"1974 жылы 2 тамызда Джиддада қол қойылған Ислам даму банкiнiң
Құрылтайшы шартын бекiту туралы" 1996 жылғы 15 мамырдағы Қазақстан
Республикасының Заңына сәйкес Қазақстан Республикасының Үкiметi қаулы
етедi:
1996 жылы 19 қыркүйекте қол қойылған Қазақстан Республикасының
Үкiметi мен Ислам даму банкiнiң арасындағы Алматыда Ислам даму
банкiнiң Өкiлдiгiн құру туралы Келiсiм бекiтiлсiн.
Қазақстан Республикасы
Премьер-Министрiнiң
бiрiншi орынбасары
ҚАЗАҚСТАН РЕСПУБЛИКАСЫНЫҢ ҮКIМЕТI
МЕН
ИСЛАМ ДАМУ БАНКIНIҢ
АРАСЫНДАҒЫ АЛМАТЫДА ИСЛАМ ДАМУ БАНКI
ӨКIЛДIГIН ҚҰРУ
ТУРАЛЫ КЕЛIСIМ
ҚАЗАҚСТАН РЕСПУБЛИКАСЫНЫҢ ҮКIМЕТI МЕН
ИСЛАМ ДАМУ БАНКIНIҢ АРАСЫНДАҒЫ АЛМАТЫДА
ИСЛАМ ДАМУ БАНКI ӨКIЛДIГIН ҚҰРУ ТУРАЛЫ КЕЛIСIМ
Бiр жағынан ҚАЗАҚСТАН РЕСПУБЛИКАСЫНЫҢ ҮКIМЕТI (әрi қарай "Үкiмет"), және екiншi жағынан Ислам Даму Банкi (әрi қарай ИДБ).
ИДБ-ның тiлегi бойынша Алматыда ИДБ-ның өкiлдiгi ашылсын, Өзiнiң
аумағында осындай өкiлдiктiң болуына Үкiметтiң ынталылығы, дайындығы
назарға алынсын.
ИДБ-ның Құрылтайшылық Келiсiмi ҮII тарауының баптарының жағдайын
атап айтқанда 50-61 баптарындағы иммунитет пен құқықтық статус
банктiң ықпалы жүретiн елдердiң аумағындағы ИДБ-ның өктемдiгi мен
жеңiлдiктерi есепке алынып,
және де құрылтайшылық келiсiмiндегi ИДБ-ның халықаралық
мiндетiн айқындайтын 37 баптың жағдайы да есепке алынып,
ТӨМЕНДЕГIДЕЙ КЕЛIСIМ ЖАСАЛДЫ:
Нақтылау
1-бап
Осы келiсiмде, астарланып басқа пiкiр бiлдiрмесе,
а) "Алматыдағы өкiлдiк" деп Алматы қаласындағы ИДБ-ның өкiлдiгi, бұған қоса қосымша келiсiмдер немесе Үкiмет пен Алматыдағы өкiлдiк арасындағы нота алмасу арқылы Алматыдағы өкiлдiктiң құрамдас бөлiгi болып табылатын кез-келген жер бөлшегi, ғимараттар, құрылыстар мен қосалқы жайлар танылады.
б) "Қазақстан Республикасының Заңы" деген түсiнiкке Үкiметтiң шешiмiмен Үкiметтiң өзi шығаратын Заңдық актiлер, Президентiнiң Жарлықтары және қаулылары, ережелерi жатады.
в) "Алматыдағы өкiлдiктiң ресми тұлғалары" деген түсiнiкке заңды тұлғалар, эксперттер, кеңесшiлер және АДБ жалдап алып Алматыдағы өкiлдiкке жiберген жергiлiктi жерде жалданған басқа қызметшiлерден бөлек басқа тұлғалар жатады; "Президент" мырза деген түсiнiк:
i - ИДБ-ның Президентiн; немесе
ii - ИДБ-ның Президентi белгiлi мөлшерде өкiлеттiк берген
"тұрақты өкiлдiк" берген "тұрақты өкiлдiң" тұлғасын айқындайды.
