Ескерту. Қаулының күші жойылды - ҚР Үкіметінің 2009.09.19. N 1411 Қаулысымен.
Селодағы реформаларды жүргiзудi жеделдету мақсатында Қазақстан Республикасының Үкiметi қаулы етедi:
1. "Қазақстан Республикасының Президентiнiң "Қазақстан Республикасында мемлекет иелiгiнен алу мен жекешелендiрудiң 1993-1995 жылдарға (II кезең) арналған ұлттық бағдарламасы туралы" 1993 жылғы 5 наурыздағы N 1135 U931135_ Жарлығын жүзеге асыру жөнiндегi шаралар туралы" Қазақстан Республикасы Министрлер Кабинетiнiң 1993 жылғы 20 шiлдедегi N 633 қаулысына N 3 қосымшаның күшi ұзартылсын және оған мынадай түзетулер енгiзiлсiн:
"Мемлекеттiк ауыл шаруашылық кәсiпорындарын (кеңшарлар мен басқа да мемлекеттiк шаруашылықтарды) мемлекет иелiгiнен алу мен жекешелендiру тәртiбi" атты екiншi бөлiмнiң 1-тармағындағы бiрiншi абзацтың соңғы екi сөйлемi мынадай редакциямен берiлсiн: "Мүлiктiң сатып алынатын бөлiгiнде 10 жылдан аспайтын мерзiмде төлем жасау жөнiнде меншiк иесiнiң атына мiндеттеме ресiмдеу кезiнде (N 2 қосымша) мүлiктiк пай иесiне меншiк құқығы туралы (N 1 қосымша ) куәлiк берiледi";
"Жекешелендiруге тиiстi мемлекеттiк ауыл шаруашылық кәсiпорындарының мүлкiн бағалау тәртiбi туралы" III-бөлiмнiң 4-кiшi бөлiмiнiң төртiншi абзацы мынадай жаңа редакциямен берiлсiн:
"Жекешелендiрiлетiн АӨК-нiң кәсiпорындары мен ұйымдары мүлкiнiң құнын бiр мезгiлде немесе бөлiп төлеуге болады. Бөлiп төлеу кезеңi 10 жылдан артпауға тиiс";
бесiншi абзац алынып тасталсын;
"Мiндеттеме" атты N 2 қосымшадағы "қалған бөлiгiн" деген сөздер "құнын" деп түзетiлсiн.
2. Қазақстан Республикасының Мемлекеттiк мүлiктi басқару
жөнiндегi мемлекеттiк комитетi, Қазақстан Республикасының ауыл шаруашылығы министрлiгi және Әдiлет министрлiгi "Мемлекеттiк ауыл шаруашылық кәсiпорындарының мүлкiн жекешелендiру ерекшелiктерi туралы" Қазақстан Республикасының 1992 жылғы 14 қаңтардағы Заңына өзгерiстер енгiзу жөнiндегi Қазақстан Республикасы Заңының жобасын белгiленген тәртiппен әзiрлесiн. Қазақстан Республикасының Премьер-Министрi
