Көлік құралдарының Мақтарал ауданынан облыс орталығына және республиканың басқа да аймақтарына жол жүруіне қолайлы жағдай жасау мақсатында Қазақстан Республикасының Үкіметі қаулы етеді:
1. Қазақстан Республикасының Экономикалық жоспарлау жөніндегі агенттігі 2000 жылдан бастап жобаны қаржыландыру үшін сыртқы заемдарды тарту мүмкіндігін пысықтасын.
2. Қазақстан Республикасының Көлік, коммуникациялар және туризм министрлігі 1999 жылғы шілдеде жабық конкурс өткізу арқылы, 1991 жылғы бағамен сметалық құны 31 млн. теңге болатын ұзындығы 37 км. Қызыләскер-Киров автомобиль жолының құрылысын бастауды қамтамасыз етсін.
3. Қазақстан Республикасының Қаржы министрлігі белгіленген тәртіппен:
Қазақстан Республикасының Көлік, коммуникациялар және туризм министрлігіне "Республикалық деңгейдегі автомобиль жолдарының құрылысын салу және қайта жаңарту" бағдарламасы бойынша 1999 жылға арналған республикалық бюджетте көзделген қаржының есебінен Қызыләскер-Киров автомобиль жолын салуды қаржыландыру үшін 1999 жылы 288 млн. теңге сомасында қаражат бөлуді қамтамасыз етсін;
2000 жылға арналған бюджеттің жобасын қалыптастыру кезінде құрылыс кестесіне сәйкес Қызыләскер-Киров автомобиль жолын қаржыландыру үшін қаржы көздесін.
4. "Астана қаласын 1999 жылы дамыту туралы" Қазақстан Республикасы Үкіметінің 1999 жылғы 24 ақпандағы N 161 P990161_ қаулысына мынадай өзгерістер енгізілсін:
3-тармақтың 1) тармақшасының екінші абзацындағы "2000,5" деген сан "1646,5" деген санмен ауыстырылсын;
аталған қаулыға 1-қосымшада:
"Көлік, коммуникациялар және туризм министрлігі" деген жолдағы "Қаржыландыру көлемі" деген бағандағы "819" деген сан "465" деген санмен ауыстырылсын;
"Айналып өтетін айналма жолдың учаскесі (Қарағанды-Павлодар)" деген жолдағы "Іске қосу мерзімі (жыл, тоқсан)" деген бағандағы "маусым 1999 ж." деген сөздер "қыркүйек 2000 ж." деген сөздермен, "Қаржыландыру көлемі" деген бағандағы "819" деген сан "465" деген санмен ауыстырылсын;
"Жиыны" деген жолдағы "Қаржыландыру көлемі" деген бағандағы "2000,5"
деген сан "1646,5" деген санмен ауыстырылсын.
5. Осы қаулының орындалуын бақылау Қазақстан Республикасы
Премьер-Министрінің орынбасары А.С.Павловқа жүктелсін.
6. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
