылғы өзара қарыздарының iшкi республикалық есептемесiн аяқтау және шаруашылық жүргiзушi субъектiлер алдындағы Қазақстан Республикасы Қаржы министрлiгiнiң шұғыл айналыстағы вексельдерi мен вексельдiк мiндеттемелерi бойынша бюджеттiк берешегiн өтеу мақсатында Қазақстан Республикасының Үкiметi қаулы етедi:
1. Қазақстан Республикасының Қаржы министрлiгi iшкi республикалық есептеменiң қорытындысы бойынша шаруашылық жүргiзушi субъектiлерге берiлген Қазақстан Республикасы қаржы министрлiгiнiң шұғыл айналыстағы вексельдерi мен вексельдiк мiндеттемелерi 1996 жылдың 1 ақпанына дейiн 1000 теңгеге тең бастапқы құны бойынша қазынашылық облигацияларға айналдырылсын.
2. Қазақстан Республикасының Қаржы министрлiгi 1996 жылға арналған республикалық бюджетте осы мақсатқа қарастырылған сома шеңберiнде, оларды шығарудың шарттарына сәйкес қазынашылық облигациялардың 1996 жылдың 31 желтоқсанынан кешiктiрiлмей уақытылы өтеуiн қамтамасыз етсiн.

     Қазақстан Республикасының
        Премьер-Министрi