Демалыс күнiн көшiру туралы

Қазақстан Республикасы Үкiметiнiң қаулысы 1997 жылғы 21 қарашадағы N 1627

1997 жылғы желтоқсанда еңбекшiлердiң демалысы үшiн қолайлы

жағдайлар жасау және жұмыс уақытын пайдалану мақсатында Қазақстан
Республикасының Үкiметi қаулы етедi:
     1. Демалыс күнi 1997 жылғы 13 желтоқсандағы сенбiден 1997 жылғы
15 желтоқсанның дүйсенбiсiне көшiрiлсiн.
     2. Қажет өнiм шығару, сондай-ақ құрылыс объектiлерiн iске қосу
үшiн еңбек, материалдық және қаржы ресурстарымен қамтамасыз етiлген
ұйымдарға кәсiподақ комитеттерiнiң келiсiмiмен 1997 жылдың 15
желтоқсанында жұмыс жүргiзуге құқық берiлсiн.
     Көрсетiлген күнгi жұмыс қолданылып жүрген заңдарға сәйкес
өтеледi.

     Қазақстан Республикасының
          Премьер-Министрi