д. "тұрақты өкiл" түсiнiгi Президенттiң өзiнiң немесе шешiмiмен
тағайындалған тұлғаны айқындайды.
е. "Алматы өкiлдiгiнiң мұражайы" түсiнiгi Алматы өкiлдiгiнiң
еншiсiндегi немесе оның иелiгiндегi корреспонденцияларды, құжаттарды,
көшiрмелердi, қолжазбаларды, фото, киноматериалдарды және
фонограммаларды айқындайды.
Алматыдағы өкiлдiктi қорғау мен
оның қызметiн бақылау
2-бап
1. Осы Келiсiмде көрсетiлгендей Алматыдағы өкiлдiк тәуелсiз
Президент билiгiнiң бақылауында болады.
2. Қажеттi қызметтi қамтамасыз ету және оған жағдай туғызуды қамтамасыз ету мақсатымен Алматыдағы өкiлдiктiң қызмет шегiне сәйкес Президент қызмет тәртiбiн және оның өкiлдерiн тағайындайды.
3-бап
1. Қазақстан Республикасының ресми немесе өкiлеттi адамдары олардың әкiмшiлiк, заңдық, әскери немесе құқық қорғау басқа да органдарға жататындығына қарамай Алматыдағы өкiлдiкке оның тұрақты өкiмнiң шарттарынсыз баруға ерiктi емес. Бiрақ дереу әрекеттi қажет ететiн өрт басқа да апат жағдайында мұндай келiсiм алынды деп есептелiнедi.
2. Осы Келiсiмге және ИДБ-ның құрылтайшылық келiсiмнiң
шарттарына зиян әкелмейтiн тұлғалардың Алматыдағы өкiлдiктен баспана
iздеуiне;
а. Қазақстан республикасының заңдары бойынша тұтқындалудан
қашқандарға;
б. Үкiметтiң талабы бойынша басқа Мемлекеттерге қуылуға
жататындарға, немесе
в. соттарға жауапкершiлiктен жалтарушыларға
Президент жол бермейдi.
4-бап
1. Алматыдағы өкiлдiктiң тұрағына немесе оған жақын аумақтың
тыныштығын сақтау үшiн сырттан келген топтар мен жеке тұлғалардың
оған баса көктей енуiне Үкiмет қажеттi көмек көрсетедi.
5-бап
Алматыдағы өкiлдiк резидентiнiң келiсiмiнсiз жасалған осы
құжаттардың орындалуынан айыратын кез-келген әрекетке Үкiмет сапа мен
негiзге жататын деңгейде тосқауыл қояды.
Кiру және тұру мүмкiндiгi
6-бап
1. ИДБ-ның шақыруы бойынша өзiнiң ресми мiндеттерiн орындайтын кез-келген нақты тұлғаның Алматы өкiлдiгiне кiру және шығу мүмкiндiгiне Үкiмет ешқандай кедергi келтiрмейдi.
2. Алматы өкiлдiгiне Алматыдағы өкiлдiктiң мiндеттерiн орындауға байланысты болуға, Алматыдағы өкiлдiкке кiруге немесе оның аумағына тұруға жоғарыда көрсетiлгендердi iске асыру үшiн:
а. Президентке;
б. ИДБ-нiң атқарушы директорларының және олардың мiндетiн атқарушы тұлғаларға;
в. ИДБ-i вице-президентiне;
г. Алматы өкiлдiгiнде жұмыс iстейтiндерге, ресми тұлғаларға және Алматы өкiлдiгiнiң тұрақты өкiлдерiне;
д. Алматыда өкiлдiктiң тұрақты өкiлдерi мен ресми тұлғалардан басқа Алматы өкiлдiгiнiң тапсырмаларын орындайтын басқа тұлғаларға;
е. Президенттiң шақыруымен кiруге рұқсат берiлген немесе оның
аумағында қызмет бабын орындауға келген тұлғаларға;
ж. Алматы өкiлдiгiнiң ресми тұлғаларының қамқорлығындағы отбасы
мүшелерiне;
Үкiмет кедергiсiз рұқсат бередi.
