Қазақстан Республикасы мен Қырғыз Республикасы арасындағы екі жақты ынтымақтастықты нығайту және 2003 жылғы 25-26 желтоқсанда Астана қаласында Қырғыз Республикасының Президенті А.А.Ақаевтың Қазақстан Республикасына ресми сапарын дайындау және өткiзу жөнiндегi протоколдық-ұйымдастыру iс-шараларын қамтамасыз ету мақсатында:
1. Қазақстан Республикасының Сыртқы icтep министрлiгі 2003 жылғы 25-26 желтоқсанда Астана қаласында Қырғыз Республикасының Президентi А.А.Ақаевтың Қазақстан Республикасына ресми сапарын (бұдан әрi - caпap) дайындау және өткізу жөнiндегі протоколдық-ұйымдастыру iс-шараларын қамтамасыз етсiн.
2. Қазақстан Республикасы Президентiнiң Ic басқармасы (келiсiм бойынша):
қосымшаға сәйкес Қырғыз Республикасы делегациясының мүшелерiн орналастыру, тамақтандыру және оларға көліктiк қызмет көрсету жөнiнде қажетті шаралар қабылдасын;
2003 жылға арналған республикалық бюджетте "Ресми делегацияларға қызмет көрсету" бағдарламасы бойынша көзделген қаражат есебiнен сапарды өткізу шығыстарын қаржыландыруды қамтамасыз етсiн.
3. Қазақстан Республикасының Iшкi iстер министрлiгi, Қазақстан Республикасы Президентінiң Күзет қызметі (келiсім бойынша), Қазақстан Республикасының Ұлттық қауіпсіздiк комитеті (келiсiм бойынша) Қырғыз Республикасының делегациясы мүшелерiнiң әуежайдағы, тұратын және болатын орындарындағы қауiпсiздігін, сондай-ақ жүретiн бағыттары бойынша бiрге жүрудi қамтамасыз етсiн.
4. Қазақстан Республикасының Көлiк және коммуникациялар министрлігі белгіленген тәртiппен:
Қазақстан Республикасының Қорғаныс министрлiгімен бiрлесiп, Қырғыз Республикасының Президентi арнайы ұшағының Қазақстан Республикасының аумағы үстінен ұшып өтуiн, Астана қаласының әуежайына қонуын және одан ұшып шығуын;
Астана қаласының әуежайында арнайы ұшаққа техникалық қызмет көрсетудi, оның тұрағын және жанармай құюды қамтамасыз етсiн.
5. Қазақстан Республикасының Ақпарат министрлігі сапарды бұқаралық ақпарат құралдарында жариялауды қамтамасыз етсiн.
6. Астана қаласының әкiмi Қырғыз Республикасының ресми делегациясын күтiп алу және шығарып салу, Астана қаласының әуежайы мен көшелерiнiң безендірiлуi жөніндегi ұйымдастыру iс-шараларының орындалуын қамтамасыз етсiн.
7. Қазақстан Республикасының Республикалық ұланы (келiсiм бойынша) Астана қаласының әуежайында Қырғыз Республикасының Президентін күтiп алу мен шығарып салу рәсiмiне қатыссын, Қазақстан Республикасы Президентiнiң атынан қабылдау кезiнде концерттік бағдарлама ұйымдастырсын.
8. Осы өкiмнiң iске асырылуын бақылау Қазақстан Республикасының Сыртқы iстер министрлiгiне жүктелсiн.
Премьер-Министр
Қазақстан Республикасы
Премьер-Министрiнiң
2003 жылғы 24 желтоқсандағы
N 315 өкiмiне
қосымша
Қырғыз Республикасы ресми делегациясының мүшелерiн
орналастыру, тамақтандыру және оларға көлiктiк қызмет көрсету
жөнiндегi ұйымдастыру шаралары
1. Қырғыз Республикасы ресми делегациясының мүшелерiн (1+12) және бiрге жүретiн адамдарды Астана қаласында "Окан Интерконтиненталь-Астана" қонақ үйiне орналастыру, тамақтандыру және оларға көлiктiк қызмет көрсету.
2. Қазақстан Республикасы Президентiнiң Күзет қызметi қызметкерлерiн "Окан Интерконтиненталь-Астана" қонақ үйіне орналастыру.
3. Баспа өнiмдерiн (бeйджер, автокөлiктерге арнайы рұқсатнамалар, куверттiк карталар, қабылдауға шақырулар) дайындау.
4. Қырғыз Республикасының делегациясы басшысы мен мүшелерiне арналған сыйлық және кәдейсыйлар сатып алу.
5. Қырғыз Республикасының делегациясын Астана қаласының әуежайында күтiп алу және шығарып салу кезiнде шай дастарханын ұйымдастыру.
6. Қазақстан Республикасының Президентi Н.Ә.Назарбаевтың атынан Қырғыз Республикасының Президентi А.А.Ақаевтың құрметiне ресми қабылдау ұйымдастыру.
7. Ресми делегацияның мүшелерiне және бiрге жүретiн адамдарға медициналық қызмет көрсету.
