Арқалық қаласын 1999-2000 жылдардың жылу маусымына дайындау мақсатында Қазақстан Республикасының Үкiметi қаулы етеді:
1. Қазақстан Республикасының Қаржы министрлiгi заңдарда белгiленген тәртiппен Қостанай облысының әкiмiне Арқалық қаласын 1999-2000 жылдардың жылу маусымына дайындауды қамтамасыз ету үшiн 1999 жылға арналған республикалық бюджетте кезек күттiрмейтiн мемлекеттiк мұқтаждарға көзделген қаражат есебiнен 100 (жүз) миллион теңге бөлсiн.
2. Қостанай облысының әкiмi заңдарда белгiленген тәртiппен:
1) осы қаулының 1-тармағында көрсетiлген қаражатты Арқалық қаласының "Арқалық ЖЭО" (бұдан әрi - Кәсiпорын) коммуналдық мемлекеттiк кәсiпорнының алдында қарыздары бар бюджеттiк ұйымдарына олардың кәсiпорын алдындағы берешегін өтеуi үшiн бөлудi;
2) Кәсiпорынның осы қаулыға сәйкес алатын қаражатын "Қазақстан темiр жолы" республикалық мемлекеттiк кәсiпорнына Кәсiпорынның көрсетiлген республикалық мемлекеттiк кәсiпорын алдындағы берешегiн өтеу үшiн аударуын қамтамасыз етсiн.
3. "Қазақстан темiр жолы" республикалық мемлекеттiк кәсiпорны осы
қаулыға сәйкес Кәсiпорыннан алынған қаражатты толық көлемде республикалық
бюджетке төленетiн төлемдер жөнiндегi өз берешегiн өтеуге бағыттасын.
4. Осы қаулының орындалуын бақылау Қазақстан Республикасының
вице министрi Б.Б.Жәмiшевке жүктелсiн.
5. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
