Бюджет қаржысының нысаналы пайдаланылуына тексеру жүргiзу туралы

Қазақстан Республикасы Премьер-министрiнiң өкiмi 1994 жылғы 29 желтоқсан N 529-ө

1. Мемлекеттiк кәсiпорындардан, мекемелер мен ұйымдардан олардың негiзгi қызметiмен байланысы жоқ мақсаттарға қаражат алу фактiлерiнiң жиiлеуiне байланысты банктiк емес мекемелер мен траст компанияларға депозитке бюджет қаржысы мен ақша қаражатын аударуға тыйым салынсын.
2. Қазақстан Республикасының Қаржы министрлiгi, Мемлекеттiк қаржы бақылау комитетi 1995 жыл iшiнде бюджет қаржысының нысаналы пайдаланылуына тексеру жүргiзсiн.
3. Қазақстан Республикасының Мемлекеттiк қаржы бақылау комитетi Бас прокуратурамен бiрлесе отырып осындай тәртiп бұзушылықтардың анықталған фактiлерi бойынша лауазымды адамдарды қылмыстық жауапқа тартуға дейiн шара қолдансын.

Премьер-министр