3. Қажет болған жағдайда 2 бапта көрсетiлген тiзiмдегiлерге
ақысыз және жедел виза берiледi.
4. Ресми қызмет мiндеттерiн орындау үшiн 2 бапта тiзiлген
тұлғаларға Қазақстан Республикасында тұруды шектеуге, тыйым салуға
шаралар қолданбайды.
5. 2 бапта аталғандардан басқаларға осы баптың тәртiбi жүрмейдi,
а. осы бапта қарастырылған тәртiптерге негiздемелер болмаған
жағдайда; немесе
б. денсаулық және карантин қызметiнiң талаптарын орындағанда.
6. Алматы өкiлдiгi осы баптың 2 тармағында көрсетiлген
тұлғалардың есiмдерiн Үкiметке баян етедi.
Байланыс, транспорт және коммуналдық қызметтер көрсету
7-бап
Алматы өкiлдiгiне ресми қызмет көрсету тәртiбi, басқа
халықаралық ұйымдарға Үкiмет көрсететiн кезек пен почта, телеграф,
телефон, факсимилия және тағы басқаларымен салыстырғандағы тәртiптен
өзгеше емес.
8-бап
Алматы өкiлдiгi жөнелтетiн және тапсырыс алатын ресми жазба
хатты және басқа хабарларды цензуралауға ұстауға немесе оларға жол
кесудiң және тексерiп қараудың әлдеқандай өзге тәсiлдерiн қолдануға
болмайды.
9-бап
Алматы өкiлдiгi шрифтарды пайдалануға және дипломатиялық курьерлер мен пакеттерге берiлетiн құқықтарға, иммунитет пен артықшылықтары бар курьерлер немесе жабық пакеттер арқылы iс-қағаздарын жөнелтуге және тапсырыс алуға құқықты.
10-бап
Алматы өкiлдiгi қызмет мақсатында, қажеттi кезiнде немесе Үкiметтiң мүмкiндiгi бар болса, Үкiмет көмегi, елшiлiк миссиялары мен халықаралық ұйымдарға Үкiмет жасайтын көлiк мүмкiндiктерi берiлген жағдайлардан кем емес қолайлы құралдар мен жағдайларды пайдалануға құқықты.
11-бап
1. Президенттiң талабы бойынша, Алматы өкiлдiгiн басқалармен тең жағдайда электрмен және сумен жабдықтауды қамтамасыз ету үшiн пәрмендi шаралар қолданады және Алматы өкiлдiгiне почта, телеграф, телефон байланысы, көлiк, аумақты тазарту және қоқысты шығару жөнiндегi коммуналдық қызмет, өрттен қорғану, тағы сол сияқты қызметтер көрсетiлуiн қамтамасыз етедi.
2. Аталған қызметтердi көрсету үзiлген немесе үзiлуi мүмкiн жағдайларда, Үкiмет өз қарамағындағы негiзгi құрылымдардың осындай талаптарына тең негiздер бойынша Алматы өкiлдiгiнiң тиiстi қажеттерiн қарауға мiндеттi.
12-бап
Осы Келiсiмде айтылған ешбiр нәрсе Алматы өкiлдiгiнiң, Үкiмет пен ИДБ арасындағы уағдаластық бойынша, Алматы өкiлдiгiнiң қауiпсiздiгiн қамтамасыз ету жөнiнде тиiстi шаралар қолдануына кедергi боларлықтай түсiндiрiлуi мүмкiн емес. Алматы өкiлдiгiнiң мүлiктерi, қаржылары және активтерi.
13-бап
Алматы Өкiлдiгiнiң мүлкi мен қаржысы, олар қайда және кiмнiң өкiлеттiгiнде болмасын, кез-келген айып iздеу формасына қарсы қорғанышпен, Президент бұл құқықтан анық формада бас тартқан жағдайдан басқа жағдайларда қолданады.
