Жамбыл облысының Жаңатас және Қаратау қалаларын жылумен жабдықтау жөніндегі жағдайды тұрақтандыру және 1998-1999 жылдардың күзгі-қысқы кезеңіне байланысты төтенше жағдайларды болдырмау мақсатында Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің резервтік қорынан Жамбыл облысының әкіміне төтенше жағдайларды болдырмауға байланысты жұмыстарды қаржыландыруға және тұрғындардың тұрмыс-тіршілігін қамтамасыз ету мәселелерін оңтайландыру мақсатында оларды жинақы орналастыру жөніндегі бағдарламаларды жүзеге асыруға 25000000 (жиырма бес миллион) теңге, Жаңатас қаласы үшін - 20000000 (жиырма миллион) теңге және Қаратау қаласы
үшін - 5000000 (бес миллион) теңге бөлінсін.
2. Қазақстан Республикасының Қаржы министрлігі бөлінген қаражаттың
мақсатты пайдаланылуын бақылауды қамтамасыз етсін.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
