Қарағанды облысында "АрселорМиттал Теміртау" акционерлік қоғамының аумағында 2022 жылғы 10 маусымда болған аварияны тергеп-тексеру мақсатында:
1. Қосымшаға сәйкес құрамда Қарағанды облысындағы "АрселорМиттал Теміртау" акционерлік қоғамының аумағындағы аварияның себептерін тергеп-тексеру және салдарын жою жөніндегі үкіметтік комиссия (бұдан әрі – Комиссия) құрылсын.
2. Комиссия дереу жұмысқа кіріссін, аварияның себептерін жан-жақты тергеп-тексеруді қамтамасыз етсін, келтірілген залалды бағалау, зардап шеккендерге және қаза тапқандардың отбасыларына бірінші кезекте көмек көрсету жөнінде шаралар қабылдасын.
3. Комиссия төрағасы Юрий Викторович Ильин аварияның себептерін тергеп-тексеру нәтижелері және келтірілген залалды бағалау, зардап шеккендерге және қаза тапқандардың отбасыларына бірінші кезекте көмек көрсету жөнінде қабылданған шаралар туралы баяндасын.
| Премьер-Министр | Ә. Смайылов |
| Қазақстан Республикасы Премьер-Министрінің 2022 жылғы 10 маусымдағы № 101-ө өкіміне қосымша |
Қарағанды облысында "АрселорМиттал Теміртау" акционерлік қоғамының аумағындағы аварияның себептерін тергеп-тексеру және салдарын жою жөніндегі үкіметтік комиссияның құрамы
Ильин Юрий Викторович | - | Қазақстан Республикасының Төтенше жағдайлар министрі, Комиссия төрағасы |
Қасымбек Жеңіс Махмұдұлы | - | Қарағанды облысының әкімі, Комиссия төрағасының орынбасары |
Әділов Санжар Әскенұлы | - | Қазақстан Республикасының Ішкі істер министрлігі Тергеу департаментінің бастығы |
Мақажанов Нығмеджан Қойшыбайұлы | - | Қазақстан Республикасының Төтенше жағдайлар министрлігі Өнеркәсіптік қауіпсіздік комитетінің төрағасы |
Жолмағамбетов Тұрар Бибітұлы | - | Қазақстан Республикасының Индустрия және инфрақұрылымдық даму министрлігі Индустриялық даму комитеті төрағасының орынбасары |
Оспанқұлов Төлеген Қапақұлы | - | Қазақстан Республикасының Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитеті төрағасының орынбасары |
Дүйсенов Азамат Қинаятұлы | - | Қазақстан Республикасының Денсаулық сақтау министрлігі Медициналық көмекті ұйымдастыру департаментінің директоры |
Есенеев Кеңгірбай Әлиакпарұлы | - | Қазақстан Республикасының Төтенше жағдайлар министрлігі Өнеркәсіптік қауіпсіздік комитетінің Қарағанды облысы бойынша департаменті басшысының орынбасары |
Яблонский Владимир Иванович | - | "АрселорМиттал Теміртау" акционерлік қоғамының өндіріс жөніндегі директоры (келісу бойынша) |
Ғазизов Данияр Күнтасұлы | - | "Семсер өрт сөндіруші" жауапкершілігі шектеулі серіктестігінің бас директоры (келісу бойынша) |