14-бап
1. Алматы архивтерiнiң Өкiлеттiгi және жалпы, оған қатысты
немесе оның қарауындағы барлық құжаттар, қай жерде болмасын, дербес
құқықты болып табылады.
2. Алматы Өкiлдiгiнiң мүлкi мен жеке меншiгi мыналардан
босатылады:
а. Қоғамдық коммуналдық қызметтердiң ажыратылмайтын бөлiгi болып
табылатын салықтардан басқа барлық тiкелей салықтардан;
б. Барлық кеден баждарынан;
в. Импорт/экспорт бойынша тиымдар мен шектеулер:
(i) өздерiнiң ресмилiгiн жүзеге асыру үшiн Алматы Өкiлдiгiнiң
әкелiнетiн немесе шығарылатын тауарларға; және ИДБ-ның әкелiнетiн
немесе шығарылатын басылымдары.
15-бап
1. Алматы Өкiлдiгi бөгетсiз:
а. Өкiлеттiгiндегi банктерден валюта ала алады, оны жұмсай алады және пайдалана алады, сондай-ақ белгiленген тәртiппен архивтердi және бағалы қағаздарды сатып ала алады, ұстай алады және сата алады;
б. Банктiк шотесептерде кез-келген валютамен операциялар жүргiзе алады;
в. Өздерiнiң ақшалай қаржыларын, бағалы қағаздарын және валютасын Қазақстан Республикасына және одан кез-келген басқа елдерге немесе Қазақстан аумағындағы кез келген жерге аудара алады, сондай-ақ Қазақстан Республикасының банктерiндегi өздерiнiң шотесептерi арқылы кез-келген валютаны кез-келген валютаға аудара алады.
Қорғаныш, артықшылықтар және жеңiлдiктер
(Тұрақты өкiлдiк)
16-бап
1. Тұрақты өкiлдiк Қазақстан Республикасындағы Алматы Өкiлдiгiн басқарады және Үкiметпен ИДБ арасындағы бас сарапшы болып табылады.
2. Өзiнiң ресми қызметтiк мiндетiн атқару барысы кезiнде және оның Алматы Өкiлдiгiнен және Алматы Өкiлдiгiне сапары кезiнде тұрақты өкiлдiк Қазақстан Республикасының аймағында тұрақты дипломатиялық өкiлдiктердiң және басқа халықаралық ұйымдардың осыған ұқсас дәрежедегi ресми адамдарына берiлетiн халықаралық құқыққа сәйкес Үкiмет берген қорғанышпен және артықшылықпен пайдаланылады.
3. ИДБ-нiң тұрақты өкiлдiгi немесе басқа да төлемдер түрiнде алатын қаржылар салық төлеудiң қай түрiне болса да жатпайды.
