Шығыс Қазақстан облысының қорғасын-мырыш саласына жататын кәсiпорындарының қаржылық жағдайларын тұрақтандыру мен одан әрi дамытуға жағдай жасау жөнiндегi шаралар туралы

Жаңа

Қазақстан Республикасы Үкiметiнiң Қаулысы 1996 жылғы 29 қараша N 1453

      Қазақстан Республикасының Үкiметi "Шығыс Қазақстан облысының түстi металлургия кәсiпорындарын дағдарыстан шығару жөнiндегi қосымша шаралар туралы" Қазақстан Республикасы Үкiметiнiң 1996 жылғы 11 сәуiрдегi N 425 P960425_ қаулысының орындалуын қарай келiп "Ridder-Invest" инвестициялық компаниясы жүргiзген қайта ұйымдастыру шараларының нәтижесiнде "Өскемен қорғасын-мырыш комбинаты", "Лениногор полиметалл комбинаты" және "Зырян қорғасын комбинаты" акционерлiк қоғамдарының жұмысы тұрақтандырылғанын атап өтедi.
      Сонымен бiрге өткiзiлген аудит пен сараптамалық бағалаулар жоғарыда аталған акционерлiк қоғамдардың кәсiпорындарында геологиялық және кен-техникалық жағдайлар нашарлай түсуде, соңғы 10 жылда негiзгi қорларды қайта құрылымдау мен модернизациялау жүргiзiлген жоқ, қазiргi кезеңде мына акционерлiк қоғамдар бойынша тозу деңгейi: "Лениногор полиметалл комбинаты" - 49,4 процент, "Өскемен қорғасын-мырыш комбинаты" - 57,2 процент, "Зырян қорғасын комбинаты" - 51,4 процент. акционерлiк қоғам бойынша кредиторлық берешек: "Лениногор полиметалл комбинаты" - 65,7 млн. АҚШ доллары, Өскемен қорғасын-мырыш комбинаты" - 83,8 млн. АҚШ доллары, "Зырян қорғасын комбинаты" - 23,5 млн. АҚШ долларын құрайды, бұл осы кәсiпорындардың қаржылық тұрақтылығының шиелiнiстi дәрежесiне сәйкес келедi. Жоғарыда аталған акционерлiк қоғамдардың төлем қабiлеттiлiгiн және тиiмдi өндiрiстiк қызметiн қалпына келтiретiн болашағының жоқтығы өндiрiстi қолдау мен әлеуметтiк проблемаларды шешуге бағытталған келелi шараларды жүргiзудiң қажеттiгiн көрсетедi.
      Шығыс Қазақстан Республикасының қорғасын-мырыш саласына жататын кәсiпорындардың қаржылық жағдайларын тұрақтандыру мен оларды одан әрi дамытуға жағдай жасау мақсатында Қазақстан Республикасының Үкiметi қаулы етедi:
      1. Қазақстан Республикасының Мемлекеттiк мүлiктi басқару жөнiндегi мемлекеттiк комитетi заңда белгiленген тәртiппен:
      "Өскемен қорғасын-мырыш комбинаты", "Лениногор полиметалл комбинаты" және "Зырян қорғасын комбинаты" акционерлiк қоғамдарымен бiрлесiп "Казцинк" акционерлiк қоғамын құру және аталған акционерлiк қоғамдардың "Казцинк" акционерлiк қоғамының жарғылық қорына өткiзу кезiндегi берiлетiн негiзгi қаражат балансы құрамындағы айналыс қаржысымен бiрге негiзгi қаражат түрiнде 1-қосымшаға сәйкес құрылтай салымын енгiзуi жөнiнде қажеттi ұйымдастыру шараларын жүргiзсiн;
      Қазақстан Республикасының Геология және жер қойнауын қорғау министрлiгiмен бiрлесiп "Казцинк" акционерлiк қоғамының жарғылық қорына мемлекеттiң құрылтай салымы ретiнде Малеевск, Риддер-Сокольное, Тишинск кен орындарына жер қойнауын пайдалану құқығы ретiнде, сондай-ақ осы кен орындары бойынша геологиялық ақпараттар енгiзсiн;
