Қазақстан Республикасының Үкiметi қаулы етедi:
1. Қазақстан Республикасы министрлiктерiнiң, мемлекеттiк
комитеттерiнiң, өзге орталық атқарушы органдарының және
ведомстволарының басшыларына (басшыларының орынбасарларына) сыйақы
беру туралы қоса берiлiп отырған Ереже бекiтiлсiн.
2. Осы қаулы 1997 жылдың 1 маусымынан бастап күшiне енгiзiледi.
Қазақстан Республикасының
Премьер-Министрi
Қазақстан Республикасы
Үкiметiнiң
1997 жылғы 12 маусымдағы
N 964 қаулысымен
бекiтiлген
Қазақстан Республикасы министрлiктерiнiң, мемлекеттiк
комитеттерiнiң, өзге орталық атқарушы органдарының
және ведомстволарының басшыларына (басшыларының
орынбасарларына) сыйақы беру туралы
ЕРЕЖЕ
I. Жалпы ережелер
1. Осы Ереже "Мемлекеттiк қызмет туралы" Қазақстан Республикасы Президентiнiң Заң күшi бар Жарлығына сәйкес, министрлiктердiң, мемлекеттiк комитеттердiң, өзге де орталық атқарушы органдарының және ведомстволардың басшыларының (басшылары орынбасарлардың) (бұдан әрi - басшылардың) функционалдық мiндеттерi мен жүктемелерiн уақтылы және сапалы орындағаны үшiн материалдық көтермелеу мақсатында әзiрлендi.
2. Басшыларға сыйақы беру Қазақстан Республикасы Президентiнiң 1997 жылғы 1 сәуiрдегi N 3436 U973436_ Жарлығымен бекiтiлген Мемлекет бюджетi есебiнен ұсталатын Қазақстан Республикасы органдарының қызметкерлерiне еңбекақы төлеудiң бiрыңғай жүйесiне сәйкес еңбекке ақы төлеу қорының осы мақсаттарға көзделген қаражаты шегiнде жүргiзiледi.
3. Басшылар орталық аппарат қызметкерлерiне сыйақы беру туралы ережелердi өз бетiнше әзiрлеп, бекiтуге құқылы.
II. Сыйақы берудiң көрсеткiштерi мен шарттары
4. Қызметтiң сыйақы алуға құқық беретiн нәтижелерiн сипаттайтын негiзгi көрсеткiштерi мыналар болып табылады:
орталық атқарушы органға және ведомствоға Қазақстан
Республикасының Үкiметi бекiткен осы органдар туралы Ережеге сәйкес
жүктелген функциялар мен мiндеттердi орындау;
мыналарды уақтылы және сапалы орындау;
Қазақстан Республикасы Үкiметiнiң iс-қимыл жоспарының шаралары;
Қазақстан Республикасы Үкiметiнiң Заң жобалары жөнiндегi жұмыс
жоспары;
Қазақстан Республикасы Президентiнiң, Үкiметiнiң және
Премьер-Министрiнiң актiлерi мен тапсырмалары.
сыйақы берудiң негiзгi шарты мемлекеттiк және еңбек тәртiбiн
сақтау болып табылады.
III. Сыйақыны бекiту мен төлеу тәртiбi
5. Қазақстан Республикасы Премьер-Министрiнiң Кеңсесi орындаушылық тәртiптiң ахуалы туралы ақпараттың негiзiнде және Қазақстан Республикасы Премьер-Министрiнiң жетекшiлiк ететiн орынбасарымен келiсе отырып, Қазақстан Республикасының Премьер-Министрiне басшыларға сыйақы беру (сыйақы бермеу) туралы ұсыныс әзiрлейдi (осы Ережеге қоса берiлiп отырған сыйақының мөлшерiн келiсу парағына сәйкес), Премьер-Министр сыйақы төлеуге рұқсат бередi.
6. Сыйақы төлеу күнтiзбелiк айда нақты жұмыс iстелген уақыт үшiн бiлiктiлiк сыныптары, әскери атақтары, сыныптық шендерi үшiн қосымша ақылар мен еңбек сiңiрген жылдары үшiн үстемелердi есепке ала отырып, лауазымдық жалақының 33 процентi мөлшерiнде жүргiзiледi.