(Алматы Өкiлдiгiнiң ресми адамы)
17-бап
1. Алматы Өкiлдiгiнiң адамы Қазақстан Республикасының аумағында мынадай қорғаныштармен, артықшылықтармен пайдаланылады:
а. Айтқан немесе жазған сөзi үшiн, не болмаса өзiнiң қызмет бабындағы мiндетiн орындау кезiнде жасаған әрекетi үшiн сот қуғынына қарсы қорғанысты;
б. Жеке басының тұтқындалуына немесе ұсталуына қарсы қорғанысты;
в. Олардың ресми немесе жеке жүктерiн тұтқынға алуға қорғанысты;
г. ИДБ-нiң директорларының, олардың орынбасарларының, аға қызметкерлерiмен басқа да кәсiби қызметкерлерiнiң еңбекақы немесе басқа да төлем түрiнде ИДБ-мен алған қаржыларына салық салуды босатуды;
д. Иммиграция шектеудiң қандай да түрiне және жеке өзiне және оның асырауындағы отбасы мүшелерiне қатысты шетел азаматы ретiнде тiркеуге қарсы қорғанысты;
е. Дипломатиялық миссия және оларға қарсы теңестiрiлген халықаралық ұйымдар мүшелерiне Үкiмет берген артықшылықтармен валюталық қызмет көрсетуде;
ж. Резидент еместердiң, ереже шеңберiнде, шетелге қаржы аударуды реттеуiн;
(i) Қазақстан Республикасы аумағында валюталық және теңгелiк шотесептермен пайдалану еркiндiгiмен;
(ii) бағалы қағаздарға және басқа да меншiктерге, миссиялардың және оларға теңестiрiлген халықаралық ұйымдардың қызметкерлерi мен жетекшiлерi берiлетiн ие болу еркiндiгiмен;
(iii) Алматы Өкiлдiгiнде қызмет еткен уақыттарында және ол аяқталғанда, Алматы Өкiлдiгiнiң ресми тұлғалары бұл қаржыларға ие болу заңдылығын дәлелдейтiн жеткiлiктi дәйектеме берген жағдайда, Қазақстан Республикасынан кез-келген шетел валютасымен кедергiсiз және шексiз мөлшерде қаржы әкету құқымен;
з. Қазақстан Республикасында қызметiне кiрiскен уақыттан бастап 12 ай мерзiм iшiнде жеке транспортты, мебельдi және басқа да мүлiктердi шектеусiз және тиымсыз, баж салығынсыз және алымсыз әкелу құқығымен;
и. ұлттық еңбек және әскери мiндеттен босатылуымен;
к. дипломатиялық миссиялардың және оларға теңестiрiлген халықаралық ұйымдардың мүшелерiнiң Алматы Өкiлдiгi қызметкерлерiнiң өзiнiң және отбасы мүшелерiнiң репатриациялық құқықтары бiрдей және халықаралық күйзелiс немесе төтенше жағдайлар кезiнде оларды Қазақстан Республикасы мемлекеттiк органдарының қорғауымен;
2. Бұл баптың 1 параграфындағы (д)-(қ) тармақтардың ережелерi Қазақстан Республикасының қызметкер-азаматтарына таратылмайды.
18-бап
Үкiмет Алматы Өкiлдiгiнiң барлық ресми адамдарын және олардың зайыбын Алматы Өкiлдiгiнiң ресми қызметкерi немесе осы ресми өкiлдiң зайыбы болып табылатынын, олар осы Келiсiмде көрсетiлген қорғанышпен, артықшылықпен және жеңiлдiкпен қамтылғанын көрсетушiге жеке куәлiк бередi.
19-бап
1. Осы Келiсiмнiң 16 және 17 баптарында қарастырылып отырған
қорғаныштар, артықшылықтар және жеңiлдiктер ИДБ-не берiледi, жеке
адамдардың мүдделерi үшiн мұндай құқықтар, артықшылықтар және
жеңiлдiктер берiлмейдi.
2. Президент кейбiр адамдарға берiлген 16 және 17 баптарда
аталған қорғаныш құқықтарынан, оның пiкiрiнше, мұндай құқық әдiлдiкке
жетуде кедергi болатын болса бас тарта алады және ИДБ-нiң мүддесiне
нұқсан келтiрмей қайта шақыртып ала алады.
Үкiмет жасайтын, материалдық-техникалық
қамтамасыз ету
20-бап
Үкiмет пайдалану шығындарынан басқа (электр, су, жылу жүйесi
телекоммуникация және басқа коммуналдық қызметтер) ақыны ұстамастан,
Президенттiң талабы бойынша, Алматы Өкiлдiгiне офис үшiн жеке
орналасқан қолайлы құрылыс жайын бередi және Алматы
Өкiлдiгi қызметкерлерi үшiн ыңғайлы тұрғын үйлер алуы үшiн барлық
қолайлы жағдайды жасайды.
