"Қазсибэкспорт "Ақсуат" АҚ бiрiккен кәсiпорнымен жасаған форвардтық контрактiсi туралы

Қазақстан Республикасы Премьер-Министрiнiң өкiмi 1996 жылғы 23 тамыз N 402

1. 50985 мың (елу миллион тоғыз жүз сексен бес мың) АҚШ доллары сомасына 1996 жылдың астығынан мемлекеттiк ресурстардан 300 мың тонна азық-түлiктiк бидай сатып алуға арналған Мемлекеттiк азық-түлiк контрактi корпорациясының қазақстан-ресей "Қазсибэкспорт "Ақсуат" АҚ бiрiккен кәсiпорнымен жасаған форвардтық контрактiсi мақұлдансын.
Контрактiнiң шарттары бойынша сатып алушы осы өкiм шыққаннан кейiн 10 күн iшiнде аталған соманы алдын ала төлемiн қамтамасыз ететiнi назарға алынсын.
2. Мемлекеттiк азық-түлiктiк контрактi корпорациясы ағымдағы жылдың 1 қазанынан бастап сатып алушыға астық жөнелтуді қамтамасыз етсiн.
Қазақстан Республикасының Көлiк және коммуникациялар министрлiгi, Кеден комитетi, Мемлекеттiк азық-түлiктiк контрактi корпорациясы мен Қазақстан халықаралық агроөнеркәсiптiк биржасы аталған контракт бойынша астық жөнелтуге қажеттi жәрдем көрсетсiн.
3. Мемлекеттiк азық-түлiктiк контрактi корпорациясы облыс әкiмдерiмен бiрлесiп ағымдағы жылдың 1 қарашасына дейiн республиканың шаруашылық жүргiзушi субъектiлерiне тұқымдық, азық-түлiктiк және жем-шөптiк несиелер ретiнде берiлген астықты мемлекеттiк ресурстарға қайтаруды қамтамасыз етсiн.

Премьер-Министр