Астық сату туралы

Қазақстан Республикасы Премьер-Министрiнiң Өкiмi 1996 жылғы 30 мамыр N 248-ө

1. Мемлекеттiк азық-түлiк контракт корпорациясы мен "Агроцентр" ЖШС арасындағы мемлекеттiк ресурстан 36,3 млн. АҚШ долларына балама 214,4 мың тонна азық-түлiктiк жұмсақ және қатты бидай сатуға жасасқан контрактi және "Қазкоммерцбанк" АБ-нiң осы соманы 1996 жылдың астық өнiмiнен астықты мемлекеттiк сатып алу жөнiндегi вексельдiк бағдарламаны қаржылық ресурстармен қамтамасыз ету үшiн 1996 жылдың 1 шiлдесiне Мемлекеттiк азық-түлiк контракт корпорациясының "Қазкоммерцбанк" АБ-гi ағымдағы шотына есептеу туралы кепiлдемесi мақұлдансын.
2. Мемлекеттiк азық-түлiк контракт корпорациясы астық қабылдау кәсiпорындарымен мемресурс астығын сақтау және өңдеу үшiн қажеттi есептесулер жүргiзсiн және оларды "Агроцентр" ЖШС меншiгiне белгiленген тәртiппен қайта ресiмдесiн.

Премьер-Министр