Қазақстан Республикасында 1996-1998 жылдарға арналған Мемлекеттiк меншiктi жекешелендiру мен қайта құрылымдау бағдарламасын жүзеге асыру мақсатында Қазақстан Республикасының Үкiметi қаулы етедi:
1. Қазақстан Республикасының Мемлекеттiк мүлiктi басқару жөнiндегi мемлекеттiк комитетiнiң облыстар мен Алматы қаласының әкiмдерiмен бiрлесiп ұсынған коммуналдық меншiк объектiлерiнiң тiзбесiне келiсiм берiлсiн және облыстар мен Алматы қаласының әкiмдерiне "Мемлекеттiк кәсiпорын туралы" Қазақстан Республикасы Президентiнiң 1995 жылғы 19 маусымдағы N 2335 Заң күшi бар Жарлығының
2-бабына
сәйкес оны бекiту ұсынылсын.
2. Қазақстан Республикасының Мемлекеттiк мүлiктi басқару жөнiндегi мемлекеттiк комитетi заңмен белгiленген тәртiпте:
облыстар мен Алматы қаласы әкiмдерiне коммуналдық меншiкке жатқызылған объектiлердi берудi қамтамасыз етсiн;
республикалық мемлекеттiк кәсiпорындар, коммуналдық меншiк объектiлерi мен жекешелендiруге жатқызылмаған объектiлер тiзбелерiне енгiзiлмеген объектiлердiң кiмге тиесiлi екендiгiн айқындасын.