7. Сыйақы басшыларға, әдетте, есептi кезең аяқталған соң бiр ай
мерзiмнен кешiктiрiлмей төленедi.
8. Жаңадан тағайындалған басшыларға сыйақы нақты жұмыс iстелген
уақыт үшiн келесi айда төленедi.
9. Осы Ережеге сәйкес төленетiн сыйақылар орташа жалақыны
есептеу кезiнде ескерiледi.
IV. Сыйақыдан айыру (оны төмендету) негiздерi мен
тәртiбi
10. Сыйақыдан айыру (оны төмендету) үшiн негiздер мыналар болып
табылады:
белгiленген тәртiп қайтарылған нормативтiк-құқықтық актiлер жобаларын сапасыз әзiрлеу, Қазақстан Республикасы Президентi Әкiмшiлiгiнiң, Үкiметiнiң және Премьер-Министрi Кеңсесi Басшысының (оның орынбасарының) тапсырмаларын белгiленген мерзiмде орындамау - тиесiлi сыйақының 25 процентiне дейiн;
нормативтiк-құқықтық актiлер жобаларын қайта ұсыну мерзiмiн бұзу, сонымен қатар олардың келiсiлмеген жобаларын Қазақстан Республикасы Премьер-Министрiнiң Кеңсесiне ұсыну - тиесiлi сыйақының 50 процентiне дейiн;
Үкiметтiң iс-қимыл жоспарының шараларын, Үкiметтiң заң жобалары жөнiндегi жұмыс жоспарын Үкiметтiң қаулыларын және Қазақстан Республикасы Премьер-Министрiнiң өкiмдерiн уақтылы және сапалы орындамау - тиесiлi сыйақының 75 процентiне дейiн.
Мемлекеттiк және еңбек тәртiбiн бiр рет өрескел бұзған не нормативтiк құқықтық актiлердiң белгiленген ұсыну және орындау мерзiмдерiн бiрнеше рет (екi және одан да көп) бұзған, жүктелген функциялар мен мiндеттердi орындамаған жағдайда, сондай-ақ тәртiп бұзу әрекетiн жасағанда не әкiмшiлiк құқық бұзғанда тиiстi лауазымды адам 100 процент мөлшерiндегi сыйақыдан айырылады.
11. Қазақстан Республикасы Премьер-Министрiнiң ұйғарымына қарай
осы Ереженiң 10-тармағында көрсетiлген негiздер бойынша белгiленген
сыйақыдан айыру мөлшерi өзгертiлуi мүмкiн.
12. Лауазымды адамды сыйақыдан айыру ол мемлекеттiк және еңбек
тәртiбiн бұзған, өзiне жүктелген мiндеттердi орындамаған және тиiстi
түрде орындамаған, лауазымды өкiлеттiктерiн асыра пайдаланған
жағдайларда оған тәртiптiк жаза қолдануға кедергi бола алмайды.
Қосымша
Басшыға (басшының орынбасарына)
берiлетiн сыйақы мөлшерiн
келiсу парағы
_______________________________
(министрлiктiң, мемлекеттiк
_______________________________
комитеттiң атауы)
_______________________________
(қай жылға және айға)
______________________________________________________________
Аты-жөнi Ескертулер Сыйақыны төмен.
дету немесе одан
айыру туралы
ұсыныс
______________________________________________________________
1 2 3 4
______________________________________________________________
Премьер-Министрдiң Есiмов А.С.
бiрiншi орынбасары
Премьер-Министрдiң Дүйсенов Д.Т.
орынбасарлары Кәрiбжанов Ж.С.
Тасмағамбетов И.Н.
Павлов А.С.
Премьер-Министр Бегахметов Т.К.
Кеңсесiнiң Басшысы
Кеңсе Басшысының Котлов А.Н.
орынбасарлары Қасымов А.Қ.
Ермекбаев Қ.Е.
Үкiмет шешiмдерiн Котенко Н.Л.
әзiрлеудi үйлестiру
бөлiмi
Мемлекеттiк қызмет Пепенин А.С.
және кадр жұмысы
бөлiмi
Сыртқы байланыстар Нұралиев С.Қ.
және хаттама бөлiмi
Заң қызметi Жиленков С.В.
______________________________________________________________