      "Казцинк" акционерлiк қоғамы басқармасының төрағасы ретiнде Г.Г.Штойк ұсынылсын;
      "Казцинк" акционерлiк қоғамы акционерлерiнiң жалпы жиналысына аталған қоғамды Өскемен қаласында мемлекеттiк тiркеуден өткiзу ұсынылсын;
      "Өскемен қорғасын-мырыш комбинаты", "Зырян қорғасын комбинаты", "Лениногор полиметалл комбинаты", "Казцинк" акционерлiк қоғамдарына қаржылық менеджер және оператор ретiнде "Қазкоммерцбанк" ашық акционерлiк қоғамы ұсынылсын.
      2. Қазақстан Республикасының геология және жер қойнауын қорғау министрлiгi "Казцинк" акционерлiк қоғамына Малеевск, Риддер-Сокольное, Тишинск кен орындарында жер қойнауын пайдалану жөнiндегi операцияларды жүргiзуге құқық беретiн тиiстi лицензияларды белгiленген тәртiппен қайта ресiмдесiн.
      3. Қазақстан Республикасының Өнеркәсiп және сауда министрлiгi "Казцинк" акционерлiк қоғамымен жер қойнауын пайдалану жөнiндегi операцияларды жүргiзуге белгiленген тәртiппен тиiстi контрактiлер жасассын.
      4. Қазақстан Республикасының жер қатынастары және жерге орналастыру жөнiндегi мемлекеттiк комитетi "Казцинк" акционерлiк қоғамына белгiленген тәртiппен тиiстi жер пайдалану құқығын ресiмдесiн.
      5. Қазақстан Республикасының Мемлекеттiк мүлiктi басқару жөнiндегi мемлекеттiк комитетi заңда белгiленген тәртiппен:
      "Алтайэнерго" акционерлiк қоғамының жарғылық қорын "Бұқтырма ГЭС-i" мүлiктiк кешенiнiң құнына төмендету жөнiнде шаралар қабылдасын;
      "Бұқтырма ГЭС-i" мүлiктiк кешенiн жалгерлiк шартта Бұқтырма ГЭС-iнiң энергетикалық қызметiн реттеу ерекшелiгiн көздей отырып "Казцинк" акционерлiк қоғамына ұзақ мерзiмге жалға берсiн;
      бiр ай мерзiмде Қазақстан Республикасының жекешелендiру жөнiндегi мемлекеттiк комитетiмен, Қазақстан Республикасының Өнеркәсiп және сауда министрлiгiмен бiрлесiп, "Қазкоммерцбанк" ашық акционерлiк қоғамын тарта отырып "Казцинк" акционерлiк қоғамын жекешелендiрудiң жоспарын жасасын.
      6. "Казцинк" акционерлiк қоғамын құру процесiн жалпы үйлестiру мақсатында 2-қосымшадағы құрамға сәйкес үкiмет комиссиясы құрылысын:
      Үкiмет комиссиясы "Қазкоммерцбанк" ашық акционерлiк қоғамын тарта отырып "Казцинк" акционерлiк қоғамын дамытудың инвестициялық бағдарламасын әзiрлесiн.
      7. "Қазақстан Республикасының электр энергетикасы саласын басқарудың құрылымын қайта құру туралы" Қазақстан Республикасы Үкiметiнiң 1995 жылғы 28 шiлдедегi N 1033 қаулысына мынадай өзгерiстер енгiзiлсiн:
      осы қаулының 1-қосымшасына сәйкес "Электр энергетика" саласындағы республикалық мемлекеттiк кәсiпорындардың тiзбесiнен Бұқтырма ГЭС-i алынып тасталсын.
      8. Мыналардың күшi жойылған деп танылсын:
      "Өскемен қорғасын-мырыш комбинаты" акционерлiк қоғамын қаржылық сауықтыру жөнiндегi шаралар туралы" Қазақстан Республикасы Үкiметiнiң 1995 жылғы 15 қарашадағы N 1534 қаулысы;
      "Шығыс Қазақстан облысының түстi металлургия кәсiпорындарын

