"Биназар" акционерлiк қоғамы акцияларының мемлекеттiк пакеттерiн сату туралы

Күшін жойған

Қазақстан Республикасы Үкiметiнiң қаулысы 1996 жылғы 9 шiлде N 859. Күшi жойылды - ҚРҮ-нiң 1996.07.29. N 939 қаулысымен.

"Жекешелендiру туралы" Қазақстан Республикасы Президентiнiң 1996 жылғы 23 желтоқсандағы N 2721 Заң күшi бар Жарлығына, "Жекешелендiру объектiлерiн сату жөнiнде жабық тендерлер өткiзудiң тәртiбi туралы" Қазақстан Республикасы Үкiметiнiң 1996 жылғы 31 қаңтардағы N 126 қаулысына сәйкес, төтенше жағдайларға пайдалану және мемлекеттiк қауiпсiздiктi қамтамасыз ету үшiн мемлекеттiк резервтердi сақтау және бiрiншi қажеттiлiктегi заттармен және тамақ өнiмдерiмен толықтыру мақсатында Қазақстан Республикасының Үкiметi қаулы етедi:

1. Қазақстан Республикасының Мемлекеттiк мүлiктi басқару жөнiндегi мемлекеттiк комитетi бiр апталық мерзiмде "Биназар" акционерлiк қоғамы акцияларының мемлекеттiк пакеттерiн заңмен белгiленген тәртiппен сату үшiн Қазақстан Республикасының Жекешелендiру жөнiндегi мемлекеттiк комитетiне берсiн.
2. Қазақстан Республикасының Жекешелендiру жөнiндегi мемлекеттiк комитетi тендер шарттарын орындау жөнiнде өздерiне мiндеттеме алған қатынасушылар арасында "Биназар" акционерлiк қоғамы акцияларының мемлекеттiк пакеттерiн сату жөнiнде жабық тендер ұйымдастырсын және

өткiзсiн.
     Тендер шарттарына төтенше жағдайлар жағдайында халық үшiн және
жалпы мемлекеттiк шараларды жүргiзу үшiн бiрiншi қажеттiлiктегi
заттардың кемiмейтiн қорларын сақтау мен толықтыру жөнiндегi
мiндеттемелер енгiзiлуге тиiс.

     Қазақстан Республикасы
      Премьер-Министрiнiң
         орынбасары