1. "Байланыс-құрылысшы" ұлттық акционерлiк компаниясының 1 қосымшада көрсетiлген акционерлiк қоғамдар акцияларының мемлекеттiк пакеттерiн және бiрлескен кәсiпорындардың қорларындағы мемлекеттiң үлестерiн иелену, пайдалану және басқару құқығы тоқтатылсын.
2. Қазақстан Республикасының мемлекеттiк мүлiктi басқару жөнiндегi мемлекеттiк комитетi "Байланыс-құрылысшы" мемлекеттiк акционерлiк компаниясы акционерлерiнiң жалпы жиналысында мына мәселелер жөнiндегi мемлекет мүддесiн бiлдiрсiн:
2 қосымшада көрсетiлген акционерлiк қоғамдар акцияларының мемлекеттiк пакеттерiн "Байланыс-құрылысшы" мемлекеттiк акционерлiк компаниясының жарғылық қорынан шығару және оларды Қазақстан Республикасының жекешелендiру жөнiндегi мемлекеттiк комитетiне беру;
"Байланыс-құрылысшы" мемлекеттiк акционерлiк компаниясының жарғылық қорынан "Комтел" және "Веснет" бiрлескен кәсiпорындарындағы мемлекеттiк үлестердi шығару;
құрылымның және кәсiпорындар мен бөлiмшелердi басқару жүйесiнiң өзгеруiне байланысты "Байланыс-құрылысшы" мемлекеттiк акционерлiк компаниясының атауын "Байланыс-құрылысшы" акционерлiк қоғамы етiп қайта өзгерту;
шаруашылық қызметтi жүзеге асыруға мүмкiндiк туғызу мақсатында "Байланыс-құрылысшы" акционерлiк қоғамының жарғылық қорын толықтыруға қатысушылардың қосымша қаражаттарын тарту;
3. Қазақстан Республикасының Мемлекеттiк мүлiктi басқару жөнiндегi мемлекеттiк комитетi:
"Павлодарэлектронмаш" акционерлiк қоғамының жарғылық қорынан "Веснет" бiрлескен кәсiпорындағы оның мемлекеттiк үлесiн заңдарда белгiленген тәртiп бойынша шығарсын, иелiк ету, пайдалану мен басқару құқығын қайтарып алсын;
"Байланыс-құрылысшы" акционерлiк қоғамына "Веснет" және "Комтел" бiрлескен кәсiпорындарындағы бұрын иелiк ету, пайдалану мен басқару құқығы бойынша "Байланыс-құрылысшы" мемлекеттiк акционерлiк компаниясы мен "Павлодарэлектронмаш" акционерлiк қоғамына тиесiлi мемлекеттiк үлестердi сенiмдi басқаруға берсiн және "Байланыс-құрылысшы" акционерлiк қоғамын "Байланыс-құрылысшы" мемлекеттiк акционерлiк компаниясының " Теледидарды, радиохабары мен телефон байланысын интенсивтi дамыту үшiн Қазақ ССР-iнде байланыс құралдарын шығаруды ұйымдастыру шаралары туралы" Қазақстан Республикасы Министрлер Кабинетiнiң 1991 жылғы 29 қарашадағы N 753 қаулысына сәйкес "Веснет" және "Комтел" бiрлескен кәсiпорындарын құруы үшiн бөлiнген шетел кредиттерi бойынша құқықтық мұрагерi етiп белгiленсiн;
"Байланыс-құрылысшы" мемлекеттiк акционерлiк компаниясы акцияларын "Байланыс-құрылысшы" акционерлiк қоғамы акцияларына және "Веснет" және "Комтел" бiрлескен кәсiпорындарының негiзiнде құрылған акционерлiк қоғамдар (шаруашылық серiктестiктерi) акцияларына (үлестерiне) бара-бар ауыстыру мүмкiндiгiн қарасын.
4. Қазақстан Республикасының Жекешелендiру жөнiндегi мемлекеттiк комитетi байланыс құрылыс жүйесiнiң жеке және заңды тұлғаларын тарта отырып, 2 қосымшада көрсетiлген акционерлiк қоғамдары мен "Байланыс-құрылысшы" акционерлiк қоғамы акцияларының мемлекеттiк пакеттерiн жабық аукциондарда сатсын.
5. Мыналардың күшi жойылған деп танылсын:
"Байланыс-құрылысшы" мемлекеттiк акционерлiк компаниясы туралы"
Қазақстан Республикасы Министрлер Кабинетiнiң 1994 жылғы 8 ақпандағы
N 147 қаулысы (Қазақстан Республикасының ПҮАЖ-ы, 1994 ж., N 6,
73-бап);
"Байланыс-құрылысшы" мемлекеттiк акционерлiк компаниясының
президентi мен Байқаушы кеңесi туралы" Қазақстан Республикасы
Министрлер Кабинетiнiң 1994 жылғы 14 ақпандағы N 184 қаулысы.
Қазақстан Республикасының
Премьер-Министрi
Қазақстан Республикасының
Үкiметiнiң
1996 жылғы 19 сәуiрдегi
N 475 қаулысына
1-қосымша
Акциялардың мемлекеттiк пакеттерi мен мүлкiне
"Байланыс-құрылысшы" мемлекеттiк акционерлiк
компаниясының иелiк ету, пайдалану және басқару
құқығы тоқтатылатын акционерлiк қоғамдардың
Тiзбесi
"Алматытелефонстрой" АҚ, Алматы қаласы
"Промсвязь" АҚ, Алматы қаласы
"Связьмонтаж" АҚ,Алматы қаласы
"Связьстрой" АҚ, Атырау қаласы
"Востоксвязь" АҚ, Өскемен қаласы
"Байланыс" АҚ, Талдықорған қаласы
"Комтел" бiрлескен кәсiпорны, Орал қаласы
"Веснет" бiрлескен кәсiпорны, Павлодар қаласы
Қазақстан Республикасының
Үкiметiнiң
1996 жылғы 19 сәуiрдегi
N 475 қаулысына
2-қосымша
Акциялардың мемлекеттiк пакеттерi Қазақстан
Республикасының Жекешелендiру жөнiндегi мемлекеттiк
комитетiне сатуға берiлетiн акционерлiк қоғамдардың
ТIЗБЕСI
"Алматытелефонстрой" АҚ, Алматы қаласы
"Промсвязь" АҚ, Алматы қаласы
"Связьмонтаж" АҚ,Алматы қаласы
"Востоксвязь" АҚ, Өскемен қаласы
"Байланыс" АҚ, Талдықорған қаласы