дағдарыстан шығару жөнiндегi қосымша шаралар туралы" Қазақстан
Республикасы Үкiметiнiң 1996 жылғы 11 сәуiрдегi N 425 қаулысының
4, 5-тармақтары.
     9. Осы қаулының орындалуына бақылау жасау Қазақстан
Республикасы Премьер-Министрiнiң орынбасары Д.Т.Дүйсеновке жүктелсiн.

     Қазақстан Республикасының
         Премьер-Министрi 
     
                                       Қазақстан Республикасы
                                             Үкiметiнiң
                                       1996 жылғы 29 қарашадағы
                                         N 1453 қаулысына
                                              1-қосымша


          "Өскемен қорғасын-мырыш комбинаты", "Лениногор
          полиметалл комбинаты", "Зырян қорғасын комбинаты"
          акционерлiк қоғамдарының негiзгi құралдары мен мүлкi
___________________________________________________________________
     Акционерлiк              | Негiзгi құралдар мен мүлiктер
     қоғамдар                 |
___________________________________________________________________
             1                |                 2
___________________________________________________________________
"Өскемен қорғасын мырыш           Қорғасын зауыты
комбинаты" АҚ                     Мырыш зауыты
                                  Химия металлургия цехы
                                  Аффинажды цехы
                                  Сiлтi-қышқыл цехы
                                  Байланыс цехы
                                  Электр жөндеу цехы
                                  Желiлер мен көмекшi станциялар цехы
                                  Жылу қуаты цехы
                                  Оттегi-аргонды цехы
                                  Өлшеуiш техника және автоматика
                                  орталық лабораториясы
                                  Автокөлiк цехы
                                  Жұмысшыларды жабдықтау басқармасы
                                  Мамандандырылған құрылыс жөндеу
                                  басқармасы
                                  Темiржолцехы
                                  Химсутазарту
                                  Техникалық бақылау бөлiмi
                                  Химлаборатория
                                  Тәжiрибе металлургия цехы
                                  "Жасыл цех" шаруашылығы 
<*>

                                  Баспахана
                                  Әскерилендiрiлген күзет
                                  Басқарма
                                  Ақпараттық-есептеу орталығы
                                  Орталық жөндеу механикаландырылған
                                  базасы
                                  Жөндеу-құрылыс басқармасы
                                  Техникалық жабдықтау қоймалары
     
<*>
. Ескерту. "Жасыл цех" шаруашылығы құрамына пионер лагерi,
"Айна" демалыс базасы, мейманхана-офис, Металлургтердiң мәдениет
сарайы, профилакторий есептеледi.
     "Лениногор ЖМК" АҚ           Риддер-Соколдi алаңы
                                  Кен-байыту фабрикасы
                                  Мырыш зауыты
                                  Темiржол цехы
                                  Желiлер мен көмекшi станциялар цехы
                                  Энергия цехы
                                  Орталық автоматика лабораториясы
                                  Уақтау және байыту цехы
                                  Тишин кенiшi
                                  Комбинат басқармасы
                                  Жабдықтарды күрделi жөндеу цехы
                                  Орталық химия лабораториясы
                                  Техникалық бақылау бөлiмi
                                  Қоғамдық тамақтандыру және сауда
                                  цехы
                                  Ағаш өңдеу кешенi
                                  Профилакторий
"Зырян қорғасын комбинаты" АҚ     Малеев кенiшi
                                  Кен байыту фабрикасы
                                  Тау-кен көлiк цехы
                                  Автокөлiк цехы
                                  Құрылыс-монтаж басқармасы
                                  Электр цехы
                                  Компрессор-оттегi цехы
                                  Жөндеу-механикалық базасы
                                  Өнеркәсiптiк қазандық цехы
                                  Темiржол цехы
                                  Орталық химия лабораториясы
                                  Техникалық жабдықтау
                                  Техникалық бақылау бөлiмi
                                  Басқарма
                                  Суканал
                                  Туристiк-мейманхана кешенi
                                  Еңбек және спорт мәдениет үйi
                                  Әскерилендiрiлген күзет
                                  Еңбектi қорғау лабораториясы
                                  Қоғамдық тамақтандыру цехы

                                       Қазақстан Республикасы
                                             Үкiметiнiң
                                       1996 жылғы 29 қарашадағы
                                         N 1453 қаулысына
                                               2-қосымша

                Үкiмет комиссиясының құрамы

     Оспанов Х.А.         - Қазақстан Республикасының Өнеркәсiп
                            және сауда министрi, комиссия төрағасы
     Молоканов А.А.       - Қазақстан Республикасы Мемлекеттiк
                            мүлiктi басқару жөнiндегi мемлекеттiк
                            комитетi төрағасының орынбасары,
                            комиссия төрағасының орынбасары
     Менжулин Б.И.        - Қазақстан Республикасы Қаржы министрiнiң
                            орынбасары
     Андрющенко А.И.      - Қазақстан Республикасы Экономика
                            министрiнiң орынбасары
     Удовенко С.Л.        - Қазақстан Республикасының Үкiмет
                            Аппараты Өнеркәсiп саясаты бөлiмiнiң
                            меңгерушiсi
     Забелин Ю.В.         - Шығыс Қазақстан облысы әкiмiнiң
                            орынбасары
     Молдахметов Н.С.     - Қазақстан Республикасының Әдiлет
                            министрлiгi экономикалық және
                            әлеуметтiк-мәдени заңдар басқармасының
                            бастығы
     Фельд Е.Д.           - "Қазкоммерцбанк" ААҚ басқармасы
                            төрағасының орынбасары 
     
      
      


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады