Қазақстан Республикасының Үкiметi қаулы етедi:
"Импортқа шығарылатын акцизделетiн тауарларға арналған акциздердiң ставкалары және Қазақстан Республикасының кеден шекарасы арқылы жеке тұлғалар алып өтетiн акциз салуға жатпайтын тауарлардың нормалары туралы" Қазақстан Республикасы Үкiметiнiң 1996 жылғы 28 маусымдағы N 819 қаулысына (Қазақстан Республикасының ПҮАЖ-ы, 1996 ж., N 29, 262-құжат) мынадай толықтырулар енгiзiлсiн:
мынадай мазмұндағы 4-тармақпен толықтырылсын:
"4. 2 және 3 тармақтар осы қаулы жарияланған күнiнен бастап күшiне енгiзiлсiн";
"Қазақстан Республикасының кеден аумағына әкелiнетiн акцизделетiн тауарларға арналған акциздердiң ставкалары" деген 1-қосымшадағы ескертпе мынадай мазмұндағы сөйлеммен толықтырылсын: "Акциз ставкалары 1996 жылдың 15 шiлдесiне дейiн жасалған және толық ақы төленген контрактiлер бойынша әкелiнетiн аталған тауарларға қатысты қолданылмайды".
Қазақстан Республикасының
Премьер-Министрi
