Ақшалай қаражат бөлу туралы

Қазақстан Республикасы Премьер-Министрiнiң Өкiмi 1996 жылғы 11 қыркүйек N 436-ө

Күрделi салымдарды қаржыландыруға 1996 жылға арналған республикалық бюджетте көзделген жалпы қаражаттың есебiнен қайтарымсыз негiзде 1995 жылы орындалған жұмыстар, оның iшiнде мыналар үшiн кредиттiк берешектi өтеуге 40.900 млн. (қырық миллион тоғыз жүз мың) теңге:
Әл-Фараби атындағы Қазақ мемлекеттiк ұлттық университетiне акт залының құрылысы бойынша 29,7 млн. (жиырма тоғыз миллион жетi жүз мың) теңге;
Батыс Қазақстан облысының әкiмiне Тайпақ ауданы Калмыков поселкесiнде 240 оқушыға арналған мектептiң құрылысы бойынша 4,6 млн. (төрт миллион алты жүз мың) теңге;
Алматы облысының әкiмiне Қаскелең ауданындағы Тұрар поселкесiндегi 664 оқушыға арналған мектептiң құрылысы бойынша 6,2 (алты миллион екi жүз мың) теңге бөлiнсiн.

Премьер-Министр