Үндiстан Республикасының несиесiн одан әрi пайдалану туралы

Қазақстан Республикасы Үкiметiнiң қаулысы 1997 жылғы 14 шiлдедегi N 1109

Қазақстан Республикасының Үкiметi мен Үндiстан Республикасы Үкiметiнiң арасында қол қойылған 1993 жылғы 23 шiлдедегi Келiсiмнiң шеңберiнде Үндiстан Республикасы берген несиенiң бiрiншi траншын түпкiлiктi жүзеге асыру мақсатында Қазақстан Республикасының Үкiметi қаулы етедi:
1. Қазақстан Республикасының Қаржы министрлiгi:
"Центркредит" Банкi ашық акционерлiк қоғамымен соңғысының "Тағам" акционерлiк компаниясының iс жүзiндегi жобалары бойынша негiзгi борыш пен несие проценттерiн өтеу жөнiндегi мiндеттемелерiн қамтамасыз ету жөнiндегi келiсiмдi ресiмдеудi аяқтасын;
Үндiстан Республикасының Қаржы министрлiгiне берiлген несиенiң бiрiншi траншы бойынша негiзгi борыштың бiрiншi төлену мерзiмiн ұзарту туралы өтiнiш жасап хат жолдасын.
2. Қазақстан Республикасының Денсаулық сақтау министрлiгi "Казах Аджанта фарма Лтд" қазақстан-үндiстан кәсiпорнымен бiрлесiп "Алматы қаласындағы фармацевтика заводының құрылысы" жобасын жүзеге асыруды аяқтасын.
3. Қазақстан Республикасының мемлекеттiк экспорт-импорт банкi

Қазақстан Республикасының Қаржы министрлiгiмен шетел несиесiне қызмет
көрсету агенттiк келiсiм жасасын.
     4. Қазақстан Республикасының Қаржы министрлiгi Үндiстан
Республикасы несиесiнiң бiрiншi траншын оны одан әрi есепке алуы үшiн
мемлекет кепiлдiк берген сыртқы борыш тiзiлiмiнде көрсетсiн.
     5. Қазақстан Республикасының Сыртқы iстер министрлiгi Қаржы
министрлiгiмен бiрлесе отырып Үндiстан Республикасының Үкiметiне
несиенiң екiншi траншын пайдаланудан бас тарту туралы ресми ұсыныс
жолдасын.

     Қазақстан Республикасының
        Премьер-Министрiнiң
        бiрiншi орынбасары