Грузияның Премьер-Министрі Н.Гилауридің Қазақстан Республикасына жұмыс сапарын дайындау және өткізу мақсатында:
1. Қазақстан Республикасы Сыртқы істер министрлігі 2010 жылғы 8-9 сәуірде Астана қаласында Грузия Премьер-Министрінің Қазақстан Республикасына жұмыс сапарын дайындау және өткізу жөніндегі протоколдық-ұйымдастыру іс-шараларын қамтамасыз етсін.
2. Қазақстан Республикасы Президентінің Іс басқармасы (келісім бойынша) қосымшаға сәйкес «1+5» форматы бойынша Грузия делегациясының мүшелеріне қызмет көрсету жөнінде ұйымдастыру шараларын қабылдасын, сапарды өткізуге арналған шығыстарды 2009 жылға арналған республикалық бюджеттен 001 «Мемлекет басшысының, Премьер-Министрдің және мемлекеттік органдардың басқа да лауазымды адамдарының қызметін қамтамасыз ету» және 003 «Халықтың республикалық деңгейдегі санитарлық-эпидемиологиялық салауаттылығы» бағдарламалары бойынша көзделген қаражат есебінен қаржыландыруды қамтамасыз етсін.
3. Қазақстан Республикасы Президентінің Күзет қызметі (келісім бойынша), Қазақстан Республикасы Ұлттық қауіпсіздік комитеті (келісім бойынша), Қазақстан Республикасы Ішкі істер министрлігі Грузияның делегациясы мүшелерінің Астана қаласының әуежайындағы, тұратын және болатын орындарындағы қауіпсіздігін, жүретін бағыттары бойынша бірге жүруді, сондай-ақ арнайы ұшақты күзетуді қамтамасыз етсін.
4. Қазақстан Республикасы Көлік және коммуникация министрлігі белгіленген тәртіппен:
Қазақстан Республикасы Қорғаныс министрлігімен бірлесіп, Грузияның Премьер-Министрі арнайы ұшағының Қазақстан Республикасының аумағы үстінен ұшып өтуін, Астана қаласының әуежайына қонуын және одан ұшып шығуын;
Астана қаласының әуежайында арнайы ұшаққа техникалық қызмет көрсетуді, оның тұрағын және жанармай құюды;
Қазақстан-грузия сауда-экономикалық ынтымақтастығы жөніндегі Үкіметаралық комиссиясының тең төрағасы, Қазақстан Республикасының Көлік және коммуникация министрі Ә.Құсайыновтың атынан Грузияның Премьер-Министрі Н.Гилауридің құрметіне жұмыс бабындағы қабылдауды ұйымдастыруды қамтамасыз етсін.
5. Қазақстан Республикасы Байланыс және ақпарат министрлігі сапарды бұқаралық ақпарат құралдарында жария етуді қамтамасыз етсін.
6. Астана қаласының әкімдігі және Қазақстан Республикасы Мәдениет министрлігі Грузияның делегациясын Астана қаласының әуежайында қарсы алу және шығарып салу жөніндегі ұйымдастыру іс-шараларын орындауды, әуежайды және көшелерді безендіруді, сондай-ақ мәдени бағдарлама ұйымдастыруды қамтамасыз етсін.
7. Қазақстан Республикасы Республикалық ұланы (келісім бойынша) Астана қаласының әуежайында Грузияның Премьер-Министрін қарсы алу және шығарып салу ресми рәсімдеріне қатыссын.
8. Осы өкімнің іске асырылуын бақылау Қазақстан Республикасы Сыртқы істер министрлігіне жүктелсін.
Премьер-Министр К. Мәсімов
Қазақстан Республикасы
Премьер-Министрінің
2010 жылғы 23 сәуірдегі
№ 58-ө өкіміне
қосымша
Грузия делегациясының мүшелерін қамтамасыз ету және оларға қызмет көрсету жөніндегі ұйымдастыру шаралары
1. Грузия делегациясының мүшелерін («1+5» форматы бойынша) және Қазақстан Республикасының Президенті Күзет қызметінің қызметкерлерін Астана қаласындағы қонақ үйде орналастыру.
2. Баспа өнімдерін (бейдждер, сапардың бағдарламалары, автокөліктерге арнайы рұқсатнамалар, куверттік карталар, қабылдауға шақырулар) дайындау.
3. Грузияның делегациясын қарсы алу және шығарып салу кезінде Астана қаласы әуежайында шай дастархан ұйымдастыру және гүлмен безендіру.
4. Астана қаласында Қазақстан Республикасының Премьер-Министрі К.Мәсімовтің атынан Грузияның Премьер-Министрі Н.Гилауридің құрметіне қабылдаулар (таңғы, түскі, кешкі астар) ұйымдастыру.
5. Делегация басшысы мен мүшелері үшін сыйлықтар мен кәдесыйлар сатып алу.
6. Іс-шараларды өткізу орындарын гүлмен безендіру.
7. Делегация мүшелеріне және олармен бірге жүретін адамдарға көліктік қызмет корсету.
8. Делегация мүшелеріне және олармен бірге жүретін адамдарға медициналық қызмет көрсету.
