Қазақстан Республикасы Президентiнiң 1997 жылғы 3 наурыздағы N 3375 U973375_ Жарлығымен бекiтiлген Қазақстан Республикасы Президентiнiң стипендияларын тағайындаудың тәртiбi туралы ережеге сәйкес Қазақстан Республикасының Үкiметi қаулы етеді:
1. Қазақстан Республикасының Қаржы министрлiгi Қазақстан Республикасының Ғылым және жоғары бiлiм министрлiгiне Қазақстан Республикасы Президентiнiң "Болашақ" халықаралық стипендиясының стипендиаттарын шет елдерде оқытуға ақы төлеуге 1999 жылға арналған республикалық бюджетте кезек күттiрмейтiн мемлекеттiк мұқтаждарға көзделген қаражаттың есебiнен 342 940 (үш жүз қырық екi миллион тоғыз жүз қырық) мың теңге бөлсiн.
2. Қазақстан Республикасының Ғылым және жоғары бiлiм министрлiгi
Қазақстан Республикасы Президентiнiң "Болашақ" халықаралық стипендиясының
стипендиаттарын шет елдердiң жоғары оқу орындарында оқытуға ақы төлеудi
заңдарда белгiленген тәртiппен қамтамасыз етсiн.
3. Қазақстан Республикасының Қаржы министрлiгi бөлiнетiн қаражаттың
мақсатты жұмсалуын бақылауды жүзеге асырсын.
4. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
