Қазақстан Республикасы Үкіметінің тапсырмасы бойынша мұнай өндіруші компаниялар әзірлеген экспорттық құбыр желісі жүйелерінің жобаларын зерделеу мен дайындаудың тиімділігін арттыру мақсатында Қазақстан Республикасының Үкіметі қаулы етеді:
1.
ЕСКЕРТУ. 1-тармақ алынып тасталды - ҚР Үкіметінің 2001.05.02. N 591
қаулысымен. P010591_
2. "ҚазТрансОйл" мұнай тасымалдау жөніндегі ұлттық компаниясы" жабық акционерлік қоғамы (келісім бойынша):
а) Атырау-Самара мұнай желісінің өткізу қабілетін жылына 15 тоннаға дейін арттырудың жобасын әзірлеуді және іске асыруды қамтамасыз етсін;
б) Қазақстан Республикасының Үкіметі тапсырмаларының шарттарына сәйкес Каспий арқылы өтетін мұнайгаз желілерінің және онымен қабаттастырылған көлік жүйелерінің ТЭН-ін әзірлеуді жүзеге асырсын;
в) Қазақстан-Түркменстан-Иран мұнай құбырының жобасы бойынша қажетті техникалық-экономикалық зерттеу жүргізсін.
3. "ҚазТрансОйл" мұнай тасымалдау жөніндегі ұлттық компаниясы"
жабық акционерлік қоғамы Қарашығанақ өнімінің Қарашығанақ мұнайгаз
конденсаты кен орны бойынша өнімді бөлу туралы келісімнің 7.2-бөлімнің
шарттарына сәйкес Қазақстан Республикасының Өкілетті Органы - "Қазақойл"
ұлттық мұнайгаз компаниясы жүргізетін Каспий Құбыр желісі Консорциумының
жүйесіне қосылуы жөніндегі мәселелерді талқылауға қатыссын.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
