"Уран мен оның қосылыстарының, атом энергетикасы станцияларына арналған ядролық отынның, арнаулы жабдықтар мен технологиялардың, қос мақсатта қолданылатын материалдардың экспорты мен импорты жөнiндегi Ұлттық оператор туралы ереженi бекiту туралы" Қазақстан Республикасы Үкiметiнiң 1997 жылғы 26 қарашадағы N 1659 P971659_ қаулысын орындау үшiн Қазақстан Республикасының Үкiметi қаулы етедi:
1. "Қазатомөнеркәсiп" ұлттық компаниясы Қазақстан Республикасы Қаржы министрлiгiнiң Қаржы бақылау комитетiмен және Қазақстан Республикасы Қаржы министрлiгiнiң Мемлекеттiк мүлiк және жекешелендiру департаментiмен бiрлесiп заңда белгiленген тәртiппен бiр ай iшiнде:
"КАТЭП" АҚ-ның 1995-1997 жылдардағы кезеңде бұрын оның басқаруында болған мемлекеттiк кәсiпорындар мен акционерлiк қоғамдарға тиесiлi өнiмнiң есебiнен алған валюталық түсiмдерi бойынша бұрын жүргiзiлген өзара есеп айырысуларын тексерудi жүзеге асырсын және негiзсiз ұсталған сомалар анықталған жағдайда оларды қайтару жөнiнде қажеттi шаралар қолдансын;
"КАТЭП" АҚ-ның 1998 жылғы 1 қаңтардағы жағдай бойынша активтерi мен пассивтерiн нақтыласын.
2. Қазақстан Республикасының Энергетика, индустрия және сауда министрлiгi заңда белгiленген тәртiппен:
"КАТЭП" акционерлiк компаниясы мен шетел фирмаларының арасында жасалған уран өнiмiнiң экспорты бойынша құқықтар мен мiндеттемелердi "КАТЭП" акционерлiк қоғамынан "Қазатомөнеркәсiп" ұлттық атом компаниясына берудi қайта ресiмдеу жөнiнде;
бiр ай мерзiмде атом энергетикалық станцияларын (АЭС) жобалау және құрылысын салу бойынша функцияларды, сондай-ақ радиоактивтiк қалдықтарды кәдеге жарату және көму (сақтау) республикалық жүйесiн құру жөнiндегi функцияларды "КАТЭП" акционерлiк қоғамынан "Қазатомөнеркәсiп" ұлттық атом компаниясына беру жөнiнде қажеттi шаралар қолдансын.
3. Қазақстан Республикасы Қаржы министрлiгiнiң Кеден комитетi Қазақстан Акционерлiк Халықтық Жинақ банкiмен бiрлесiп заңда белгiленген тәртiппен уран өнiмiмен экспорттық операцияларға арналған мәмiлелер жасау паспортын "Қазатомөнеркәсiп" ұлттық атом компаниясына қайта ресiмдесiн.
4. Мыналардың күшi жойылған деп танылсын:
"КАТЭП" атом энергетикасы және өнеркәсiбi жөнiндегi ұлттық акционерлiк компаниясы туралы" Қазақстан Республикасы Министрлер Кабинетiнiң 1993 жылғы 31 тамыздағы N 752 қаулысы (Қазақстан Республикасының ПҮАЖ-ы, 1993 ж., N 34, 394-құжат);
"Қазақстан Республикасының уран өнеркәсiбi мен атом
энергетикасын реформалауды тереңдету және оны одан әрi дамыту
жөнiндегi шаралар туралы" Қазақстан Республикасы Үкiметiнiң 1996
жылғы 22 қарашадағы N 1430
қаулысы 8-тармағының
екiншi- жетiншi абзацтары.
ЕСКЕРТУ. 4-тармақтың 3 абзацы өзгертiлдi - ҚРҮ-нiң 1998.04.17.
N 347 қаулысымен.
Қазақстан Республикасының
Премьер-Министрi
