"Достық" автомодель өткiзу пунктiн пайдалануға беру туралы

Қазақстан Республикасы Премьер-Министрiнiң Өкiмi 1995 жылғы 14 желтоқсандағы N 510

1. Қазақстан Республикасы Кеден комитетiнiң, Талдықорған облысы әкiмiнiң, Қазақстан Республикасы Сыртқы iстер министрлiгiнiң, Көлiк және коммуникациялар министрлiгiнiң, Қазақстан Республикасы Мемлекеттiк шекараны қорғау жөнiндегi мемлекеттiк комитетiнiң 1995 жылдың 20 желтоқсанынан бастап уақытша схема бойынша шектелген тәртiппен (қатынасы екi жақты) "Достық" (Талдықорған облысы) автомобиль өткiзу пунктiн пайдалануға беру жөнiндегi бастамшылығы мақұлдансын.
2. "Достық" автомобиль өткiзу пунктiнiң үйлер кешенi белгiленген тәртiппен "Достық" кеденiнiң балансына берiлсiн.
3. Қазақстан Республикасының Сыртқы iстер министрлiгi Қытай Халық Республикасының Сыртқы iстер министрлiгiмен "Достық" автомобиль өткiзу пунктiн ресми түрде пайдалануға беру туралы ноталар алмастырсын.
4. Талдықорған облысының әкiмi Қазақстан Республикасының Кеден комитетiнiң және басқа да мүдделi министрлiктермен, ведомстволармен бiрлесiп, "Достық" автомобиль өткiзу пунктiн пайдалануға беру жөнiндегi ресми шаралардың бағдарламасын пысықтасын.
5. Осы өкiмнiң орындалуына бақылау жасау Қазақстан Республикасының Кеден комитетiне жүктелсiн.

     Премьер-Министрдiң
     бiрiншi орынбасары