Жалпы ережелер
21-бап
1. Алматы Өкiлдiгiнiң тұрақты өкiлi және басқа ресми қызметкерлерi заңдылықтың мүлтiксiз сақталуына көмектесу үшiн Үкiметпен ұдайы ынтымақтастықта болады және елдiң iшкi өмiрiнiң ережелерi мен тәртiбiн сақтауға және осы Келiсiм бойынша өздерiне берiлетiн қол сұғылмайтын құқықтар, артықшылықтар мен жеңiлдiктер ешқандай асыра сiлтеушiлiкке жол бермеуге мiндеттенедi.
2. Егер Үкiметтiң пiкiрi бойынша асыра сiлтеуге орын берiлсе, Президент оны түзеу жөнiнде кез-келген қажеттi және тиiстi әрекеттер бойынша дереу Үкiметпен кеңесетiн болады.
Түсiндiрме, қолданым және түзетулер
22-бап
1. ИДБ-нiң Құрылтайшылық Шарты мен осы Келiсiм, мүмкiндiгiнше, бiрiн-бiрi толықтырып отырады деп қаралады, ал бiрақ шешiлмейтiн қарама-қайшылық жағдайында, осы Келiсiмнiң ережелерi басым болып саналады.
2. Бұл Келiсiмнiң ережелерi Алматы Өкiлдiгiнiң қызметтерi мен мiндеттерiн бiршама жақсы мүмкiн тәсiлдерiмен жөнелту үшiн жағдай жасау болып табылатын оның жарыққа шығуы мақсатында айтылуы керек.
23-бап
1. Үкiмет пен ИДБ-нiң екi жақты хат алмасу келiсiмi бойынша бұл Келiсiмге өзгерiс енгiзiлуi мүмкiн. Бұл Келiсiмнiң мақсатын жүзеге асыруға ықпал ету мақсатымен Үкiмет пен ИДБ қосымша келiсiмдер жасай алады.
2. Бұл келiсiмдегi кез-келген өзгертулер мен толықтырулар бойынша консультациялар жақтардың бiрiнiң талап етуi бойынша тоқтаусыз тәртiпте жүргiзiледi.
Дауларды шешу
24-бап
1. Үкiмет пен ИДБ арасында баян етуге немесе бұл Келiсiмдi
қолдануға немесе келiсiм жолымен немесе жақтар келiсiмiн басқа
тәсiлмен шешуге болмайтын дау туа қалған жағдайда, дау үш адамнан
құралған, бiрiн - Үкiмет тағайындаған, екiншiсiн - ИБД және үшiншiсiн
- екi жақ сайлаған, төрелiк соттың, не болмаса олар келiсiмге келе
алмаған жағдайда - Ислам Конференциясы Ұйымының Бас хатшысының
қарауына бередi.
2. Төрелiк сот өзiнiң шешiмiн айқындайды, ал оның шешiмi екi жақ
үшiн де соңғы шешiм және мiндеттi болып табылады.
Соңғы ереже
25-бап
Бұл Келiсiм Алматы Өкiлдiгiнiң Қазақстан Республикасының
аймағында әрекет етiп тұрған барлық уақытта күшiнде болады.
26-бап
Бұл Келiсiмге қол қойылған күннен бастап уақытша әрекет ету
сипаты берiледi. Ол күшiне, ИБД Үкiметтен мемлекетiшiлiк әрекеттердi
орындағандығы туралы оның күшiне ену үшiн қажеттiлiгiн бiлдiретiн
хабарлама алғаннан кейiн енедi.
МЫНАНЫ КУӘЛАНДЫРУ ҮШIН, ҮКIМЕТ және ИДБ, әрқайсысы өзiнiң
мiндеттi жағдайда өкiлдiк өкiлеттiлiгi арқылы әрекет ете отырып,
бұл Келiсiмнiң ағылшын және қазақ тiлдерiнде бiрдей күшке ие төрт
данасына 1996 жылдың ____ күнiне ____________ айына сәйкес келетiн,
осы айдың ____ күнi ___________ 1417Н қол қойды.
Қазақстан Республикасы Ислам Даму Банкi
Үкiметi үшiн үшiн
