1. Индонезия, Малайзия, Сингапур, Канада, Ұлыбритания шетел
компаниялары топтарының Қазақстанның алтын өндiру өнеркәсiбi кәсiпорындарын инвестициялауға қатысуы туралы ұсынысы қабылдансын. 2. Инвестицияларды тарту туралы және Бақыршық бiрлескен кәсiпорнының, "Ақбай кен-байыту комбинатының", сондай-ақ "Алтыналмас" акционерлiк компаниясының мемлекеттiк мүлкiн жекешелендiру туралы келiссөздер жүргiзу және бiрлескен ұсыныстар даярлау үшiн мына құрамда жұмыс тобы құрылсын. Мұртазаев М.А. - Қазақстан Республикасы Өнеркәсiп және сауда министрiнiң бiрiншi орынбасары, төраға Имашев Б.М. - Қазақстан Республикасының Мемлекеттiк мүлiктi басқару жөнiндегi мемлекеттiк комитетi төрағасының орынбасары Раханов М.С. - Қазақстан Республикасының Жекешелен. дiру жөнiндегi мемлекеттiк комитетiнiң бiрiншi орынбасары Мақұлбеков Н.А. - "Алтыналмас" акционерлiк компаниясының президентi Жұмыс тобына Қазақстан Республикасының Үкiметi атынан келiссөздер жүргiзуге құқық берiлсiн.
3. Жұмыс тобы материалдарды 1996 жылғы 20 қаңтарда Қазақстан Республикасының Үкiметiне ұсынсын, ресiмдеудi осы жылғы 25 қаңтарға дейiн аяқтасын.
Премьер-Министр