1. Л.Н.Гумилев атындағы Евразия университетiнiң негiзгi мiндеттерi мыналар болып айқындалсын:
Евразиялық бiлiм және мәдени кеңестiгiнiң интеграциялық әлеуетiн жүзеге асыру, бiлiм және ғылыми бағдарламалар, оқу-әдiстемелiк әдебиеттер әзiрлеу жолымен Евразия Одағы идеясын өмiрге енгiзу;
қазақ орыс және шетел тiлдерiнде, оның iшiнде Қазақстан Республикасы азаматтарының оқуға түсу және оқуы шарттарында Евразия елдерiнiң өкiлдерiнен жоғары кәсiби және парасат деңгейiндегi мамандар мен ғылыми қызметкерлер даярлау;
Евразияны мекендеген халықтардың мәдени мұрасы мен тарихын, Евразия аймағының экологиялық, демографиялық, әлеуметтiк, экономикалық және ғылыми-техникалық даму проблемаларын зерделеу мен оқыту;
оқу және ғылыми процестерде жаңа ақпараттық технологияларды пайдалану, телекоммуникациялардың бiрыңғай жүйедегi интеграциясы;
көкейкестi бiлiм беру және ғылыми проблемаларды халықаралық, мемлекеттiк және аймақтық деңгейлерде кезең-кезеңмен шешу.
2. Қазақстан Республикасының Бiлiм министрлiгiне:
Л.Н.Гумилев атындағы Евразия университетiнiң құрылымын, мамандықтар тiзбесiн, профессор-оқытушылар құрамының штаттық санын айқындасын және белгiленген тәртiппен оның құрамын бекiтсiн;
1997 жылы Л.Н.Гумилев атындағы Евразия университетiнiң құрамында Евразиялық проблемаларды зерделеу жөнiндегi ғылыми-зерттеу орталығын құрсын.
3. Бiлiм министрлiгi, Ақмола облысының әкiмi, Қазақстан Республикасы Қаржы министрлiгiнiң, Экономика министрлiгiнiң, Қазақстан Республикасы Мемлекеттiк мүлiктi басқару жөнiндегi мемлекеттiк комитетiнiң келiсiмiмен Л.Н.Гумилев атындағы Евразия университетiн материалдық-техникалық қамтамасыз ету, студенттерге, профессор-оқытушылар құрамына, шақырылатын шетел ғалымдары мен мамандарына қажеттi әлеуметтiк-тұрмыстық жағдайлар жасау жөнiндегi шарттар жоспарын әзiрлеп, оны 1996 жылдың 1 қарашасына дейiн Қазақстан Республикасы Үкiметiнiң бекiтуiне ұсынсын.
Қазақстан Республикасының
Премьер-Министрi
