Елді мекендердің, экономика объектілерінің, өндірістік және әлеуметтік инфрақұрылымның тыныс-тіршілігін, қауіпсіздікті қамтамасыз ету және өңірлерде қалыптасқан қоғамдық-саяси ахуалға жедел ден қою, орталық атқарушы органдардың іс-қимылын үйлестіру мақсатында:
1. Қазақстан Республикасы Премьер-Министрінің орынбасарлары: 2022 жылғы 20 наурызда Р.В. Склярдың, 2022 жылғы 21 наурызда Б.Т. Сұлтановтың, 2022 жылғы 23 наурызда Е.Л. Тоғжановтың, 2022 жылғы 22 наурызда Қазақстан Республикасының Премьер-Министрі Кеңсесінің Басшысы Ғ.Т. Қойшыбаевтың кезекшілігі ұйымдастырылсын.
2. Ауыл шаруашылығы, Денсаулық сақтау, Индустрия және инфрақұрылымдық даму, Қорғаныс, Төтенше жағдайлар, Ішкі істер, Экология, геология және табиғи ресурстар, Энергетика, Цифрлық даму, инновациялар және аэроғарыш өнеркәсібі министрліктерінің бірінші басшылары 2022 жылғы 20 – 24 наурызда:
1) жауапты қызметкерлердің тәулік бойғы кезекшілігін ұйымдастырсын;
2) төтенше жағдайларды жою жөніндегі жергілікті штабтармен, елді мекендер мен өнеркәсіптік кәсіпорындардың тыныс-тіршілігін қамтамасыз ететін өңірлік ұйымдардың басшыларымен және диспетчерлік қызметтерімен байланыс орнатсын;
3) шұғыл жағдайларда Қазақстан Республикасы Үкіметінің басшылығына (7172) 74-56-82 телефоны, 74-53-70 факсы бойынша жедел ахуалды бірден баяндасын.
3. Осы өкімнің орындалуын бақылауды өзіме қалдырамын.
| Премьер-Министр | Ә. Смайылов |
