Қарағанды облысында Қарқаралы мемлекеттік ұлттық табиғат паркін ұйымдастыру туралы

Жаңартылған

Қазақстан Республикасы Үкіметінің ҚАУЛЫСЫ 1998 жылғы 1 желтоқсан N 1212

       Қарағанды облысы Қарқаралы және Кент тау-орман алқаптарының бірегей табиғат кешендерін сақтап қалу және қалпына келтіру мақсатында, Қазақстан Республикасы Ауыл шаруашылығы министрлігінің Орман, балық және аң шаруашылығы комитетінің, Ғылым министрлігі - Ғылым академиясының, Экология және табиғи ресурстар министрлігінің және Қарағанды облысы әкімінің ұсынысын ескере отырып Қазақстан Республикасының Үкіметі ҚАУЛЫ ЕТЕДІ:
      1. Шаруашылық жүргізу құқындағы "Қарқаралы орман шаруашылығы" республикалық мемлекеттік кәсіпорны қайта құру жолымен Қазақстан Республикасы Ауыл шаруашылығы министрлігінің Орман, балық және аң шаруашылығы комитетінің қарауындағы "Қарқаралы мемлекеттік табиғат паркі" табиғат қорғайтын мемлекеттік мекеме (бұдан әрі - Мекеме) болып қайта ұйымдастырылсын.
      Мекеме, қайта ұйымдастырылып отырған шаруашылық жүргізу құқындағы "Қарқаралы орман шаруашылығы" республикалық мемлекеттік мемлекеттік кәсіпорнының құқықтары мен міндеттерінің құқықтық мұрагері болып табылады деп белгіленсін.
      2. Мекемеге тұрақты пайдалануға Қарқаралы ауданының шаруашылықтарының пайдаланатын жерлері мен арнайы жер қорынан қосымша, жалпы ауданы 16 481 гектар жер учаскелері қосымшаға сәйкес берілсін.
      3. Құрылып отырған Мекеменің аумағында орналасқан ормандар - мемлекеттік ұлттық табиғат парктерінің ормандары деген қорғаныш санатына жатқызылсын.
      4. Қарағанды облысының әкімі ұйымдастырылып отырған Мекеменің табиғат қорғау режимін қамтамасыз ету мақсатында меншік иелері мен жер пайдаланушылардан жер учаскелерін алмай, оның сыртқы шекарасының бойымен Мекеменің объектілерін сақтап қалу мен қалпына келтіруге кері әсерін тигізетін кез келген іс-әрекетке тыйым сала отырып, екі шақырымдық қорғау аймағын белгілесін.
      5. Қазақстан Республикасы Ауыл шаруашылығы министрлігінің Жер ресурстарын басқару жөніндегі комитеті Мекеме жерлерінің шекарасын жергілікті жерде белгілесін.
      6. Қазақстан Республикасының Ауыл шаруашылығы министрлігінің Орман, балық және аң шаруашылығы комитеті белгіленген тәртіппен:
      екі ай мерзім ішінде Мекеме туралы ережені әзірлеп, бекітсін;
      Мекеменің мемлекеттік тіркелуін қамтамасыз етсін.
      7. Мекемені қаржыландыру республикалық бюджетте Қазақстан Республикасы Ауыл шаруашылығы министрлігіне орман, балық, аң шаруашылығына және ерекше қорғалатын табиғат аумақтарын ұстауға көзделген қаржының есебінен және оның шегінде жүзеге асырылады деп белгіленсін.
      8. Қазақстан Республикасының Ауыл шаруашылығы министрлігі, республикалық бюджетте Қазақстан Республикасының Ауыл шаруашылығы министрлігіне орман, балық, аң шаруашылығына және ерекше қорғалатын табиғат аумақтарын ұстауға 1999 жылға көзделген қаржының шегінде, Нүркен Әбдіров атындағы ауыл шаруашылығы өндірістік кооперативіне Мекемені ұйымдастыру үшін оның жер учаскелерін алуға байланысты келтірілген шығын үшін 3,5 миллион теңге төлейтін болсын.
      9. Күші жойылды - ҚР Үкіметінің 05.08.2013 № 796 қаулысымен.
      10. Осы қаулы қол қойылған күнінен бастап күшіне енеді.

      Қазақстан Республикасының
      Премьер-Министрі

                                    Қазақстан Республикасы Үкіметінің
                                       1998 жылғы 1 желтоқсандағы
                                            N 1212 қаулысына
                                               қосымша

      Қарқаралы мемлекеттік ұлттық табиғат паркіне тұрақты
           пайдалануға берілетін жер учаскелерінің
                             ТІЗБЕСІ

__________________________________________________________________________

|    Жер        |                Учаскелер ауданы, га                     

|пайдаланушылар-|__________________________________________________________

|дың атауы және |        |     Оның ішінде                                

|жер учаскелері |Барлығы ___________________________________________ 

|берілетін      |        |  ауыл  |                    | орманды | Басқа  |

|  жерлердің    |        |шаруашы-|   оның ішінде      |  аумақ  | жерлер |

|   құрамы      |        |  лығы  |____________________|         |        |

|               |        | жерлері|егіс-|шабын-|жайылым|         |        |

|               |        |        |тік-р|дық-р |дар    |         |      

|_______________|________|________|_____|______|_______|_________|________|

|1.Қарқаралы    |        |        |     |      |       |         |        |

|ауыл шаруашылы-| 3 700  | 3 300  | 200 | 100  | 3 000 |   -     | 400    |

|ғы колледжі    |        |        |     |      |       |         |        |

|_______________|________|________|_____|______|_______|_________|________|

|2. Нүркен      |        |        |     |      |       |         |        |

|Әбдіров атында-| 1 811  | 1 502  |  -  |  -   | 1 502 |  159    |  150   |

|ғы ауыл шаруа- |        |        |     |      |       |         |        |

|шылығы өндіріс-|        |        |     |      |       |         |        |

|тік кооперативі|        |        |     |      |       |         |        |

|_______________|________|________|_____|______|_______|_________|________|

|3. Ауданның    |        |        |     |      |       |         |        |

|арнайы жер қоры| 10 970 | 10 285 |  -  | 263  | 10 022|   -     |  685   |

|_______________|________|________|_____|______|_______|_________|________|

|   Барлығы     | 16 481 | 15 087 | 200 | 363  | 14 524|  159    | 1 235  |

|_______________|________|________|_____|______|_______|_________|________|







Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады