"Астана қаласында халықаралық әуежайды қайта жаңарту" жобасын іске асыру туралы

Жаңартылған

Қазақстан Республикасы Yкіметінің қаулысы »1998 жылғы 29 маусым N 611

      Астана қаласындағы халықаралық әуежайды қайта жаңарту мақсатында Қазақстан Республикасының Yкіметі ҚАУЛЫ ЕТЕДІ:
      1. Мемлекеттік сыртқы заем есебінен ішінара қаржыландырылатын, 180 миллион Америка Құрама Штаттары долларынан аспайтын сомадағы "Астана қаласындағы халықаралық әуежайды қайта жаңарту" жобасы мақұлдансын.
      2. Қазақстан Республикасы Стратегиялық жоспарлау және реформалар жөніндегі агенттігінің және Көлік және коммуникациялар министрлігінің осы жобаны қаржыландыру үшін Жапонияның Шетелдік экономикалық ынтымақтастық қорының (ОЕСF) заемын тарту туралы ұсынысына келісім берілсін.
      3. "Астана халықаралық әуежайы" жабық акционерлiк қоғамы Жапонияның Шетелдік экономикалық ынтымақтастық қорының (OECF) заемы бойынша "Атқарушы агенттік" (түпкілікті заемшы) болып және Қазақстан Республикасының Көлік және коммуникациялар министрлігі OECF заемы бойынша "Қадағалаушы агенттік" (тартылған қаражаттың ұтымды, тиімді пайдаланылуын қамтамасыз ету жөніндегі уәкілетті мемлекеттік орган) болып белгіленсін.
      ЕСКЕРТУ. 3-тармақ өзгерді - ҚР Yкiметiнiң 2002.09.27. N 1062
               қаулысымен. P021062_
      4. Қазақстан Республикасы Стратегиялық жоспарлау және реформалар жөніндегі агенттігінің және Көлік және коммуникациялар министрлігінің ұсыныстарын есепке ала отырып, Қазақстан Республикасының Қаржы министрлігі OECF заемның 20%-ін "Астана халықаралық әуежайы" жабық акционерлік қоғамына несие ретінде, 80%-ін өтеусіз негізде республикалық бюджеттен береді деп белгіленсін.
      ЕСКЕРТУ. 4-тармақ өзгерді - ҚР Yкiметiнiң 2002.09.27. N 1062
               қаулысымен. P021062_
      5. Қазақстан Республикасы Қаржы министрлігінің Сырттан қарыз алу жөніндегі комитеті, Көлік және коммуникациялар министрлігі және "Астана халықаралық әуежайы" жабық акционерлік қоғамы осы қаулының 3 және 4-тармақтарында көзделген ұсыныстарды есепке ала отырып, Жапонияның Шетелдік экономикалық ынтымақтастық қорымен (OECF) техникалық келіссөздер жүргізсін және хаттамаға қол қойсын.
      ЕСКЕРТУ. 5-тармақ өзгерді - ҚР Yкiметiнiң 2002.09.27. N 1062
               қаулысымен. P021062_
      6. Қазақстан Республикасының Сыртқы істер министрлігі осы қаулының 3, 4, 5-тармақтарында көзделген ережелерді ескере отырып, Жапонияның Сыртқы істер министрлігімен ресми ноталармен алмасуды жүзеге асырсын.
      7. Қазақстан Республикасының Қаржы министрлігі: Қазақстан Республикасының Сыртқы істер министрлігімен бірлесе отырып, Жапонияның Шетелдік экономикалық ынтымақтастық қорымен (OECF) Заем туралы келісімді қол қоюға дайындасын;

 

     "Астана халықаралық әуежайы" жабық акционерлiк қоғамымен тиісті несие

келісіміне қол қойсын;

     1999 жылдан бастап республикалық бюджеттің жобаларында аталған жобаны

өтеусіз қаржыландыру үшін қаражат көздейтін болсын.



     ЕСКЕРТУ. 7-тармақ өзгерді - ҚР Yкiметiнiң 2002.09.27. N 1062         

              қаулысымен. 


P021062_



     8. Осы қаулының орындалуына бақылау жасау Қазақстан Республикасы

Премьер-Министрінің бірінші орынбасары О.Ә. Жандосовқа  жүктелсін.


      Қазақстан Республикасының

           Премьер-Министрі






Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады