Қожа Ахмет Ясауи кесенесінің халықаралық мәртебесін сақтау үшін қажетті құжаттарды қалыптастыру және Біріккен Ұлттар Ұйымы жанындағы Білім, ғылым және мәдениет мәселелері жөніндегі дүниежүзілік мұра комитетіне жіберу жөнінде ұсыныстар әзірлеу үшін жұмыс тобын құру туралы

Қазақстан Республикасы Премьер-Министрінің 2019 жылғы 2 сәуірдегі № 45-ө өкімі

Қожа Ахмет Ясауи кесенесінің халықаралық мәртебесін сақтау үшін қажетті құжаттарды қалыптастыру және Біріккен Ұлттар Ұйымы жанындағы Білім, ғылым және мәдениет мәселелері жөніндегі дүниежүзілік мұра комитетіне (бұдан әрі - ЮНЕСКО Комитеті) жіберу мақсатында:

1. Мынадай кұрамда жұмыс тобы құрылсын:

Әбдіқалықова Гүлшара Наушақызы	-	Қазақстан Республикасы Премьер-Министрінің орынбасары, басшы
Мұхамедиұлы Арыстанбек	-	Қазақстан Республикасы Мәдениет және спорт министрі, басшының орынбасары
Жоламанов Әбіл Тауфиқұлы	-	Қазақстан Республикасы Мәдениет және спорт министрлігі Мәдениет және өнер істері департаментінің директоры, хатшы
Шолпанқұлов Берік Шолпанқұлұлы	-	Қазақстан Республикасының Қаржы бірінші вице-министрі
Өскенбаев Қайырбек Айтбайұлы	-	Қазақстан Республикасының Индустрия және инфрақұрылымдық даму бірінші вице-министрі
Ашықбаев Ержан Нығматоллаұлы	-	Қазақстан Республикасы Сыртқы істер министрінің орынбасары
Әзімова Эльвира Әбілқасымқызы	-	Қазақстан Республикасы Әділет министрінің орынбасары
Қожағапанов Ерлан Тоқтарханұлы	-	Қазақстан Республикасының Мәдениет және спорт вице-министрі
Алпысов Ермек Амантайұлы	-	Қазақстан Республикасының Ұлттық экономика вице-министрі
Мырзалиев Мейіржан Иябайұлы	-	Түркістан облысы әкімінің орынбасары
Изанова Динара Төлегенқызы	-	Қазақстан Республикасының ЮНЕСКО және ИСЕСКО істері бойынша Ұлттық комиссиясының бас хатшысы (келісу бойынша)
Зебешев Ардақ Темірханұлы	-	Түркістан облысы әкімінің кеңесшісі
Жүнісов Сәрсембек Ендібайұлы	-	"Астана бас жоспары" ғылыми-зерттеу жобалау институты" жауапкершілігі шектеулі серіктестігінің директоры (келісу бойынша)
Садуов Асылхан Жұмабайұлы	-	Қазақстан Республикасы Мәдениет және спорт министрлігінің "Қазқайтажаңарту" шаруашылық жүргізу құқығындағы республикалық мемлекеттік кәсіпорнының директоры (келісу бойынша)
Хазбулатов Андрей Равильевич	-	"Қазақ ғылыми-зерттеу мәдениет институты" жауапкершілігі шектеулі серіктестігінің директоры (келісу бойынша)

2. Жұмыс тобы бір ай мерзімде Қожа Ахмет Ясауи кесенесінің халықаралық мәртебесін сақтау үшін қажетті құжаттарды қалыптастыру және ЮНЕСКО Комитетіне жіберу жөнінде ұсыныстар әзірлесін.

3. Осы өкімнің орындалуын бақылау Қазақстан Республикасы Премьер-Министрінің орынбасары Г.Н. Әбдіқалықоваға жүктелсін.

Премьер-Министр

А. Мамин